Homa 1:30 - Deoso-ka Yama Hani

³⁰ Mai one tamine‑mone‑ya keyehe‑ya mai hirinade, Deoso‑ya mai kako na, hini mai‑ya mai atibodi kahiyara, “Amosabotebisa oda amani.” Mai ati na. Hini mai atibodi yama towe hikadika‑nima mai ihi na, mai‑ka abi mai‑ka ami mai na, mai ati‑ya mai tokadabaterani.

Homa 1:30 ပူးပေါင်းရင်းမြစ်များ

Mateo 15:4

‘Abi, ami, mai na, mai tinofahi. Mai‑ka abi, mai‑ka ami, mai na, mai one‑ya mai weena, —Towe amatini.— Mai ati na, mai abahi.’ Deoso‑ka yama hani ati nineni. Haa‑nima dai ati nibisa,

Mateo 16:21

Yeso abebona, hini tamine‑ya hiyare, “Yerosare‑ya ai tokaboneni. Yodeo mai‑ka hidi mai bi‑bidi na mai toha, Mose‑ka yama hani ati‑ya mai ka‑kamina mai toha, Deoso‑ka yama‑bone‑ya mai da‑daa mai‑ka hidi mai toha, mai na, dai‑ka Ayo neme‑ke ati‑ya mai nofarabone, mai weeni hikitebona, mai hinahabeya, mahi 3 tohe‑ya okitamaboneni.” Yeso ati nemarine.

Roka 21:16

Dai‑ya mai kahabanaboneni. Dai‑ka abi, dai‑ka ami, dai‑ka ayo, dai‑ka soho, dai‑ka naki, dai‑ka no‑nofa, mai na, dai‑ya mai kahabanaboneni. Mai‑ka hidi dai one‑ya mai nanahababoneni.

Yowaho 7:7

Dai‑ya mai kakoterani. ‘Mai ihi amosarani.’ Ona, owa‑ya mai kakoteni.

Yeso‑ka yo‑yose mai tamine 5:36

I‑di Ti·oda tamine dai mitatekarini. ‘Dai‑ka hidi amosabote ama·oni.’ Ati ne, ati ene 400 mai kana Ti·oda‑ya mai dabamakitasamone, Ti·oda abe, hika mai hinama tohawama, hini mai tabori‑ya mai yama tonamameteni.

Homa 2:17

Yodeo dai toha, Deoso dai‑ya hiyaremata, Deoso ati i‑di Mose dai‑ya daanemata ene Deoso‑ka dai tohamone, dai‑ya yawamaterebona dai ati na awineni.

Homa 2:23

“Mose ati oda watoneni.” Dai ati na, ati dai tokadabare, dai ene Deoso‑ya mai one hahakanineni.

Homa 3:27

“Owa ene amosa, owa ene Deoso ati somawamane.” Dai ati riyahi. Dai ene Deoso ati somawami awirane. Dai‑ya dai kahiyarariyahi. “Mose ati okadaba, Mose ati ene Deoso owa‑ya ati somawamane.” Dai ati riyahi. Mose ati ene tohi awire. Yeso ati‑ta ai nofa, Deoso ati somawamabisatene.

Korito yoto‑ke 10:15

Mai one ihi oda kayafi awirani. Deoso ati dai nofi ba‑basi niya, dai ene mai one‑ya oda kasomahareba awineni. Oda ati teni.

Korito yoto‑ke 12:20

“Dai tabaro‑ya kobo·oniya, dai ene amosaraba awineni.” Owatibodi ati na. Dai ene amosara‑mani, owa ene dai nofara neni. Dai ibi wee, mai one‑ka yama‑ya dai ati kayafa, dai ibi ati yawa, dai one‑ya dai ati kasomara, keyehe‑ya dai hiri, mai noki beheri‑kaya mai tamine‑mone‑ya dai kamina, dai‑ya dai kahiyarabisa, dai ibi nimani awira, dai ene haa‑nima niya, owa ene‑ya dai awaboneni.

Tesaronika yoto‑ke 2:4

Satanasi‑ka owa koboneya, hini‑ya kahiyare, Deoso‑ka mai‑ya kakotebona, “Mai one dai kahiyarariyahi. Owa‑ta owa dai kahiyarabisahi.” Ati nebonane. Deoso‑ka yobe‑ya itariya, “Deoso yokana ama·oni.” Ati nebonane.

Timoti yoto‑ke 3:2

Hini mai‑ya mai nofa, ai one‑ya mai nofi awiraboneni. Mai one‑ka yamata‑ya mai kayawa naboneni. Yinero‑ya mai nokotonihe. “Amosabote ama·oni. Deoso ati kasiro ati oda nofi awirini.” Mai ati naboneni. Mai‑ka abi, mai‑ka ami na, mai ati‑ya mai nofaraboneni. Yama mai daahina ihi mai ya‑yaira, yama one‑ya mai nokotoniteni. Deoso ati‑ya mai nofaraboneni.

Tito 3:3

Hibati‑ya yama‑ya oda watora, Deoso ati‑ya oda nofara, keyehe‑ya mai hirina, mai ati oda nofa, yama amosara‑ya oda nokotonihe. Yama amosa oda watora, mai oda kako, oda‑ya mai kakohari namaroni.

Tiyako 3:5

Fara‑nima ai ebene na. Ai ebene‑ya ai ati yanateni. Ai ebene bide toha, ai‑ya ati tonanafiteni. Barito ohari i‑isi ne ene awa webote nafi hiriteni.

Tiyako 4:16

Yama‑ya dai watamone dai ati na, dai‑ya dai kahiyara, dai ati‑ya Deoso nofaterene.

Bedoro yoto‑ke 2:18

“Oda‑nima dai nahi! Mai fanawi oda nokotonihe, Deoso oda‑ya kayafebonane.” Mai ati nineni, keyehe‑ya mai hirinaro. Deoso ati‑ya mai tokadabawahabone mai ati na, mai one‑ka keyehe‑ya mai tokadabamatasa, Deoso ati‑ya mai nofamara, mai fanawi‑ya mai nokotonimatasineni.

Yoda‑ka yama hani 1:16

Mai one tamine‑ya mai hiyariya, mai‑ya mai ati towe tonihi teni. Hini mai tamine‑ya mai hiyara, mai tamine‑ya mai kahiyarani, mai one mai‑ya kahiyaramakibonehe.