Homa 10:17 - Deoso-ka Yama Hani

¹⁷ Deoso Ati Amosabote Yeso tamine‑ya mai kamina, ati mai himiteya, ati mai hinofeba awane.

Homa 10:17 ပူးပေါင်းရင်းမြစ်များ

Maroko 4:24

“Owati timita, owati tinofahi. Owati tinofiya, ati tiwato ba‑basi tinabone, ati owa okaminamakitasaboneni.

Roka 11:28

“Okomi ya‑yaini bi‑bidi nineni. Deoso ati‑ya mai mita, ati mai hikadabe, mai ya‑yaini nafineni.” Yeso ati nematane.

Roka 8:11

Yamata noki tamine yokana dai mitahi. Yamata noki Deoso ati tamine amane.

Roka 8:21

“Deoso ati‑ya mai mita, ati mai tokadaba, okomi mai toha, oka soho mai toha, mai nineni.” Yeso ati nematane.

Yowaho 1:37

Yowaho ati‑ya mai mita, Yeso nowati‑ya mai towakamakemaroni.

Homa 1:16

Yeso Kirisito Ati Amosabote okamina, owa habo siitora, owa habo kitabisa, ya‑yai·oneni. Deoso kitabote tohe, ati ene Yeso Kirisito Ati Amosabote‑ya ai nofa, ai‑ya ati somawamatene. Yodeo Yeso tamine‑ya mai miti baha, Bara Yeso tamine‑ya mai mitamakinineni.

Homa 10:14

Yeso Kirisito ati‑ya mai nofara, Yeso‑ya mai haaterani. Yeso Kirisito tamine‑ya mai mitara, ati mai hinofaterebonane. Yeso Kirisito ati mai hikaminare, ati‑ya mai mitateraboneni.

Korito yoto‑ke 2:17

Mai one yinero‑ya nokotonihe, Yeso ati yokana‑ya mai kamini awirani. Deoso oda‑ya yosemarine, Yeso ati yokana oda kaminebonaha. Deoso ene Yeso ati yokana oda kamini oharineni.

Karatiya 3:2

Hibati‑ya Mose ati‑nima dai na, Deoso‑ka Doni dai‑ya sawine? Dai‑ya sawi awiremarine. Yeso Kirisito tamine‑ya oda kamina, Yeso ati dai nofa, Deoso‑ka Doni dai‑ya sawiwahabisane.

Karatiya 3:5

Owati dai mitamatasahi. Mose ati‑nima dai namaro, Deoso‑ka Doni dai‑ya sawine? Dai‑ya sawi awirane. Mose ati‑nima dai na, Deoso ene kite dai awane? Ene dai awi awirane. Kirisito tamine oda kamine tamine dai nofabisiya, Deoso ene kite dai awineni.

Koroso 3:16

Kirisito ati dai kadiki nafiyahi. Dai‑ka mai‑ya ati nafi dai kanawatohi. Mai ihi amosabone, mai‑ya dai kamina, Deoso‑ka wayoma dai hirina, dai ya‑yaina, Deoso‑ya dai kahiyarahi.

Tesaronika daidi 2:13

Dai tabaro‑ya oda wina, dai‑ya oda hiyara, “Baoro hini mai ati tohi awirani. Deoso ati‑ya mai hiyarabisani.” Dai ati namaroni. Deoso ati oda hiyaremari, ati dai watowahineni. Deoso ati‑ya dai wata, dai ene sibarineni. Dai ene oda ya‑yaineni. Deoso‑ya dai ene oda hiyarineni.

Ebereo 4:2

Deoso tabaro‑ya ai maa tohi fawanabone tamine‑ya mai mita, tamine oda mitahari nemarine. Deoso ati Amosabote‑ya mai mita, ati mai hinofare, mai‑ya kasomare, tabaro‑ya mai koborameteni.

Bedoro daidi 1:23

Deoso ati abatere, ati dai nofa, dai‑ka Abi i‑di Deoso tohe ene dai atibodi yati toha, ai wada yati‑nima dai nawaha, Deoso ene dai atibodi abaterabone, neme‑ya dai winamakeboneni.

Yeso Kirisito ene‑bona 1:9

Yowaho ama·oni. Dai‑ka owa ama·oni. Deoso‑ya mai nofara ai‑ya mai weena, Yeso‑ya ai na‑narifa Deoso‑ka hawi bai‑ya ai maakiterani. Deoso ati onofa, i‑di Yeso tamine okamina ihi owa‑ya mai wata, faha webote bai‑ya wami itakosa, oni Batomosi toha‑ya owa‑ya mai nawineni.