Homa 1:25 - Deoso-ka Yama Hani

²⁵ Deoso ati‑ya mai nofara, keyehe‑ya mai nofa, Deoso‑ya mai kahiyarara, Deoso‑ka yama wamani‑ta‑ya mai kahiyarabisineni. Deoso amosabote amane, ai ati nahi. Deoso ai kahiyari fawariyahi. Fara amani.

Homa 1:25 ပူးပေါင်းရင်းမြစ်များ

Mateo 10:37

Owa dai nofi nafibisahi. Abi, ami, mai na, mai dai nofi bi‑bidi nahi. Dai‑ka madehe dai nofi bi‑bidi nahi. Owa‑ya mai nofi nafira, oka mai tohi awirani.

Mateo 6:24

Dai‑ka hidi mai fama, hidi owa ati dai tokadababisa, hidi owa ati dai tokadabaraboneni. Hidi owa dai nokotoniya, hidi owa dai kakaboneni. Deoso ati dai nofabisiya, yinero dai nokotoniraboneni.” Yeso ati nemarine.

Yowaho 2:8

“Yama wiye bide‑ya dai kabikaniya, dai towakamahi, fino‑ya mai da‑daa mai‑ka hidi‑ya.” Yeso ati ne, Ati‑nima mai namaroni.

Homa 1:18

Ai one mai tamine okanahanaboneni. Mai ihi amosarihi, Deoso ati miti‑ya mai nofarihi, mai ati ihi mai one Deoso ati‑ya mitarihi, Deoso ene‑ya mai awa, Deoso‑ya mai watorihi, mai na, mai ihi amosara. Neme‑ya mai ihi‑ya Deoso awe, Deoso yawe‑ya mai awawahaboneni.

Homa 1:23

Deoso yokana ati‑ya mai nofara, hiniya mai yahi‑ya yama‑ya mai wamana, bani mai afe wada mai‑nima na toha, bani yama‑ka mai‑nima na toha, maka‑nima na toha, ai‑nima na toha na, fara yama mai wamahina, ati wadarihi, hasikani wadarihi na‑ya mai kahiyaranasa nineni. Yama mai wamahina‑ya mai kahiyarabisa, Deoso yokana‑ya mai kahiyari awirani.

Homa 9:5

I‑di Abaraho, i‑di Isaki, i‑di Yako mai na, ai‑ka idi mai tohamete. I‑di Abaraho‑ka nodi‑bona i‑di Kirisito, yama nafi‑ka hidi tohe, fare Deoso toha ne, Kirisito‑ya ai kahiyari fawateraboneni. Fara amani.

Korito yoto‑ke 11:31

Ai‑ka Hidi i‑di Yeso Kirisito‑ka Abi, i‑di Deoso ai kahiyaranadi, ai kahiyari fawarayaho. Keyehe hiri·ora, Deoso owa‑ya watone.

Efesiyo 3:21

Kirisito‑ka ai toha Yeso Kirisito ai‑ka Hidi amane. Deoso‑ya ai nafi kahiyarahi. Mahi‑nima Deoso ai kahiyara, ai kahiyari fawaterayaho, Deoso amosabote amane. “Fara amani.” Ai ati nahi.

Tesaronika daidi 1:9

Mai ati ihi oda ya‑yainineni. Hibati‑ya dai tabaro‑ya oda kobona, oda ati dai nofa, madi mai‑ya dai hiyaramaro, madi mai‑ya dai hiyarami awirabone dai ati na, “Deoso yokana ohari‑ta oda kahiyarabisaboneni.” Dai ati namaro, Dai ati‑nima dai nineni.

Timoti daidi 1:11

Hibati‑ya Deoso owa‑ya yosemarine, Ati Amosabote ohiyarebonaha. Deoso Ati Amosabote‑ya mai tokadabara, Mose‑ka yama hani ati‑nima Deoso mai‑ya bisinebonane.

Timoti daidi 1:17

Deoso ai‑ka Hidi webote ohari, abaterebonane. Ai nafi‑ka Hidi i‑di Deoso tohe, Deoso noko ai awatere, neme‑ya wine, Deoso ai nofa, “Deoso amosabote amane.” Ai ati na. Ai ati fawariyahi. Owatibodi ati nineni.

Timoti yoto‑ke 3:4

Bara mai‑ya mai‑ka owa‑ya mai daanaboneni. Hini mai‑ya mai nofabone mai one‑ya mai nofara, yama mai ati kobohina‑ya mai kayafateni. Deoso‑ya mai ati nofarini.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.