Homa 11:1 - Deoso-ka Yama Hani

¹ Isara·eo‑ka mai dami‑ya Deoso nofami awire‑mona dai ati na awineni. Isara·eo‑ka mai‑ya Deoso kanakiterene. Isara·eo‑ka owa ama·oni. Abaraho‑ka nodi, i‑di Besami tohe, i‑di Besami‑ka nodi ama·oni.

Homa 11:1 ပူးပေါင်းရင်းမြစ်များ

Roka 20:16

Kamakiya, hika ofa‑ya mai na‑nawada‑maro mai‑ya nanahabeya, ai one‑ya awa‑ya hidi daanawahebonane, mai hinawadawahabonehe.” Yeso ati nematane. “Ka! Haa‑nima yama riyahi.” Mai ati nameteni.

Yeso‑ka yo‑yose mai tamine 22:3

“Yodeo ama·oni. Sirisiya‑ya tabora Taso toha‑ya owa‑ya mai nayanamaroni. Yerosare‑ya i‑di Kamari·eo owa‑ya kanawato, Mose‑ka yama hani nafi‑ya owa‑ya kanawatomarine. Fara dai‑nima ona, Deoso ati onofawahamaroni.

Yeso‑ka yo‑yose mai tamine 26:4

Hibati‑ya yetene ohiya, Yerosare‑ya mai‑ya odaba, owa ene‑ya Yodeo mai watoneni.

Homa 11:11

“Yeso abeya, Yodeo mai manakone‑ya nanahabebona tamine‑ya mai mita, mai taratokana, mai ihi Deoso mai‑ya kakane, mai‑ya kasomarebonane.” Dai ati na awineni. Deoso mai‑ya kanakare, Bara mai‑ya kasomeya, Deoso ene‑ya Isara·eo‑ka mai awiya, Deoso‑ya mai kayawabone Deoso atibodi ati nane.

Homa 3:4

Deoso ati‑nima yama nasa naboneni. Ati fawaterebonane. Ai nafi‑ta keyehe‑ya ai hirina awineni. Deoso‑ta keyehe‑ya hiriterene. Deoso ati‑nima yama na dai awaboneni. Deoso ati ai kadika, “Deoso ati tosawariterene. Hini ati‑nima yama teni. Deoso ati‑ya mai nofara, Deoso ati‑nima yama nasa nineni.” Deoso‑ka yama hani ati nineni.

Homa 9:3

Oka mai one Kirisito ati‑ya mai nofara, mai ihi owatibodi yama‑ya kadikani. “Owa‑ta Deoso tabaro‑ya owinara‑mani, oka mai nafi winabisiya, ya‑yai·ona neni.” Owatibodi ati nineni.

Korito yoto‑ke 11:22

Ebereo mai toha, fara ebereo ama·oni. Isara·eo‑ka nodi mai toha, fara Isara·eo‑ka nodi ama·oni. Abaraho‑ka nodi mai toha, fara Abaraho‑ka nodi ama·oni.

Firibo 3:5

Wada yati oha, owa amoni 8 kani‑ya owa sowiri tati ataro‑ya mai wisinakosameteni. Oka idi yokana Isara·eo amane. I‑di Besami‑ka owa ama·oni. Oka idi mai nafi Yodeo mai tohateni. Mose‑ka yama hani ati‑nima oteni. Fariseo owa ama·oni. Mose‑ka yama hani oda nokotonihemaroni.