Homa 1:32 - Deoso-ka Yama Hani

³² Mai ihi amosara‑ya mai nokotonihe, hini mai ihi‑ya mai saatonakosara. Deoso mai hinahababone, hini mai‑ya mai watobisa, mai korikasara, mai ihi‑nima mai one ihi namakitasa, mai ya‑yainibisineni.

Homa 1:32 ပူးပေါင်းရင်းမြစ်များ

Roka 11:48

Dai‑ka idi mai ihi‑nima dai ene nineni. Dai‑ka idi mai mai hinahabamete mai tame‑ka yobe‑ya dai wamateni.

Yeso‑ka yo‑yose mai tamine 22:20

Tika soho i‑di Tefaho yati‑ya mai nanahaba, mai‑ya osawe ihi ya‑yai·ona, mai‑ka bora mai tanihina onawadamaroni.’ Ona,

Yeso‑ka yo‑yose mai tamine 8:1

Tefaho abe‑ya i‑di Saoro awe, ya‑yaine. Yerosare‑ya mai wi‑wina Yeso ati‑ya mai no‑nofa mai‑ya mai bisinawaha, mai ihi tabora bide‑kaya mai tokawaha, Yodeya‑kaya mai one toka, Samariya‑kaya mai one toka na, Yeso‑ka yo‑yose mai‑ta mai kanani awirani.

Homa 1:18

Ai one mai tamine okanahanaboneni. Mai ihi amosarihi, Deoso ati miti‑ya mai nofarihi, mai ati ihi mai one Deoso ati‑ya mitarihi, Deoso ene‑ya mai awa, Deoso‑ya mai watorihi, mai na, mai ihi amosara. Neme‑ya mai ihi‑ya Deoso awe, Deoso yawe‑ya mai awawahaboneni.

Homa 1:21

Hibati‑ya Deoso ene‑ya mai awamaro, “Yama nafi Deoso ene tohi awirini. Hiniya yama yanineni. Deoso wadaterene.” Mai atibodi ati na. Deoso‑ya mai kahiyari awira, hini mai ihi yama‑ya mai watora, mai ka‑kana na, mai‑nima mai nawaha, hini mai ihi yama soki‑nima mai atibodi nawaha, yama‑ya mai watomarani.

Homa 6:21

Dai ene‑maro manakone hini yamata‑ya tohibati? Dai ene‑maro manakone dai ababoneni. Hibayata dai ene‑maro dai nofami awira, dai ene‑maro tamine kadikami dai nofarihi nineni.

Homa 6:23

Ai ene towe manakone ai ababone, Deoso eyehe ai winateraboneni. Ai‑ka hidi Yeso Kirisito ai manakone‑ya nanahabe ene Deoso ai‑ya ati somawame, hiniya ati somawame, ai anina manakone tohi awirini. Deoso tabaro‑ya ai winabone, ai abamateraboneni.

Tesaronika yoto‑ke 2:12

Deoso ati‑ya mai nofaramaro, Satanasi‑ka owa ati‑ya mai nofabisa, mai ya‑yainaboneni. Mai ihi amosara‑ya mai nofamaro, hini mai ihi mai hatiwahaboneni.