Homa 10:14 - Deoso-ka Yama Hani

¹⁴ Yeso Kirisito ati‑ya mai nofara, Yeso‑ya mai haaterani. Yeso Kirisito tamine‑ya mai mitara, ati mai hinofaterebonane. Yeso Kirisito ati mai hikaminare, ati‑ya mai mitateraboneni.

Homa 10:14 ပူးပေါင်းရင်းမြစ်များ

Mateo 20:7

‘Oda‑ya mai yose awirani.’ Mai ati na, mai‑ya yose, ‘Oka ofa dai batanahi.’ Ati nane.

Yowaho 20:31

Yeso ene kote okanahano, Yeso tamine dai nofebonaha. Yeso i‑di Kirisito amane. Deoso Bidi amane. Tamine dai nofeya, Yeso ene dai abaraboneni.

Yowaho 9:36

“Ebeni‑ke ai‑ka Ayo tohati, ati onofebonaha?” Kitame ati nemarine.

Yeso‑ka yo‑yose mai tamine 19:2

“Hibati‑ya Yeso ati‑ya dai nofa yati toha, Deoso‑ka Doni dai‑ya sawiraniha?” Baoro ati ne. “Deoso‑ka Doni tamine oda mitaterani.” Mai ati na.

Yeso‑ka yo‑yose mai tamine 8:31

“Yama hani owato awirini. Owa‑ya mai kanawatora, yama owatoterani. Owa tikanawataba, tikamisahi. Owa yowi‑ya tiwitarihi.” Yinero‑ya na‑nawada ati ne.

Homa 1:5

Kirisito ene Deoso owa‑ya kadikemarine, Yeso‑ka yo‑yose ohawahabonehe. Deoso owa‑ya kasomemarine, Bara mai‑ya Deoso Ati Amosabote okaminabonehe. Yeso ati‑ya mai nofiya, ati mai hikadabeya, Yeso Kirisito‑ya mai kahiyaraboneni.

Efesiyo 2:17

Hibati‑ya Deoso ati‑ya Yodeo mai wato ba‑basi, Bara Deoso ati‑ya mai wato bi‑bidi nameteni. Deoso Ati Amosabote‑ya Yeso mai nafi‑ya hiyare, Yeso ati ai no‑nofa Kirisito‑ka ai tohawahani. Yodeo mai toha, Bara mai toha na, ai ibi nofawahaboneni.

Efesiyo 4:21

Hibati‑ya Yeso Kirisito Ati Amosabote okamine, ati dai watokarini? Yeso keyehe‑ya hiriterene.

Timoti yoto‑ke 4:17

Ai‑ka Ayo i‑di Yeso ohari owa‑ya sawi, owa habo siitorani. Deoso Ati Amosabote‑ya Bara mai dama mai mitani. Iriyaho mai‑ya owa‑ya mai daanabone mai ati na, Yeso owa‑ya kasome, iriyaho mai‑ya owa‑ya mai daani awirani.

Tito 1:3

Deoso ene yama hawa tohiya, owa‑ya yosemarine, ati okaminebonaha. Deoso ai‑ya ka‑kasoma tohe tamine mai‑ya okamina, mai hiwatowahebonane.

Ebereo 11:6

Deoso ati‑ya mai nofara Deoso‑ya mai ya‑yaini terani. Deoso‑ya ai hiyarabone ai atibodi ai‑ya hiyara, “Deoso tohe ati onofe, owa‑ya kasomebonane.” Ai atibodi ati teni.

Tiyako 5:15

Deoso‑ya mai hiyariya, mai ati‑ya Deoso nofebona mai atibodi ati na, Deoso dai‑ya nakitamebonane. Dai ene amosaramaro, Deoso dai‑ya ati somawamebonane.