Homa 1:7 - Deoso-ka Yama Hani

⁷ Homa‑ya dai wi‑wina Deoso dai‑ya nofe, dai‑ya kadikematane, Deoso‑ka dai tohabonehe. Dai‑ka yama hani‑bone okanahanoneni. Ai‑ka Abi i‑di Deoso, ai‑ka Ayo i‑di Yeso Kirisito mai fama, dai‑ya mai kasoma, dai atibodi ati dai‑ya soma teni.

Homa 1:7 ပူးပေါင်းရင်းမြစ်များ

Mateo 5:16

Yama wahi‑nima dai ene nahi. Dai ene amosa, dai ene‑ya mai awiya, dai‑ka Abi neme‑ke‑ya mai kahiyarawahaboneni.” Yeso ati nemarine.

Yowaho 20:17

“Hibareya owa damatiriyahi. Okobi‑ya okomi awisa orani. Oka soho mai‑ya tikamiya, mai tihiyarahi. ‘Ai‑ka Abi‑ya okomabone, ai‑ka Deoso‑ya okomaboneni. Ati nene.’ Tiyahi.” Yeso ati nematane.

Yeso‑ka yo‑yose mai tamine 15:23

Atioki‑ya mai wi‑wina mai‑ka yama hani‑bone‑ya mai kanahano, “Atioki‑ya dai wi‑wina, Siriya‑ya dai wi‑wina, Sirisiya‑ya dai wi‑wina, dai na, dai‑ka yama hani‑bone‑ya. Yeso‑ka yo‑yose oda toha, oda‑ka bote mai toha na, dai‑ka yama hani‑bone oda kanahanoneni. Hibati‑ya Bara‑ta dai tohamaro, hibayata oda‑ka soho dai tohawahineni.

Yeso‑ka yo‑yose mai tamine 9:13

“Ayo Yeso, Saoro tamine omitani. Yerosare‑ya tika mai dami‑ya i‑di Saoro ene amosarene.

Homa 1:6

Homa‑ya dai wi‑wina dai‑ya Deoso kadikaharimata, Yeso Kirisito ati‑ya dai no‑nofa Yeso‑ka dai amani.

Homa 5:1

Yeso ati‑ya ai no‑nofa Deoso ai‑ya ati somawame, ai‑ka Ayo i‑di Yeso Kirisito ai manakone‑ya nanahabe ene ai manakone wadamara, Deoso ai‑ya ati yawamare, ai‑ya ati somatene.

Homa 5:5

Deoso tabaro‑ya ai winabone yama ai nimana, Deoso‑ka Doni ai atibodi‑ya wine ene Deoso ai‑ya nofi nafi ai wato, ai‑ya nofi fawaterebonane.

Homa 8:28

Deoso ai‑ya kadikematane, Bidi i‑di Yeso‑nima ai nawahabonehe. Deoso‑ya ai nofa yama ai‑ya kobona, ai‑ka awi towe toha, ai‑ka awi amosa toha na, ai‑ya koboniya, Deoso ai‑ya kasome ene ai watoneni.

Homa 8:39

Neme‑ya ai toka, wami‑ya ai toka, faha bodi‑ya ai toka na, Deoso ai‑ya sawitene. Ai‑ka Ayo i‑di Yeso Kirisito ai manakone‑ya nanahabemata, Deoso ai‑ya nofi nafi, ai‑ya kanakiterebonane.

Homa 9:25

Deoso‑ka yama hani i‑di Oseya hikanahanamete, ati dai mitahi. “Hibati‑ya Bara oka mai tohara, oka mai tohawahaboneni. Hibati‑ya Bara mai onofaramone dai ati na, mai onofa, owa dai watowahaboneni.” Deoso ati nematane.

Korito daidi 1:24

Deoso mai‑ya haanemataya, “Deoso ene Kirisito kitabote amane.” Yodeo mai ati teni. “Deoso ene Kirisito yama nafi‑ya watobisane.” Kereko mai ati teni.

Korito daidi 16:23

Yeso Kirisito dai‑ya kasome oteni.

Korito yoto‑ke 13:14

Deoso‑ya dai tamine ohiyara, ai‑ka Hidi Yeso Kirisito dai‑ya kasome, Deoso dai‑ya nofe, Deoso‑ka Doni dai‑ya sawinebona oteni. Feye amani.

Karatiya 6:18

Oka mai dai toha dai tamine‑ya Yeso‑ya ohiyarateni. “Ayo Yeso, Karatiya‑ya mai wi‑wina tiwati‑ya mai no‑nofa mai tikasomahi.” Oteni. Feye amani.

Efesiyo 1:2

Ai‑ka Abi i‑di Deoso, ai‑ka Ayo i‑di Yeso Kirisito ne, dai‑ya mai kasoma, dai atibodi ati dai‑ya somateni.

Efesiyo 6:23

Kirisito‑ka dai toha, dai‑ya onofineni. Ai‑ka Abi i‑di Deoso, Bidi i‑di Yeso Kirisito‑ya fame, dai‑ya mai kasoma, dai ibi nofa, dai ati soma,

Firibo 1:2

Ai‑ka Abi i‑di Deoso, ai‑ka Ayo i‑di Yeso Kirisito ne, dai‑ya mai kasoma, dai atibodi ati dai‑ya soma teni.

Firibo 4:13

Yeso Kirisito kite ene owa kiti toha, Yeso ene yama anini dami owatowahineni.

Firibo 4:20

“Ai‑ka Abi i‑di Deoso amosabote amane.” Ai ati na. Ai ati fawariyahi. Neme‑ya ai kobona, “Ai‑ka Abi i‑di Deoso amosabote amane.” Ai ati nabone, Hini ai ati tohabone, ai ati tohahi.

Firibo 4:23

Yeso Kirisito ai‑ka Ayo dai atibodi‑ya dai‑ya kasomebonane. Feye amani.

Koroso 1:2

Koroso‑ya dai wi‑wina Yeso ati‑ya dai no‑nofa, ati‑ya dai tokadaba na, oda‑ka soho dai toha, dai‑ka yama hani boneni. Ai‑ka Abi i‑di Deoso, ai‑ka Ayo i‑di Yeso Kirisito ne, dai‑ya mai kasoma, dai atibodi ati dai‑ya somateni.

Koroso 3:12

Deoso‑ka dai toha, dai‑ya nofe, dai‑ya kadikemata, hika dai tohawahaboneni. Mai atibodi koma mai‑ya kasoma, dai ene amosa, dai‑ya dai kahiyarariyahi. Yama‑ya dai nimana, dai yawariyahi.

Koroso 3:15

Yeso Kirisito dai‑ya sawi ene dai atibodi ati somiyahi. Deoso dai‑ya kadikemata, ai ohare‑nima dai na, dai ya‑yainahi.

Tesaronika daidi 1:1

I‑di Baoro ama·oni. I‑di Sira, i‑di Timoti mai fama, owa‑ya mai dabineni. Kirisito‑ka dai toha, Tesaronika‑ya dai wi‑wina, oda‑ka yama hani dai kadikiyahi. Ai‑ka Abi i‑di Deoso, ai‑ka Ayo i‑di Yeso Kirisito ne, dai‑ya mai kasoma, dai atibodi ati dai‑ya somateni.

Tesaronika daidi 1:3

Oda atibodi yama‑ya kadikineni. Deoso ati dai nofa, Deoso‑ka mai‑ya dai kasomineni. Ai‑ka Ayo Yeso Kirisito kamebona, dai nimateni.

Tesaronika daidi 1:4

Hibati‑ya Deoso dai‑ya kadike oda wato, “Oka dao dai tohabone, dai onofini.” Ati nemarine.

Tesaronika daidi 4:7

Deoso ai‑ya kadikemarine, ai ene towe toharabone, ai ene amosabonehe.

Tesaronika daidi 5:28

Ai‑ka Ayo Yeso Kirisito dai‑ya kasomebonane. Feye amani.

Tesaronika yoto‑ke 1:2

Ai‑ka Abi i‑di Deoso, ai‑ka Ayo i‑di Yeso Kirisito ne, dai‑ya mai kasoma, dai atibodi ati dai‑ya somateni.

Tesaronika yoto‑ke 3:16

Ai‑ka Ayo ene dai habo siitora, dai atibodi ati dai‑ya somaboneni. Dai‑ya mai kaka, dai‑ka Ayo kitabote ene dai habo siitoteraboneni. Ai‑ka Ayo dai‑ya sawibonane.

Tesaronika yoto‑ke 3:18

Ai‑ka Ayo i‑di Yeso Kirisito dai‑ya sawi, dai‑ya kasomebonane. Feye amani.

Timoti daidi 1:2

Timoti, tika yama hani‑bone okanahanoneni. Yeso tamine hibati‑ya ohiyare, tamine tinofa, tiwa oka dao onamaroni. Ai‑ka Abi, i‑di Deoso, ai‑ka Ayo i‑di Yeso Kirisito ne, tiwa‑ya mai kasoma, tiwatibodi ati tiwa‑ya somateni.

Timoti daidi 6:2

Deoso ati‑ya tika hidi nofe ene ya‑yaitiyahi. Tika hidi tikakoriyahi. Tika ayo amane. Tika hidi Deoso ati‑ya nofe, yama anini tikitabisahi. Deoso mai‑ya nofatene.

Timoti yoto‑ke 1:2

Timoti, tiwa oka dao onamaro, tiwa onofa, tika yama hani‑bone okanahanoneni. Ai‑ka Abi i‑di Deoso, ai‑ka Ayo i‑di Yeso Kirisito ne tiwa‑ya mai kasoma, tiwatibodi ati tiwa‑ya soma teni.

Timoti yoto‑ke 4:22

I‑di Yeso Kirisito tiwa‑ya sawiya, tiwa‑ya kasomebonane. Feye amani.

Tito 1:4

Tito, tika yama hani‑bone okanahana, tikadikiyahi. Oka dao owa amatini. Deoso ati ohiyara, owati‑ya timita, Deoso ati tinofawahamaro, tiwa oka dao onamaroni. Ai‑ka abi i‑di Deoso, ai‑ka ayo i‑di Yeso Kirisito mai na, tiwa‑ya mai kasoma, tiwatibodi tiwa‑ya weerabone, Yeso Kirisito tiwa manakone‑ya nanahabemari, tiwa‑ya kasomebonane.

Firimo 1:25

Yeso Kirisito ai‑ka Hidi ohiyariya, tiwa tamine ohiyarateni. “Yeso, Firimo mai tikasomahi.” Oteni.

Firimo 1:3

Ai‑ka Abi i‑di Deoso, ai‑ka Ayo i‑di Yeso Kirisito ne dai‑ya mai kasoma, dai atibodi dai‑ya somateni.

Tiyako 1:1

Tiyako ama·oni. Deoso, ai‑ka Ayo Yeso Kirisito ne mai‑ka yama anini‑ya ani·oteni. Isara·eo‑ka nodi dai toha, mai tabori dami‑ya dai wi‑wina dai‑ka yama hani‑bone okanahanaboneni. Dai‑ya owati foyani.

Bedoro daidi 1:15

Deoso ati amose hinama tohatene. Deoso dai‑ya kadike, ati‑nima dai na, dai ene amosa hinama tohawahi.

Yowaho daidi 3:1

Deoso ai‑ya nofi nafi, dai awaho, ai‑ya bidine. Deoso‑ya mai dami watora ene oda‑ya mai watorani.

Yowaho yoto‑ke 1:3

Deoso, Deoso Bidi i‑di Yeso Kirisito ne ai‑ya mai kasoma, ai‑ya mai ati somawama, mai ihi ai atibodi ai‑ya weenamara, ai‑ya mai ati nofi nafe, ai‑ya mai sawe, keyehe‑ya mai hiriterani.

Yeso Kirisito ene‑bona 2:1

“Yama hani tikanahanohi. Deoso‑ya mai hi‑hiyara‑ke yobe Efesiyo‑ya wai, yobe hidi‑ya daatinahi. Owa yehe kanika‑ya amowa mai 7 kana mai dama·okana, fara owati amani. Nabarina awe oro wamani 7 kana siikare bai‑ya osawe, fara owati amani.

Yeso Kirisito ene‑bona 2:12

“Yama hani tikanahanohi. Deoso‑ya mai hi‑hiyara‑ke yobe Bekamo‑ya wai, yobe hidi‑ya daatinahi. Yima ini fama, yima hidi ama·oni. Fara owati amani.

Yeso Kirisito ene‑bona 2:18

“Yama hani tikanahanohi. Deoso‑ya mai hi‑hiyara‑ke yobe Tiyatira‑ya wai, fare yobe hidi‑ya daatinahi. Deoso Bidi ama·oni. Yifo hirini‑nima owa noko bodi wehene na, owa teme metaho amose‑nima na, fara owati amani.

Yeso Kirisito ene‑bona 2:29

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi.” Ati nene.

Yeso Kirisito ene‑bona 2:8

“Yama hani tikanahanohi. Deoso‑ya mai hi‑hiyara‑ke yobe Esimina‑ya wai, yobe hidi‑ya daatinahi. Yama yanakani‑ke ama·oni. Faina ama·oni. O·abamaro, okitamamaro, fara owati amani.

Yeso Kirisito ene‑bona 22:21

Yeso‑ka yama ka‑kasoma dai‑ya sawiya, ya‑yai·onaboneni. Feye amani.

Yeso Kirisito ene‑bona 3:14

“Yama hani tikanahanohi. Deoso‑ya mai hi‑hiyara‑ke yobe Raodiseya‑ya wai, yobe hidi‑ya daatinahi. Deoso ati‑nima owati na, keyehe‑ya hiri·otera, Deoso fara oda ati kafamineni. Deoso ati ene yama nafi‑ya wama·onamaro, fara owati amani.

Yeso Kirisito ene‑bona 3:22

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi.” Ati nene.

Yeso Kirisito ene‑bona 3:7

“Yama hani tikanahanohi. Deoso‑ya mai hi‑hiyara‑ke yobe Firadefia‑ya wai, yobe hidi‑ya daatinahi. Amosabotebisa ama·oni. Keyehe‑ya hiri·oterani. I‑di Dafi‑ka safi owa‑ya sawe, yama see·okani‑ya mai barihikaraboneni. Yama bari·okani‑ya mai seehikani awiraboneni. Fara owati amani.