Homa 10:3 - Deoso-ka Yama Hani

³ Yeso ati‑ya mai nofa‑mani, Deoso mai‑ya ati somawame nane. Hini mai ihi Deoso mai‑ya ati somawamebona mai atibodi ati na. Ai ene Deoso ai‑ya ati somawamatere‑ya mai watorani.

Homa 10:3 ပူးပေါင်းရင်းမြစ်များ

Roka 10:29

Mai nafi‑ya nofare, ati yananamatase, “‘Dai yakari‑ya mai sawe mai tinofiyahi.’ Yama hani ati na, ebeni‑ke tamine amanati?” Ati nematane.

Roka 16:15

Mai‑ya Yeso hiyare, “Dai ene amosamone dai ati na, dai ati‑ya mai dami nofa, dai atibodi ati‑ya Deoso watobise, dai atibodi ati‑ya Deoso nofarene.

Homa 1:17

Deoso hawine‑ya Yeso Ati Amosabote ai‑ya yofikitine. Yeso ati‑ya ai nofa, ati ai nofi na‑nafi nawahebonane. Ai ene amosaramaro Deoso fawanihi. Ai ene amosara wadara‑nima ai ene nawahani. Yeso ati ai nofa, Deoso ai‑ya ati somawame, Deoso tabaro‑ya ai winaboneni. Hibati‑ya Deoso ati‑ya ai owa kanahanomata, “Kirisito ati‑ya mai nofa, mai ihi amosara mai ihi nafi‑ya Deoso fawanihi. Tabaro‑ya mai winawahateboneni.” Deoso‑ka yama hani ati nineni.

Homa 10:2

Deoso tabaro‑ya mai atibodi toki nofabisa, Deoso hawine sawi‑ya mai watorani.

Homa 10:20

Isara·eo‑ka mai yawabone, mai‑ya i‑di Isa·iya wato, Deoso ati‑ya mai‑ya kaminanasa nane. “Owa‑ya Bara mai sibara, owa‑ya mai haara, owa ene owa hawine‑ya mai wase, owa‑ya mai watoneni.” Deoso ati nematane.

Homa 11:7

Isara·eo‑ka nodi mai dami‑ya Deoso kadikare, mai fa‑famaraba na mai‑ya kadike, Isara·eo‑ka nodi Deoso‑ka mai dami toha‑mone mai ati na, Deoso mai‑ya kadikemata, Deoso ati‑ya mai nofa, Deoso‑ka mai tohabisa. Mai one Deoso ati‑ya nofara mai atibodi ai teme ataro baye‑nima mai atibodi tokitameteni.

Homa 3:22

Yeso Kirisito Deoso tabaro hawine‑ya wamanemata, ati ai nofe, Deoso ai‑ya ati somawamatene. Yodeo oda toha, Bara dai toha, dai na, Deoso ai‑ya awe, fara hinama ai toha, Yeso ati‑ya ai nofiya, Deoso ai‑ya ati somawamebonane. Ai ene amosara‑ya Deoso fawanihi, ai ene amosara wadamara‑nima ai ene nawahani.

Homa 3:26

Hibayata Deoso ene amose hinama‑ya ai nafi awabone, hibati‑ka mai manakone‑ya Yeso nanahaba, ai manakone‑ya nanahaba nane. Deoso ati‑ya mai nofamete, Yeso ati‑ya ai nofa na, Deoso ai‑ya ati somawamane.

Homa 5:19

Adaho i‑di Deoso ati‑ya tokadabare ene ai nafi ene towe toha, Yeso Kirisito Deoso ati‑ya tokadabe ene Deoso ai nafi‑ya ati somawame, ai‑ya awe, Yeso ene amose‑nima ai ene na ai‑ya awabisane.

Korito yoto‑ke 5:21

Yeso ene amose hinama tohe, ai ene amosara‑ya kayafe, abematane. Ai ene amosara manakone‑ya nanahabemata, ati ai nofe‑ya Yeso ene amose hinama‑ya ai kayafaboneni. Deoso ai‑ya ati somawamatene.

Firibo 3:9

Yeso Kirisito ati onofe ene Kirisito owa‑ya sawi, Deoso owa‑ya aweya, Kirisito ene amose‑ya awebonane. Mose ati kote ai tokadababone ai ati na, Deoso ai‑ya aweya, ai ene amosara‑ya awatene. Yeso Kirisito ati ai nofa, ai ene‑ya Deoso aware, Yeso ene amose hinama‑ya awabisatene.

Bedoro yoto‑ke 1:1

Simaho Bedoro Yeso Kirisito‑ka yo‑yose ama·oni. Owa‑ya yosemarine, ati okaminebonaha. Deoso, Bidi‑ya fame amosabote mai toha, Deoso ati dai nofa, Yeso Kirisito ati‑ya dai nofahari, dai na, oda‑nima dai na, dai‑ka yama hani‑bone okanahanowahaboneni.