Homa 1:18 - Deoso-ka Yama Hani

¹⁸ Ai one mai tamine okanahanaboneni. Mai ihi amosarihi, Deoso ati miti‑ya mai nofarihi, mai ati ihi mai one Deoso ati‑ya mitarihi, Deoso ene‑ya mai awa, Deoso‑ya mai watorihi, mai na, mai ihi amosara. Neme‑ya mai ihi‑ya Deoso awe, Deoso yawe‑ya mai awawahaboneni.

Homa 1:18 ပူးပေါင်းရင်းမြစ်များ

Homa 1:19

Hibati‑ya yama nafi‑ya Deoso wamane, ene‑ya mai nafi awameteni, Deoso‑ya mai watabonehe.

Homa 1:28

Deoso ati‑ya mai nofara, Deoso mai‑ya saatokase, hini mai ihi Deoso mai‑ya hiyarami awirane. Mai atibodi yama towe kobohina, hini mai atibodi ati‑nima mai ihi nawahani. Haa‑nima mai ihi rabone Deoso ati ne, haa‑nima mai ihi teni.

Homa 1:32

Mai ihi amosara‑ya mai nokotonihe, hini mai ihi‑ya mai saatonakosara. Deoso mai hinahababone, hini mai‑ya mai watobisa, mai korikasara, mai ihi‑nima mai one ihi namakitasa, mai ya‑yainibisineni.

Homa 2:3

“Bara mai ihi amosara, Deoso ene mai ababoneni. Yodeo oda toha, Deoso oda‑ya ati somawame, oda‑ya nofe, oda‑ya nanahabarebonane.” Yodeo dai toha, dai atibodi ati na awineni. Dai narabo hawihi. Yama nafi‑ya Deoso wato, mai ihi‑nima dai ene na, dai‑ya Deoso nanahabaharibonane. Dai manakone dai kayafa, kome fawateraboneni.

Homa 3:9

Yodeo ai toha, ai ene amosabisa‑mone dai one ati na awineni. Ai ene amosi awirini. Yodeo ai toha, Bara mai toha mai na, ai nafi ene amosarani.

Homa 4:15

Hibati‑ya Deoso ati‑ya i‑di Mose kanahanomatane. Ati hikanahano awire‑mana, ati ai nanahabare nane. Deoso ati ai nanahabare‑mana, yaware nane.

Homa 5:6

Hibati‑ya Deoso ai watora, ai ene towe tonafe, ai‑ya ai kasomi watora, Deoso ati ai nofi awisarihi niya, Deoso ati‑nima Kirisito abematane, ai manakone‑ya nanahabebonaha.

Homa 5:9

Yeso abe, emene tokafodo ene Deoso ai‑ya ati somawame, Yeso ene Deoso ai‑ya ati yawamaterebonane.

Homa 6:13

Hibati‑ka dai aba, dai yati tohawaha, dai abano kobobona dai daanahi, Deoso‑ya. Dai abano kobobona ene amosaramaro‑nima dai riyahi. Deoso ati kobohina‑nima dai abano kobobona nawahabisahi.

Efesiyo 5:6

Dai‑ya keyehe‑ya mai hirikariyahi. Mai ati honita tohateni. Deoso ati‑ya mai tokadabara. Mai ihi towe toha, mai ihi Deoso yawebona, mai manakone‑ya daanebonane.

Koroso 3:6

Fara‑nima mai niya, Deoso yawe, mai‑ya weenebonane.

Tesaronika yoto‑ke 2:10

Yeso ati‑ya mai nofara, Satanasi‑ka owa keyehe‑ya mai‑ya hirikane, Satanasi‑ka owa ati‑ya mai nofawahaboneni. Hibati‑ya Deoso mai‑ya kasomebona ati ne, Deoso ati‑ya mai nofaramaro, mai abawahaboneni.

Tesaronika yoto‑ke 2:6

Satanasi‑ka owa kamebona, koboni awisare, hika hawi barikananasa nineni. Hawi barikana tamine dai mitamaroni. Deoso‑ka yama nafi hawa tohiya, hawi‑ya seekanebonane. Fara hika hawi seehikanaya, Satanasi‑ka owa kobonebonane.