Homa 10:18 - Deoso-ka Yama Hani

¹⁸ Deoso ati‑ya mai nafi mitakarini? Ati mai nafi himitemarine. Yama Deoso wamahinamete‑ya wami nafi‑ya mai awineni. “Yama wamani Deoso tamine‑ya kaminateni.” Deoso‑ka yama hani ati nineni. “Deoso kitabote tohe, ai nafi‑ya nofane.” Hika yama wamani ati teni.

Homa 10:18 ပူးပေါင်းရင်းမြစ်များ

Mateo 24:14

Neme‑ke ai nafi‑ka hidi kitabote tohawahebona tamine‑ya mai kaminabone, tabora dami‑ya dai‑ka Hidi tamine‑ya mai nafi mitiya, yama faina‑bone kobonaboneni.

Mateo 26:13

Owati amosa dai mitahi. Yama nafi‑kaya Deoso ati amosabote tamine‑ya mai hiyariya, fana ihi amosa tamine‑ya mai hiyarahareboneni.” Yeso ati nemarine.

Mateo 28:19

Mai tabori dami‑ya dai tokahi. Owa tamine dai hiyarahi. Mai‑ya dai habanirisahi. Okobi, Deoso Bidi, Deoso‑ka Doni ne oni‑ya mai weyenaboneni.

Mateo 4:8

Adami webote‑ya Yeso‑ya Diaboro towakame, mai tabori dami‑ya yofikanematane.

Maroko 16:15

Mai‑ya weeni hawa tohe, mai‑ya yose, “Yama nafi‑ya dai yakanawariya, mai nafi‑ya Deoso ati amosabote tamine dai kaminahi.

Maroko 16:20

Yeso‑ya mai da‑daba yama nafi‑ya mai yakanaware, mai‑ya mai hiyaramaroni. Ai‑ka Ayo mai‑ya kasome, mai ihi kitamaroni, mai ihi‑ya mai awiya, mai ati mai hinofabonehe.)

Yeso‑ka yo‑yose mai tamine 1:8

Dai‑ya Deoso‑ka Doni sawiya, dai habo kitawaha, Yerosare‑ya mai wi‑wina, Yodeya‑ya mai wi‑wina, Samariya‑ya mai wi‑wina, tabora dami‑ya mai wi‑wina, mai na, mai‑ya owa tamine dai kaminaboneni.” Yeso ati nemonane.

Yeso‑ka yo‑yose mai tamine 26:20

Damaso‑ya Deoso tamine ohiyara, Yerosare‑ya, Yodeya‑ya Deoso tamine ohiyara, Bara mai‑ya Deoso tamine ohiyaramaki, oneni, Yeso ati‑ya mai nofabonehe. ‘Deoso‑ya dai‑ya dai kamina, dai ati‑nima dai ene nawawahi.’ Onani.

Yeso‑ka yo‑yose mai tamine 28:23

Mai kamatasi‑bone‑ka mahi tamine‑ya Baoro‑ya mai kamineni. Mai ati kami‑ke mahi kobone, mai one mai‑ya sawe, Baoro wini‑kaya mai kobona, yama wahabisari‑ya Baoro mai‑ya hiyari yanakane, Deoso tabaro tamine‑ya hiyare, Yeso tamine i‑di Mose hikanahanomata‑ya mai‑ya yofikana, Deoso ati‑ya mai mi‑mita‑mete Yeso tamine mai hikanahanomata‑ya mai‑ya yofikana nane. Mahi toke‑ya ati fawanemarine.

Homa 1:8

Yeso ati dai nofa, dai tamine omita, ya‑yai·oneni. Mai tabori dami‑ya dai tamine‑ya mai hiyaramoneni. “Homa‑ya mai wi‑wina Deoso ati‑ya mai nofi nafemoneni.” Mai ati na, mai ati omita, mai ati ihi ya‑yai·ona, Yeso Kirisito ene Deoso okahiyarateni.

Homa 15:19

Yeso Kirisito owa‑ya kasome, Deoso‑ka Doni ene owa ene kita‑ya mai awamaroni. Yerosare‑ya mai wi‑wina, Iririko‑ya mai wi‑wina, hawi bai‑ya mai wi‑wina, mai na, owa ene‑ya mai awa, owati‑ya mai mita, mai namaroni. Deoso ati‑nima owa ene na, Yeso Kirisito ati‑ya mai dami mitamaroni.

Koroso 1:23

Dai ene amosawama, Kirisito ati dai tokadaba, Deoso Ati Amosabote ati dai mitemari, ati dai nofi faware, dai habo siitorihi na, dai ene Deoso ya‑yainebonane. Deoso Ati Amosabote okaminamaro, ati dai mitemarine. Deoso ati‑ya mai nafi mitawahineni. Bofe‑ya mai wi‑wina mai nafi Deoso ati‑ya mai mitawahineni. Yeso‑ka yo‑yose ama·oni, Deoso ati okaminabonehe.

Koroso 1:6

Deoso Ati Amosabote ati dai mite, ati dai nofe, mai one‑ya ati dai kaminamaki, dai ene Deoso Ati Amosabote mai one nofamoneni. Awa yana, tonafe, bonowahateni. Fara‑nima Deoso Ati Amosabote toheya mai dami mita, ati mai hinofe Deoso‑ka mai dodamateni.

Tesaronika daidi 1:8

Mai tabori one‑ka dai ene Deoso ati‑ya mai mita, Deoso ati‑ya dai no‑nofa dai ene amosa tamine‑ya mai mita, dai ene tamine‑ya mai kamina, dai ene Masedoni‑ka tabora toha, Akaiya‑ka tabora toha na, mai tabori one toha na, dai tamine‑ya mai wata, dai tamine oda kaminara, dai tamine oda‑ya mai kaminabisani.