Homa 1:16 - Deoso-ka Yama Hani

¹⁶ Yeso Kirisito Ati Amosabote okamina, owa habo siitora, owa habo kitabisa, ya‑yai·oneni. Deoso kitabote tohe, ati ene Yeso Kirisito Ati Amosabote‑ya ai nofa, ai‑ya ati somawamatene. Yodeo Yeso tamine‑ya mai miti baha, Bara Yeso tamine‑ya mai mitamakinineni.

Homa 1:16 ပူးပေါင်းရင်းမြစ်များ

Maroko 8:38

Bofe‑ya mai wi‑wina yama dama‑ya mai nokotonihe, Deoso ati‑ya mai tokadabara dai‑ya mai weeni awirabone dai ati na, owa‑ya dai nofarihi, owati‑ya dai nofarihi dai niya, okomatasiya, dai‑ya onofahariraboneni. Okomatasiya, Okobi wehene owa‑ya sawi, Okobi‑ka yo‑yose mai amosabote owa‑ya mai sawi naboneni.” Yeso ati nematane.

Roka 9:26

Deoso‑ya mai nofara dai‑ya mai weeni awirabone dai ati na, owa‑ya dai nofarihi, owati‑ya dai nofarihi dai ni‑ya, okomatasiya, dai‑ya onofahariraboneni. Okomatasiya, Owa wehene wadabone, Okobi wehene owa‑ya sawibona, Okobi‑ka yo‑yose amosabote mai wahi owa‑ya sawi naboneni.

Yowaho 7:35

Oda‑ka hidi mai ibi hiyara, “Ebeni‑kaya tokabamata? Ai tokomakirabone ati neri, oda one Kereko mai tabori‑ya mai wina mai‑ya tokebona, Kereko mai‑ya kanawatoba awane.

Yeso‑ka yo‑yose mai tamine 3:26

Deoso Bidi‑ya nakitami hawa tohe, dai‑ya hiyosemi dai hihemarine. Dai‑ya kasomebona, dai ene towe tohamarabonehe.” Bedoro ati nemonane.

Homa 10:17

Deoso Ati Amosabote Yeso tamine‑ya mai kamina, ati mai himiteya, ati mai hinofeba awane.

Homa 15:19

Yeso Kirisito owa‑ya kasome, Deoso‑ka Doni ene owa ene kita‑ya mai awamaroni. Yerosare‑ya mai wi‑wina, Iririko‑ya mai wi‑wina, hawi bai‑ya mai wi‑wina, mai na, owa ene‑ya mai awa, owati‑ya mai mita, mai namaroni. Deoso ati‑nima owa ene na, Yeso Kirisito ati‑ya mai dami mitamaroni.

Homa 15:29

Dai tabaro‑ya kobo·oniya, Kirisito ai‑ya kasomi ba‑basi nebona owatibodi ati nineni.

Homa 2:9

Mai ihi amosara, Deoso ene yama towe‑ya mai kayafiya, mai ohinaboneni. Yodeo mai‑ya Deoso kasomi nafimari, mai ihi towe tohasa na, Deoso mai‑ya nakoma, Bara mai ihi amosara mai‑ya nakomahari nebonane.

Homa 4:11

I‑di Abaraho‑ya Deoso ati somawami hawa tohe, Abaraho sowiri tati ataro‑ya wisinakose, “Abaraho, tiwa sowiri tati ataro wisitinakosa, tiwa tamine‑ya mai mitiya, oka tihawaha, tiwa‑ya mai watowahaboneni.” Deoso ati nematane. Abaraho tamine‑ya Bara mai mita, “Abaraho‑nima Deoso ati ai nofahi. Abaraho sowiri tati ataro wisinakosi awisareya, Deoso ati‑ya nofe, Deoso ati somawamematane. Deoso ati ai nofiya, ai‑ya ati somawamaharibonane.” Mai ati naboneni. Abaraho‑nima mai na, Deoso ati‑ya mai nofawahiya, mai‑ya ati somawamaharibonane. Mai sowiri tati atori abara, mai sibarini. Abaraho‑ka nodi mai tohawahaboneni.

Korito daidi 15:2

Deoso Ati Amosabote ati dai nofa, Deoso tabaro‑ya dai winaboneni. Deoso Ati Amosabote‑ya mai atibodi nofara, hiniya mai ati hinofabise, Deoso tabaro‑ya mai winateraboneni.

Korito daidi 2:2

Yama bara tamine ohiyari awira, Yeso Kirisito tamine‑ya ohiyarabisamaroni. “Yeso mai baahikane, abematane.” Onamaroni.

Korito daidi 2:4

Deoso ati dai‑ya ohiyara, owati amosi nafira, “Baoro yama nafi‑ya watone.” Dai ati ramaroni. Owati‑ya dai mita, “Se! Deoso‑ka Doni kitabote i‑di Baoro‑ya sawine.” Dai ati nibisamaroni.

Korito daidi 9:12

Deoso ati‑ya mai kamina, mai manakone‑ya dai daateni. Deoso ati dai‑ya oda kamine, oda manakone wadakarini? Hehe, wadani. Oda fime, manakone oda haaramaroni. “Manakone oda haaniya, Kirisito ati‑ya mai one mitamakiraba awineni.” Oda ati namaroni.

Korito daidi 9:18

Hini yamata‑ya owa manakone tohibati? Yama manakone haa·ora ihi ya‑yai·ona, fara hini owa ya‑yainiya, owa manakone tohateni.

Korito yoto‑ke 2:12

Torowadi‑ya okamaroni, Yeso Kirisito Ati Amosabote okaminabonehe. Mai tabori‑ya kobo·ona, Deoso ene owati‑ya mai dami mitamaroni.

Korito yoto‑ke 4:4

Deoso yokana ati‑ya mai nofara, madi mai‑ka deoso i‑di Satanasi ati‑ya mai nofabisa, Satanasi ene mai atibodi noki wadara, Deoso Ati Amosabote mai mitara, Kirisito amosabote‑ya mai awara, Deoso yokana‑nima Kirisito ne amane.

Korito yoto‑ke 9:13

Yama dai daana, dai ene mai ya‑yaina, Deoso‑ya mai kahiyarabone, “Abi Deoso, amosabote amatini. Korito‑ya mai wi‑wina yama dama‑ya mai kihara, mai ihi amosa, oda‑ka yamata‑bone‑ya mai daana, tika dao i‑di Yeso Kirisito ene‑nima mai ihi na, oda‑ya mai kasoma, mai‑ka yamata‑ya mai daanineni.” Mai ati naboneni.

Karatiya 1:7

Yeso Ati Amosabote ohari‑ta tohe, ati bare‑ya mai kamina, Kirisito Ati Amosabote tohi awirene. Keyehe‑ya dai‑ya mai hirikanineni, mai ati dai nofabonehe.

Tesaronika daidi 2:13

Dai tabaro‑ya oda wina, dai‑ya oda hiyara, “Baoro hini mai ati tohi awirani. Deoso ati‑ya mai hiyarabisani.” Dai ati namaroni. Deoso ati oda hiyaremari, ati dai watowahineni. Deoso ati‑ya dai wata, dai ene sibarineni. Dai ene oda ya‑yaineni. Deoso‑ya dai ene oda hiyarineni.

Timoti daidi 1:11

Hibati‑ya Deoso owa‑ya yosemarine, Ati Amosabote ohiyarebonaha. Deoso Ati Amosabote‑ya mai tokadabara, Mose‑ka yama hani ati‑nima Deoso mai‑ya bisinebonane.

Timoti yoto‑ke 1:12

Deoso ati‑ya ohiyara, kadeya‑ya owa‑ya mai nawaa, kadeya‑ya owaa, oyawi awirani. Sibarabone owatibodi ati nani. Deoso owato, ati onofe, owa‑ya nawadebona, owa‑ya kayawebonane. Hika yama ani·ona‑ya kayafatene. Makobote Yeso kamataseya, oka yama‑bone‑ya daanebonane.

Timoti yoto‑ke 1:16

Owa‑ya i‑di Onesiforo kasomemarine. Kadeya‑ya owaa, yawaremarine. Onesiforo‑ka mai‑ya Deoso kasomamakibonane.

Timoti yoto‑ke 1:8

Ai‑ka Ayo i‑di Yeso ati tihiyara, mai noki ihi tiwa habo siitoriyahi. Kadeya‑ya owaa, owa ene tiwa habo siitorihi na, Deoso Ati Amosabote tikaminiya, kadeya‑ya tiwa‑ya mai nawaaba awineni. Tiwa‑ya mai nawaa, sibaraboneni. Deoso tiwa‑ya kasomebonane.

Ebereo 4:12

Deoso ati kitabote tohe, yima ini fama, ini inokima‑nima ne. Ai atibodi ai korimari na‑ya kebitene. Ai atibodi ati, ai atibodi yama hinofa hina‑ya kadikatene.

Bedoro daidi 4:16

Deoso ati dai tokadaba, dai‑ya mai bisina, dai yawariya, dai ya‑yainahi, Deoso‑ka dai toha, Deoso dai kahiyarahi.