Homa 1:3 - Deoso-ka Yama Hani

³ Deoso Ati Amosabote i‑di Yeso Kirisito ai‑ka Hidi tamine amane. Fare tamine okaminebonane. Neme‑ya Badi eyehe winemata, makobote bofe‑ya wade, ai‑ka Hidi i‑di Dafi‑ka nodi tohane.

Homa 1:3 ပူးပေါင်းရင်းမြစ်များ

Mateo 1:1

Yeso Kirisito‑ka idi mai oni okanahanaboneni. Yeso‑ka idi i‑di Dafi tohe, ai‑ka hidi tohematane. I‑di Dafi‑ka idi i‑di Abaraho tohematane.

Mateo 1:16

Yako bidi i‑di Yose tohe, Yose fadi‑bone i‑di Mariya tohameteni. Mariya bidi i‑di Yeso, Deoso‑ka Ka‑kadika amane, mai ati nineni.

Mateo 1:6

Yese bidi i‑di Dafi, ai‑ka hidi webote tohematane. I‑di Oriya fadi‑ya Dafi famawahe, mai‑ka ewe i‑di Saromaho tohematane.

Mateo 12:23

Yeso ene‑ya mai awa, “Ka! Haa‑nima ai ene na, ai awaterani. Dafi‑ka nodi tohe awane.” Mai ati namaroni.

Mateo 15:22

Kanaha mai‑ka fana kamake, Yeso‑ya hiyara, “Ayo, oka hidi amatini. Dafi‑ka nodi amatini. Owa tikasomahi. Madi towe ene okoto kiyani nafeni.” Fana ati namaroni.

Mateo 26:63

Yeso ati yanare, “Yeso, Deoso yokana tiwa‑ya watone, tiwati yananahi. Deoso‑ka Ka‑kadika amatiraniha? Deoso Bidi amatini?” Mai‑ka hidi webote ati nematane.

Mateo 27:43

Deoso ati‑ya nofemona ati ne, Deoso hinakisameba awane. Deoso Bidi‑mona Deoso hikayaweba awane.” Mai ati nameteni.

Mateo 3:17

Neme‑ya ati kaki, “Oka Dao amane. Oka Dao onofi nafineni. Ene amose, ene ya‑yai·oneni.” Ati nematane.

Mateo 9:27

Makobote Yeso toke, mai noki wadara mai fama, Yeso nowati‑ya mai towakamake, “Yeso, oda‑ka hidi amatini. I‑di Dafi‑ka nodi amatini. Oda tikasomahi.” Maki mai ati namaroni.

Roka 1:35

“Deoso‑ka Doni tiwa‑ya sawibona, Deoso ene kitabote ati ene naba tihaboneni. Deoso Bidi wadeya, mai awiya, ‘Deoso Bidi amane.’ Mai ati naboneni.

Roka 1:69

Deoso ati ene Dafi‑ka nodi kobone, kitabotebona, ai‑ya kasomebonane.

Yowaho 1:14

Deoso‑ya Yo‑yofikana ai owa tohawahane, bofe‑ya ai‑ya sawiwahemarine. Deoso Bidi yokana amane. Hini wehene oda awemarine. Ai nafi‑ya nofe, keyehe‑ya hiriremarine.

Yowaho 1:34

Fare oawe, Deoso Bidi amane. Deoso Bidi tamine‑ya dai‑ya okaminineni.” Yowaho Batita ati nemarine.

Yowaho 1:49

“Ayo, Deoso Bidi amatini. Isara·eo‑ka nodi oda toha, oda‑ka hidi webote yokana amatini.” Natanaeo ati nemarine.

Yowaho 10:30

Okobi oda oharineni.” Yeso ati nemarine.

Yowaho 10:36

Okobi owa‑ya kayawe, owa‑ya yosemarine, bofe‑ya okebonehe. ‘Deoso Bidi ama·oni.’ Ona. Owati kasiramone dai ati neni, dai yawaro. Hini yamata ihi dai yawiti?

Yowaho 20:28

“Oka Ayo amatini. Oka Deoso amatini.” I‑di Tome ati nemarine.

Yowaho 20:31

Yeso ene kote okanahano, Yeso tamine dai nofebonaha. Yeso i‑di Kirisito amane. Deoso Bidi amane. Tamine dai nofeya, Yeso ene dai abaraboneni.

Yowaho 5:25

Owati amosabote dai mitahi. Deoso Bidi ama·oni. Mai aba mai haa·oniya, mai kitamawahaboneni.

Yowaho 7:42

I‑di Dafi tabaro bote, Bere‑kaya Kirisito wadebonane. Dafi‑ka nodi i‑di Kirisito tohebonane. Deoso‑ka yama hani ati teni. Yeso i‑di Kirisito tohi awireba awane.” Mai one ati nihi neni.

Yeso‑ka yo‑yose mai tamine 2:30

Dafi Deoso ati‑ya mi‑mita‑mata, Deoso ati‑nima yama nabone‑ya Dafi wato, ‘Dafi ti·abiya, owa ene tika nodi Isara·eo mai‑ka hidi tohebonane.’ Deoso ati ne, ati‑ya Dafi nofematane.

Yeso‑ka yo‑yose mai tamine 3:13

Deoso‑ya Yeso na‑narifa, yara mai‑ya dai kahabanemarine, mai baahikanebonaha. I‑di Birato seehikanebona, dai ati barihine mai hinahabemari, ai‑ka idi i‑di Abaraho, i‑di Isaki, i‑di Yako mai na, mai‑ka Deoso hinakitamemarine.

Yeso‑ka yo‑yose mai tamine 8:36

Kafaro mai‑ya horokane, mai ibi hi‑hiyara tosina, wara widi‑ya mai kobokana, “A‑ahi‑ya faha ita‑ya owa habatinirisakaribana?” Yinero‑ya na‑nawada ati ne.

Yeso‑ka yo‑yose mai tamine 9:20

Deoso‑ya mai hi‑hiyara‑ke yobe‑ya i‑di Saoro Yeso tamine‑ya hiyare, “I‑di Yeso, Deoso Bidi amane.” Ati ne.

Homa 1:9

Deoso ati onofi nafe, Yeso Ati Amosabote okamina, dai tamine ohiyara oteni, Deoso‑ya. Dai tamine ohiyaranade‑ya Deoso watone.

Homa 4:1

Yodeo ai‑ka idi i‑di Abaraho tohemata tamine‑ya dai atibodi kadikahi. Hibati‑ya i‑di Abaraho‑ya Deoso ati somawamematane. Hini yamata ihi Deoso ati somawamamatati?

Homa 9:3

Oka mai one Kirisito ati‑ya mai nofara, mai ihi owatibodi yama‑ya kadikani. “Owa‑ta Deoso tabaro‑ya owinara‑mani, oka mai nafi winabisiya, ya‑yai·ona neni.” Owatibodi ati nineni.

Homa 9:5

I‑di Abaraho, i‑di Isaki, i‑di Yako mai na, ai‑ka idi mai tohamete. I‑di Abaraho‑ka nodi‑bona i‑di Kirisito, yama nafi‑ka hidi tohe, fare Deoso toha ne, Kirisito‑ya ai kahiyari fawateraboneni. Fara amani.

Korito daidi 1:9

Deoso dai‑ya haanemarine, Bidi i‑di Yeso Kirisito dai‑ka hidi tohe, dai‑ya sawibonaha. Ati‑nima tene.

Korito daidi 10:18

Isara·eo‑ka nodi mai toha Deoso‑ya mai kahiyarabone, bani‑ya mai daateni. Deoso‑ka bani kote‑bona‑ya mai sarikana, kote mai hikaba hine, Deoso eyehe bani‑ya mai kayafateni.

Karatiya 4:4

Makobote yama nafi hawa tohiya, Deoso Bidi‑ya yosemarine ai tabaro‑ya. Bofe‑ya Yeso kobone, Yeso madi i‑di Mariya ai toha, Yeso ai tohahari ne. Ai‑nima Yeso ne, Mose ati‑ya tokadabebona Deoso ati nane.

Tesaronika daidi 1:10

Yeso kamebona‑ya dai nimanineni. Hibati‑ya Deoso hinakitame, neme‑ya tokome, ai‑ya idimebonane. Neme‑ya ai eyehe tokomeya, bofe‑ya mai winasa na, Deoso ene yama kome mai‑ya kitaboneni.

Timoti daidi 2:5

Deoso ohari‑ta tohe, Deoso‑ya ai tamine‑ya hi‑hiyara ohari toha nane. Fare ai owa i‑di Yeso Kirisito tohane.

Timoti daidi 3:16

Hibati‑ya Deoso Ati Amosabote tamine‑ya mai watoramete, Ati Amosabote‑ya mai watowahineni. Deoso Bidi i‑di Yeso Kirisito bofe‑ya kame ai owa tohe, ai abano‑nima abano tohe, Deoso‑ka Doni hikasome, ene amose hinama tohemarine. Bofe‑ya wine, Deoso‑ka yo‑yose mai hiawemarine. Ai tabaro nafi‑nima tamine mai hikaminawahane. Yeso ati‑ya mai dami nofawaha, Neme‑ya Deoso hiwakamemarine.

Timoti yoto‑ke 2:8

Yeso Kirisito i‑di Dafi‑ka nodi tohe, abe, Deoso hinakitamemari tamine ohiyaratene, Deoso Ati Amosabote amane. Ati tiwatibodi hikadikayaho.

Yowaho daidi 1:3

Yama oda awa, ati oda mitanamaro tamine okanahano, oda wata dai watohareboneni. Ai‑ka Abi i‑di Deoso, Bidi i‑di Yeso Kirisito‑ya fame, ai‑ya mai nofa, mai ai nofa, ai ibi hiyari nofateni.

Yowaho daidi 3:23

Deoso ati dai mitahi. “Oka dao i‑di Yeso Kirisito ati dai nofiya, owati‑maro‑nima dai ibi nofahi.” Deoso ati nemarine.

Yowaho daidi 3:8

Mai ihi amosara, Satanasi‑ka mai toha, Satanasi ene amosaremata, ene amosanasa rene. Deoso Bidi i‑di Yeso kamemarine, Satanasi ene‑ya nanahabebonaha.

Yowaho daidi 4:15

Deoso ati‑ya mai no‑nofa, “Yeso, Deoso Bidi amane.” Mai atibodi ati na, mai atibodi‑ya Deoso wine, Deoso‑ka mai tohateni.

Yowaho daidi 5:1

Kirisito i‑di Yeso tohene ai atibodi ati na, Deoso bidi ai tohateni. Ai‑ka Abi i‑di Deoso ai nofa, bidi mai ai nofahari teni.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.

Yowaho daidi 5:5

“Deoso Bidi i‑di Yeso amane.” Ai ati na, Satanasi ati‑ya ai nofarani. Yeso ati‑ya mai nofara, Satanasi ati‑ya mai nofateni.

Yowaho yoto‑ke 1:7

Ai tabaro dami‑nima keyehe‑ya mai hi‑hiri mai tokateni. “Deoso Bidi, i‑di Yeso Kirisito bofe‑ya kakiterene.” Mai ati na. Haa‑nima mai ati na, Satanasi‑ka mai toha, Kirisito‑ya mai ka‑kako mai amane.

Yeso Kirisito ene‑bona 2:18

“Yama hani tikanahanohi. Deoso‑ya mai hi‑hiyara‑ke yobe Tiyatira‑ya wai, fare yobe hidi‑ya daatinahi. Deoso Bidi ama·oni. Yifo hirini‑nima owa noko bodi wehene na, owa teme metaho amose‑nima na, fara owati amani.