Homa 10:2 - Deoso-ka Yama Hani

² Deoso tabaro‑ya mai atibodi toki nofabisa, Deoso hawine sawi‑ya mai watorani.

Homa 10:2 ပူးပေါင်းရင်းမြစ်များ

Yowaho 16:2

Dai‑ya mai ati barinaboneni, Deoso‑ya mai hi‑hiyara‑ke yobe‑ya dai tokiyomamarabonehe. Dai‑ya mai nanahabiya, ‘Oda ene Deoso ya‑yainane.’ Mai atibodi ati naboneni.

Yeso‑ka yo‑yose mai tamine 21:20

Baoro ati‑ya mai mita, Deoso‑ya mai kahiyara, Baoro‑ya mai hiyara, “Soho, oda ati timitahi. Yodeo mai dama Yeso ati‑ya mai nofawaha, Mose ati‑ya mai nofahari na, Mose ati‑nima mai teni.

Yeso‑ka yo‑yose mai tamine 21:28

Mai ibi haana, “Isara·eo‑ka nodi dai toha, oda dai kasomahi. Hai, mai tabori dami‑ya toke, mai‑ya hiyare, ‘Mose ati‑nima dai rihi, Yodeo mai‑nima dai rihi, Deoso tabaro‑ya dai tokarihi dai nahi.’ Ati tene. Fare ahi‑ya Deoso‑ka yobe‑ya Kereko mai‑ya kakame ene Deoso ati yawawahane.” Mai ati namaroni.

Yeso‑ka yo‑yose mai tamine 22:22

Bara mai tamine‑ya mai mita, mai ati yawa, sodado mai‑ya mai haana, “Abaho, abaho dai towakamaho.” Mai ati namaroni.

Yeso‑ka yo‑yose mai tamine 22:3

“Yodeo ama·oni. Sirisiya‑ya tabora Taso toha‑ya owa‑ya mai nayanamaroni. Yerosare‑ya i‑di Kamari·eo owa‑ya kanawato, Mose‑ka yama hani nafi‑ya owa‑ya kanawatomarine. Fara dai‑nima ona, Deoso ati onofawahamaroni.

Homa 10:1

Oka soho dai amani. Owati dai mitahi. Isara·eo‑ka mai onofi nafe, Deoso‑ya mai tamine ohiyarateni. Yeso ati‑ya mai nafi nofiya, Deoso tabaro‑ya mai nafi tokabone owatibodi ati nofani.

Homa 10:3

Yeso ati‑ya mai nofa‑mani, Deoso mai‑ya ati somawame nane. Hini mai ihi Deoso mai‑ya ati somawamebona mai atibodi ati na. Ai ene Deoso ai‑ya ati somawamatere‑ya mai watorani.

Korito yoto‑ke 4:4

Deoso yokana ati‑ya mai nofara, madi mai‑ka deoso i‑di Satanasi ati‑ya mai nofabisa, Satanasi ene mai atibodi noki wadara, Deoso Ati Amosabote mai mitara, Kirisito amosabote‑ya mai awara, Deoso yokana‑nima Kirisito ne amane.

Korito yoto‑ke 4:6

Hibati‑ya yama soki hinama tohaya, Deoso ati yanane, “Yama wahi tohawahi.” Ati ne. Ati ene yama wahi tohawahameteni. Makobote Bidi i‑di Yeso Kirisito‑ya yose, ai atibodi noko‑ya Bidi noko wehene ai aweya, Deoso amosabote tohe ai watowahaboneni.

Korito yoto‑ke 8:3

Yama bide‑ta mai kiha, ba‑basi na‑ya mai daana, hini mai ati ihi yama‑ya mai daa, oda ati ene toharani.

Karatiya 1:14

Yodeo mai one, oda‑ka idi mai ati‑ya mai nofi bi‑bidi namaroni. Owa‑ta oda‑ka idi mai ati onofi nafe. Oda‑ka idi mai ati okadabamaroni.

Karatiya 4:15

Hibayata owati ihi dai ya‑yainamarani. Hibati‑ya owa‑ya dai nofi nafemaro, owa‑ya dai nofami awirabone dai ati na awineni. Hibati‑ya dai nokobodi‑ya owa‑ya dai ati daanamaroni, owa nokobodi yati tohawahabonehe. Hini yama‑bone owati ababone dai ati niti? Owati dai nofamaraba awineni. Bara mai ati dai nofawaharo owatibodi ati nineni.

Firibo 1:9

Deoso‑ya dai tamine ohiyara, “Abi Deoso, tiwati ihi mai ibi nofi ba‑basi nahi. Tiwati nafi‑ya mai watowaha, yama tiwatibodi kobohina‑nima mai atibodi koboniyahi.” Oteni.

Firibo 3:6

Deoso ati okadabamone ona, Yeso ati‑ya mai no‑nofa mai bisi·onamaroni. Deoso ati mai nofaramone ona, mai bisi·onamaroni. Mose ati‑nima ai niya, ai sibarabone mai ati na, Mose ati‑nima onamaroni.

Koroso 4:13

Owati dai mitahi. Keyehe‑ya hiri·oni awirani. I‑di Ebafarasi dai‑ya nofi nafi, Deoso‑ya dai tamine‑ya hiyaranaditene. Raodiseya‑ya mai wi‑wina mai tamine‑ya hiyaraharitene. Iyerabori‑ya mai wi‑wina mai tamine‑ya hiyaratene.