Homa 11:18 - Deoso-ka Yama Hani

¹⁸ Yodeo mai‑ya Deoso bakanakose, dai‑ya nawaane, mai‑ya dai weeriyahi. Dai amosawaha, hini dai ene tohara, orifera amose ede‑ya Deoso dai‑ya nawaane hini Deoso ene‑bisa amane.

Homa 11:18 ပူးပေါင်းရင်းမြစ်များ

Mateo 26:33

“Ayo, mai kananibisaba awineni. Owa‑ta kana·oteraboneni.” Bedoro ati nemarine.

Yowaho 10:16

Mai tabori one‑ya oka kaneiro mai one toha, mai onakamaboneni. Owati‑ya mai mitaboneni. Oka kaneiro mai one‑ya mai yoro·okanihebone, mai‑ya na‑nawada owa hare boneni.

Yowaho 4:22

Deoso dai kahiyara, yama dai kahiyara dai wato awirini. Yodeo oda toha, Deoso oda kahiyara, Deoso yokana oda watobisineni. Deoso ati somawama‑bona‑ka yama oda watoneni.

Yeso‑ka yo‑yose mai tamine 25:7

Baoro kobone, Yodeo Yerosare‑ya mai kama, mai yorotokana, Baoro tamine‑ya mai hiyara, “Baoro ati kasiro, ene amosare, Mose ati tamine‑ya mai‑ya keyehe‑ya hiri kitine.” Mai ati na. “Mai ati‑nima Baoro ene tohare awane, yama owato awirini.” Fesito atibodi ati ne.

Homa 11:20

Fara dai ati‑nima yama nineni. Yeso ati‑ya Yodeo mai nofaramaro, hini mai ihi orifera ino‑nima mai na, Deoso mai‑ya bakanakose. Dai‑ta Yeso ati‑ya dai nofa, orifera amose ede‑ya dai‑ya Deoso nawaane. Dai‑ya dai nofi nafiriyahi. Deoso ene dai ya‑yaina, Deoso dai kahiyarahi.

Homa 3:27

“Owa ene amosa, owa ene Deoso ati somawamane.” Dai ati riyahi. Dai ene Deoso ati somawami awirane. Dai‑ya dai kahiyarariyahi. “Mose ati okadaba, Mose ati ene Deoso owa‑ya ati somawamane.” Dai ati riyahi. Mose ati ene tohi awire. Yeso ati‑ta ai nofa, Deoso ati somawamabisatene.

Homa 4:16

Fare Deoso ati‑nima yama nabone ai watowahineni. Deoso ati‑ya Abaraho nofemata, fare‑nima Deoso ati ai nofe, ati‑nima yama ai kayafaboneni. Ai ene tohi awirini. Deoso hini ene ai‑ya kasome, ai‑ya ati somawamebonane. Yodeo oda toha, Deoso ati oda nofiya, Deoso ati‑nima yama na oda kayafaboneni. Abaraho‑ka nodi yokana oda amani. Fara‑nima Bara dai toha, Deoso ati dai nofiya, Abaraho‑ka nodi yokana dai tohahare, Deoso dai‑ya ati somawamaharibonane. Deoso ati ai no‑nofa ai nafi‑ka idi i‑di Abaraho toha tene.

Korito daidi 10:12

Yama‑ya dai watamone dai ati na, dai noko wadahi. Dai noko wadariya, Satanasi dai‑ya keyehe‑ya hirikanebonane.

Karatiya 3:29

Yeso Kirisito ati‑ya ai nofa Abaraho‑ka nodi ai tohawahani. Abaraho‑ka nodi mai‑ya Deoso kasomebona ati nemari, Deoso hini ati‑mari‑nima ai‑ya kasomaharibonane. Deoso‑ka ai toha, Deoso bidi ai toha, ai‑na, hika yama nafi ai kayafaboneni.