Homa 1:8 - Deoso-ka Yama Hani

⁸ Yeso ati dai nofa, dai tamine omita, ya‑yai·oneni. Mai tabori dami‑ya dai tamine‑ya mai hiyaramoneni. “Homa‑ya mai wi‑wina Deoso ati‑ya mai nofi nafemoneni.” Mai ati na, mai ati omita, mai ati ihi ya‑yai·ona, Yeso Kirisito ene Deoso okahiyarateni.

Homa 1:8 ပူးပေါင်းရင်းမြစ်များ

Mateo 24:14

Neme‑ke ai nafi‑ka hidi kitabote tohawahebona tamine‑ya mai kaminabone, tabora dami‑ya dai‑ka Hidi tamine‑ya mai nafi mitiya, yama faina‑bone kobonaboneni.

Roka 2:1

Hibati‑ya tabora nafi‑ka ai oni‑ya Sesa Akosito ati ene hika mai kanahano damamaroni. I‑di Yowaho wadi nowati‑ya ai oni‑ya mai kanahano, fara tamine okaminaboneni. I‑di Kirino Siriya‑ya mai wi‑wina mai‑ka kofenado tohe‑ya ai oni‑ya kanahano daidi tamine amane.

Yeso‑ka yo‑yose mai tamine 11:28

Deoso ati‑ya mai mi‑mita mai‑ka owa oni i‑di Akabo tohe, waamise, Deoso‑ka Doni ene mai‑ya hiyare, “Ai amoni damariya, bofe nafi‑ya faha kakiriya, yamata yanariya, mai dami fimeboneni.” Akabo ati nemonane. Makobote mai‑ka hidi i‑di Karaodio toheya, i‑di Akabo ati‑nima yama nawaha,

Yeso‑ka yo‑yose mai tamine 28:22

Tiwati oda mitawahaboneni. Yeso ati‑ya dai no‑nofa, towe dai‑mone mai ati teni. Oda dami tiwati‑ya oda mitawahaboneni, yama oda watowahabonehe.” Mai ati namaroni.

Homa 10:18

Deoso ati‑ya mai nafi mitakarini? Ati mai nafi himitemarine. Yama Deoso wamahinamete‑ya wami nafi‑ya mai awineni. “Yama wamani Deoso tamine‑ya kaminateni.” Deoso‑ka yama hani ati nineni. “Deoso kitabote tohe, ai nafi‑ya nofane.” Hika yama wamani ati teni.

Homa 16:19

Dai ene amosa tamine oda dami mita, dai ene ya‑yai·oneni. Dai noko wadahi. Dai ene amosa hinama tohabone, yama towe‑ya dai nofaraboneni.

Homa 6:17

Deoso ene ya‑yai·oneni. Hibati‑ya dai atibodi bote dai‑ka hidi toha, ati dai tokadabamaroni. Hibayata Deoso ati‑ya dai mita, ati dai nofe, ati dai tokadabawahatene.

Korito daidi 1:4

Deoso‑ya dai tamine ohiyarateni. “Abi Deoso, Korito‑ya mai wi‑wina mai tikasomamaro, Yeso Kirisito‑ka mai tohawaha ihi ya‑yai·oneni.” Oteni.

Korito yoto‑ke 2:14

Deoso kitabote tohe, ai kahiyarahi. Mai tabori dami‑ya oda toka, Satanasi mai yadihinamaro, Deoso ene mai oda seekana, yama mahi amosa ai hisina, ai ya‑yaina, fara‑nima Kirisito ati oda kamine, ati‑ya mai mita, mai ya‑yaiteni.

Efesiyo 1:15

Efesiyo‑ya dai wi‑wina, ai‑ka Ayo i‑di Yeso ati‑ya dai nofa dai toha, Yeso Kirisito ati‑ya mai one nofa mai‑ya dai nofamone, dai tamine omita, ya‑yai·onamaroni.

Efesiyo 1:16

Deoso‑ya dai ene amosa, dai tamine ohiyarateni.

Efesiyo 3:21

Kirisito‑ka ai toha Yeso Kirisito ai‑ka Hidi amane. Deoso‑ya ai nafi kahiyarahi. Mahi‑nima Deoso ai kahiyara, ai kahiyari fawaterayaho, Deoso amosabote amane. “Fara amani.” Ai ati nahi.

Efesiyo 5:20

Mahi‑nima dai wayoma, “Abi Deoso, tiwa ene tika dao ene ne amosabote tohe, dai ene oda ya‑yainineni.” Ai‑ka Ayo Yeso Kirisito‑ka dai toha dai ati nahi.

Firibo 1:11

Hibayata Yeso dai‑ya sawi, mahi‑nima dai ene amosi ba‑basi, mahi‑nima dai ene amosi ba‑basi niya, dai ene‑ya mai awiya, Deoso‑ya mai kahiyara, “Deoso amosabote amane.” Mai ati nawahaboneni.

Firibo 1:3

Dai tamine‑ya owatibodi kadika, dai tamine‑ya Deoso‑ya ohiyarateni. “Abi Deoso, mai ihi ya‑yai·oneni.” Oteni.

Koroso 1:3

Yeso Kirisito‑ka Abi, i‑di Deoso‑ya oda hiyara, dai tamine oda hiyara, oda ya‑yaiteni.

Tesaronika daidi 1:2

Deoso‑ya oda hiyara, dai tamine oda hiyarateni.

Tesaronika daidi 2:13

Dai tabaro‑ya oda wina, dai‑ya oda hiyara, “Baoro hini mai ati tohi awirani. Deoso ati‑ya mai hiyarabisani.” Dai ati namaroni. Deoso ati oda hiyaremari, ati dai watowahineni. Deoso ati‑ya dai wata, dai ene sibarineni. Dai ene oda ya‑yaineni. Deoso‑ya dai ene oda hiyarineni.

Tesaronika yoto‑ke 1:3

Yeso ati‑ya dai no‑nofa, dai ene oda ya‑yaineni. Deoso‑ya oda hiyara, dai tamine oda hiyara, oda ya‑yaineni. Yeso ati‑ya dai nofamaro, ati dai nofi nafiwahane. Dai ibi nofamaro, dai ibi nofi nafiwahineni.

Timoti yoto‑ke 1:3

Timoti, tiwa tamine‑ya Deoso‑ya ohiyarateni. Yama tehe‑ya Deoso ohiyara, yama soki‑ya Deoso ohiyara, oteni. Deoso‑ya oka idi mai nofamete, okobi hinofemari, fare onofaharineni. Owatibodi owa‑ya kakoterani.

Firimo 1:4

Firimo, Deoso‑ya ohiyara, tiwa tamine okamina, tiwa ene ya‑yai·oneni.

Ebereo 13:15

Yeso ene ai‑ka ka‑kahiyara Deoso‑ya mahi‑nima ai daanahi. “Yeso‑ka oda amani.” Ai ati nahi.

Bedoro daidi 2:5

Deoso‑ka yobe kote Yeso Kirisito tohane. Yati hasikana‑nima Yeso tohe, dai tohaharineni. Yeso ene yama amosa‑ya dai daanaboneni, Deoso‑ya.

Bedoro daidi 4:11

Mai‑ya hi‑hiyara dai wa‑wato toha, Deoso ati dai kaminahi. Mai‑ya ka‑kasoma dai wa‑wato toha, mai‑ya dai kasomahi. Deoso ene dai kita toha, mai‑ya yama kita‑ya dai kasomahi. Dai ene Deoso, Yeso Kirisito ne‑ya mai kahiyaraboneni. Deoso kitabote tohe, kiti fawaterebona, ai kahiyari fawarinahi.