Homa 11:14 - Deoso-ka Yama Hani

¹⁴ Dai‑ya ohiyara, owa‑ya Yodeo mai awiya, mai yawaba awineni. Yeso ati‑ya dai nofa Deoso dai‑ya kasome‑ya mai awiya, Yeso ati‑ya mai one nofamakeba awineni.

Homa 11:14 ပူးပေါင်းရင်းမြစ်များ

Homa 10:19

“Deoso ati‑ya Isara·eo‑ka mai mitamete, ati mai hiwatokare? Ati mai hiwatowahane.” Owatibodi ati nineni. Hibati‑ya Deoso ati‑ya Mose kanahano, “Bara towe mai‑mone dai ati na, owati‑ya mai nofawahiya, owa dai kayawaboneni. Yama‑ya mai watoramone dai ati na, mai okasomiya, dai yawawahaboneni.” Deoso ati nematane.

Homa 11:11

“Yeso abeya, Yodeo mai manakone‑ya nanahabebona tamine‑ya mai mita, mai taratokana, mai ihi Deoso mai‑ya kakane, mai‑ya kasomarebonane.” Dai ati na awineni. Deoso mai‑ya kanakare, Bara mai‑ya kasomeya, Deoso ene‑ya Isara·eo‑ka mai awiya, Deoso‑ya mai kayawabone Deoso atibodi ati nane.

Homa 9:3

Oka mai one Kirisito ati‑ya mai nofara, mai ihi owatibodi yama‑ya kadikani. “Owa‑ta Deoso tabaro‑ya owinara‑mani, oka mai nafi winabisiya, ya‑yai·ona neni.” Owatibodi ati nineni.

Korito daidi 1:21

Yama dama‑ya mai wa‑wato‑mone mai ati na, yama wato ihi Deoso hawine‑ya mai wasiterani. Deoso ene Yeso abe, ai manakone‑ya nanahabe tamine oda kamine, oda ati‑ya mai nofa, Deoso hawine‑ya mai wasiteni. Oda ati‑ya mai nofara, ka‑kana oda‑mone mai ati na, Deoso hawine‑ya mai wasirani.

Korito daidi 10:33

Owa‑nima dai nahi. Mai nafi onofa, owa ene‑ya mai awiya, mai ya‑yainiya, Deoso ati‑ya mai nofawahaba awineni. Owa‑ya onofi bi‑bidi ona, mai‑ya onofi nafi neni.

Korito daidi 7:16

Fana tiha, Deoso ati tinofa, tika yibote Deoso ati‑ya nofare, tiwa ene‑ya aweya, Deoso ati‑ya nofamakiba awane. Yama tiwato awirini. Fara‑nima maki tiha, Deoso ati tinofa, tika yibote Deoso ati‑ya nofara, tiwa ene‑ya awiya, Deoso ati‑ya nofamakeba awineni. Yama tiwato awirini.

Timoti daidi 1:15

“Yeso Kirisito kame, ai manakone‑ya nanahabemarine.” Mai ati na. Keyehe‑ya mai hirini awirani. Towe ama·oni. Owa ene amosara, owa manakone nafibisamaro, ama·oni. Owa manakone‑ya Yeso nanahabemarine.

Timoti daidi 2:4

Yeso ati mai dami nofabone, keyehe‑ya mai nofara, Deoso hawine yokana‑ya mai dami watabone, Deoso atibodi nofatene.

Timoti daidi 4:16

Tiwa noko wadahi. Deoso ati yokana tikamina, Deoso ati‑nima tiniya, Deoso tabaro‑ya tiwinawahaboneni. Tiwati‑ya mai mita, tiwati‑ya mai tokadabiya, Deoso tabaro‑ya mai winahareboneni.

Timoti yoto‑ke 1:9

Hibati‑ya ai awisari‑ya Deoso ai‑ya kadike, ai ene tohara, Deoso ai‑ya nofe, Yeso Kirisito ati ai nofabone ai‑ya wato, ai‑ya kasomematane.

Timoti yoto‑ke 2:10

Kadeya‑ya ofoya, oyawara, sibaraboneni. Kadeya‑ya owaa, Deoso Ati Amosabote mai one‑ya okamina, Yeso ati‑ya mai nofamakeba awineni. Hibati‑ya Deoso mai‑ya kadikane, Yeso ati‑ya mai nofabonehe. Yeso ati‑ya mai nofamakiya, Deoso tabaro‑ya mai winawahaboneni. Mai ya‑yaini fawateraboneni.

Tito 3:5

Ai ene tohara. Deoso ai‑ya nofi nafi, ai‑ya kasome, ai ene amosaramaro, ai atibodi‑ya Deoso awe, ai bisa toha‑nima ai atibodi na, Deoso ene ai atibodi yati tohawaha, ai bisa toha, ai‑ya ai sokona‑nima ai atibodi yati tohawaha nineni. Deoso ene‑nima ai ene nawahabone, Deoso‑ka Doni ai‑ya sawi, yama amosa ai watoni.

Firimo 1:12

I‑di Onesimo tiwa tabaro‑ya oyosemeya, owatibodi foyasa nineni.

Ebereo 1:14

Hini yamata‑nima Deoso‑ka yo‑yose mai nihi? Deoso ati ai no‑nofa, Deoso tabaro‑ya ai winabone ai‑nima mai ra, ai‑ya mai kasomabone, Deoso mai‑ya wamanematane.

Ebereo 2:3

Deoso Bidi Badi ati‑ya kamine, ati ai tokadabare, ai manakone amosara ba‑basi nibisaboneni. Deoso Ati Amosabote‑ya Bidi mai‑ya kamine, Yeso ati‑ya mai mita, ati mai hikaminamaki, ati oda mitane.

Tiyako 5:20

dai ene dai owa abarebona, Deoso ati somawame, ene amosare Deoso hikadikami awirebonane.