Homa 1:20 - Deoso-ka Yama Hani

²⁰ Bofe‑ya Deoso ene‑ya mai nafi awa, neme‑ya ene mai hiawahari hine. Deoso kitabote tohe‑ya mai awateni. Deoso‑ya mai watora, hini mai ihi tohateni.

Homa 1:20 ပူးပေါင်းရင်းမြစ်များ

Mateo 5:45

Deoso bidi ama·oni dai ati na, Deoso ene‑nima dai ene nahi. Mai ati kasira mai toha, mai ati soma mai toha na, Deoso mai‑ya kasomatene. Deoso ene mahi wehene‑ya mai nafi awateni. Deoso ene mai tabori dami‑nima faha kakiteni.

Maroko 10:6

Yama yanakani‑ya maki toha, fana toha na‑ya i‑di Deoso wamanematamonane.

Yowaho 1:18

Deoso ai aware tamine‑ya Bidi kaminemarine. Bidi yokana Badi‑ya famene.

Yowaho 15:22

Deoso ati okamini awira‑mani, mai ihi manakone wadara neni. Deoso ati okaminabisamaro ene mai manakone wadineni.

Yeso‑ka yo‑yose mai tamine 17:29

Deoso bidi ai toha, ai‑ka Abi oro wamani toharihi, barata wamani toharihi, yati wamani toharihi tene. Ai‑ka Abi ai wamaterene.

Yeso‑ka yo‑yose mai tamine 22:1

“Oka soho dai toha, okobese dai toha na, dai‑ya owa tamine okaminaboneni.” Baoro ati nane.

Homa 1:19

Hibati‑ya yama nafi‑ya Deoso wamane, ene‑ya mai nafi awameteni, Deoso‑ya mai watabonehe.

Homa 16:26

Hibati‑ya Deoso ati‑ya mai mi‑mita‑mete Yeso tamine‑ya mai kanahanamete, tamine yokana‑ya mai watora, tamine mai hikanahanomata tamine ai watowaha, Bara dai toha dai nafi hiwatowahebonane, Deoso ati dai nofabone, ati dai tokadabebonaha.

Homa 2:1

“Mai ihi towe toha, hini mai ihi mai abahi.” Dai ati na. Mai ihi‑nima dai ene nahare, fara dai ene dai abahareboneni.

Homa 2:15

Hibati‑ya mai atibodi‑ya Deoso hini ati‑ya kanahanomatane, ati mai hikadabebonaha. Mai atibodi ati‑ya mai tokadabiya, mai ya‑yainaboneni. Mai atibodi ati‑ya mai tokadabariya, mai atibodi hini mai‑ya weenaboneni.

Korito daidi 1:20

Yama‑ya mai wa‑wato‑mone mai toha, Mose‑ka yama hani ati‑ya mai ka‑kamina mai toha, mai ibi ati wa‑wara mai toha na, Deoso ati‑ya mai nofara Deoso ene ka‑kana mai‑nima mai nawahani.

Koroso 1:15

Deoso ai awatera, Yeso‑ta ai awabisa, Deoso‑nima nane. Deoso Bidi yokana ohari, oni Yeso Kirisito tohane. Yama‑ya Deoso wamani awisareya, Kirisito‑ta tohematane.

Koroso 2:9

Deoso‑nima Yeso Kirisito nane. Yeso Kirisito ai awiya, Deoso ai watowahaboneni. Deoso abano wadare, Kirisito abano wadabise, Deoso ati‑nima Kirisito ati nane. Deoso ene‑nima Yeso ene nane.

Timoti daidi 1:17

Deoso ai‑ka Hidi webote ohari, abaterebonane. Ai nafi‑ka Hidi i‑di Deoso tohe, Deoso noko ai awatere, neme‑ya wine, Deoso ai nofa, “Deoso amosabote amane.” Ai ati na. Ai ati fawariyahi. Owatibodi ati nineni.

Timoti daidi 6:16

Deoso abaterebonane. Hini wehene kite‑ya winane. Yama wahi kita ihi ahiyata‑ya ai tokaterani. Deoso noko ai awaterani. Deoso ai kahiyarahi. Deoso kitabote amane. Kiti fawaterebonane. Feye amani.

Ebereo 11:27

Deoso ati‑ya i‑di Mose nofe, Eyito‑ya winemata, tabora bara‑ya tokawahe. Atibodi ati, “Eyito mai‑ka hidi owa‑ya kako, yama sibaraboneni. Owa habo siitoraboneni. Hibayata Kirisito oawara makobote oawebona, owa manakone amosa‑ya daanebonane.” Atibodi ati nematane.

Ebereo 9:14

Fare Kirisito emene ai‑ya namosi nafibona, Kirisito ene amose hinama tohe, Deoso‑ka Doni hikasome ene ai manakone aba, hini emene‑ya Deoso‑ya daane ene ai ene amosaramaro, ai‑ya ai atibodi weenamaraboneni. Ai ene amosaramaro tamine‑ya Deoso kadikamaterebonane. Ai ene amosa, ai abamateraboneni. Deoso‑ya ai narifabisaboneni.