Homa 10:4 - Deoso-ka Yama Hani

⁴ Mose ati‑ya mai tokadababone mai ati na, Mose ati nafi‑ya mai tokadabara ene Mose ati mai‑ya barikane, Deoso tabaro‑ya mai koboraboneni. Yeso ati‑ya mai nofa, Mose ati mai‑ya barinami awirebona, Deoso mai‑ya ati somawamatene.

Homa 10:4 ပူးပေါင်းရင်းမြစ်များ

Mateo 3:15

“Sibaraboneni. Owa habatinirisiya, Deoso ati‑nima ai teni.” Yeso ati nematane. Ati ene Yowaho habahinirisematane.

Yowaho 1:17

Ai ene towe manakone‑bone tamine‑ya Mose kanahanomatamonane. Yeso Kirisito ene amose, ai ene towe manakone‑ya nanahabe, Yeso Kirisito ene Deoso ai watowahamaroni.

Homa 3:22

Yeso Kirisito Deoso tabaro hawine‑ya wamanemata, ati ai nofe, Deoso ai‑ya ati somawamatene. Yodeo oda toha, Bara dai toha, dai na, Deoso ai‑ya awe, fara hinama ai toha, Yeso ati‑ya ai nofiya, Deoso ai‑ya ati somawamebonane. Ai ene amosara‑ya Deoso fawanihi, ai ene amosara wadamara‑nima ai ene nawahani.

Korito daidi 1:30

Deoso ene Yeso Kirisito ai‑ya sawiwahene, ai abarabonehe. Kirisito ene yama‑ya ai watowaha, Deoso‑ka ai toha, Deoso ai‑ya kayawe, Kirisito ene ai ene amosawamaboneni. Ai manakone abawaha, ai abiya, ai kitamateboneni.

Karatiya 3:24

Yama ai nabone, yama ai rabone i‑di Mose ai‑ya kanawato, Yeso Kirisito koboni awisareya, Mose ati ai‑ya barikanane. Yeso kobone, ai manakone‑ya nanahabe, Deoso ai‑ya ati somawamebonaha. Yeso ati ai nofiya, Yeso ati ene ai sibawarineni.

Karatiya 4:5

Mose ati‑ya ai tokadababone Deoso ati ne, ati ai tokadabi awire ene ai ababoneni. Yeso‑ta ai manakone‑ya nanahabe, ati‑ya ai nofe, Deoso bidi hawa tohe, ai tohaboneni.

Koroso 2:10

Yeso Kirisito ai‑ya sawi, yama nafi ai kihawahineni. Yeso Kirisito kitabotebisa amane. Ai webote‑ka hidi kiti bi‑bidi, madi mai‑ka hidi kiti bi‑bidi nane.

Koroso 2:17

Kirisito ati‑nima ai ene nabone ai atibodi ati na, ai atibodi ati‑ya mai mitara, ai ene‑ta‑ya mai awa, yama korimari‑nima yama na‑ya mai awabisa, ai atibodi ati‑ya Deoso watobise, Kirisito ati‑nima ai ene nabone‑ya wato tene.

Ebereo 10:14

Kirisito ai manakone‑ya nanahabi ohari, ai manakone‑ya Deoso haanamaterebona, ai amosa hinama ai tohawahaboneni.