Homa 1:14 - Deoso-ka Yama Hani

¹⁴ Mai dami‑ya Yeso ati okaminabone Deoso ati nemarine. Kereko mai toha, Bara mai one toha, yama yaki‑ya mai wi‑wina mai toha, yama‑ya mai wa‑wato mai toha, yama‑ya mai watora mai toha, mai na, mai nafi‑ya Yeso Ati Amosabote okaminabone owatibodi ati teni.

Homa 1:14 ပူးပေါင်းရင်းမြစ်များ

Mateo 11:25

Yeso Badi‑ya hiyare, “Abi Deoso, bofe‑ka hidi tiha, neme‑ka hidi tiha, yama‑ya mai wa‑wato‑mone mai ati na tiwa ene‑ya mai watorani. Madehe‑nima mai na, yama‑ya mai watoramone mai ati na tiwa ene‑ya mai watobisineni. Tiwa ene ya‑yai·oneni.

Roka 10:21

Mai‑ya hiyareya, Deoso‑ka Doni ene Yeso ya‑yaine, ati yanane, “Abi Deoso, bofe‑ka hidi tiha, neme‑ka hidi tiha, tiwa ene ya‑yai·oneni. Yama‑ya mai wa‑wato‑mone mai ati na tiwa ene‑ya mai watorani. Madehe‑nima mai na, yama‑ya mai watoramone mai ati na, tiwa ene‑ya mai watobisineni. Tiwati‑maro‑nima yama nineni.” Yeso ati nematane.

Yeso‑ka yo‑yose mai tamine 22:21

Owa‑ya hiyare, ‘Tokoma kanibote tinahi. Yama yaki‑ya tiwa oyoseboneni, Bara mai‑ya.’ Ati ne.” Baoro ati nemarine.

Yeso‑ka yo‑yose mai tamine 28:2

Maota‑ya mai wi‑wina mai ati soma, oda‑ya mai kasoma, faha bofe‑ya yifo‑ya mai afokanamaroni, yifo oda hiwanabonehe. Yama siri kitamaroni.

Yeso‑ka yo‑yose mai tamine 28:4

Baoro yehe‑ya maka waina, fai yehe‑ya wina‑ya Maota‑ka mai awa, mai ibi hiyara, “Ai owa mai‑ya nanahabano tohe awane, faha‑ya abare, hasirebona, maka ihi aba kanibote nebonane.” Mai ati namaroni.

Yeso‑ka yo‑yose mai tamine 9:15

“Tikamakihi. Saoro okadike, oka yama‑ya a‑ani tohawahebonane. Bara mai toha, Bara mai‑ka hidi mai toha, Isara·eo‑ka nodi mai toha na, mai‑ya owa tamine‑ya hiyarebonane.

Homa 1:22

Yama nafi‑ya mai watamone mai ati na, mai atibodi honita toha, hiniya mai ka‑kana nawawahani.

Homa 11:25

“Yodeo mai ati kasira oda‑ta oda amosabisineni.” Dai ati riyahi. Yama‑ya mai watoramete yama dai watowahi. Hibayata Isara·eo‑ka mai one atibodi kita, Deoso ati‑ya mai nofara, Bara dai one‑ya Deoso kadikemata, ati dai nafi hinofeya, yama hawa tohawahaboneni.

Homa 12:16

Hini dai‑ka yama‑bone‑ya dai nokotini ohaririyahi. Dai atibodi fara hinama tohahi. Dai one‑ka yama‑bone dai nokotoniharihi. Yama‑ya mai kihara mai‑ya tisawiyahi. Tiwa‑ta tinofabisa tiriyahi.

Homa 13:8

Yama dai kanika, manakone dai nanahaba kanibote nahi. Mai‑ka yinero dai kayafe, manakone dai daatonama kanibote nahi. Mai dai nofabone Deoso ati ne, mai dai nofahi. Mai dai nofi yokana toha, Deoso ati‑nima dai teni.

Homa 16:19

Dai ene amosa tamine oda dami mita, dai ene ya‑yai·oneni. Dai noko wadahi. Dai ene amosa hinama tohabone, yama towe‑ya dai nofaraboneni.

Homa 8:12

Yeso ati‑ya dai no‑nofa, owati dai mitahi. Dai atibodi bote dai‑ka hidi tohamara, ati dai tokadabamariyahi. Dai atibodi yati ati dai tokadababisahi.

Korito daidi 14:11

Mai one ati‑ya mai hiyariya, mai ati owatora, “Bara mai amani.” Owatibodi ati naboneni. Owati yananiya, owati‑ya mai mitara, “Bare amane.” Mai ati naboneni.

Korito daidi 14:16

Mai one ati‑ya Deoso‑ya dai kahiyariya, dai ati‑ya mai watora, Deoso‑ya mai kahiyari awiraboneni. Ai ati‑ya Deoso‑ya dai kahiyariya, dai eyehe Deoso‑ya mai kahiyaraboneni.

Korito daidi 2:13

Deoso‑ka Doni ai‑ya kanawato‑nima mai one‑ya ai kanawata, yama‑ya mai wa‑wato mai ati‑nima ai ati terani. Deoso ati dai no‑nofa Deoso ati dai‑ya oda kamine, Deoso‑ka Doni ene dai watowahaboneni.

Korito daidi 3:18

Deoso ati‑ya mai nofara dai tamine‑ya mai hiyariya, yama‑ya dai watamone mai ati na, mai ati dai nofariyahi. Mai ati dai nofa‑mani, hini dai‑ya dai keyehe neni. Ka‑kana dai‑mone mai ati na, fara yama dai wato ba‑basi na awineni.

Korito yoto‑ke 10:12

Dai tabaro‑ya mai one toka, amosabote mai‑mone mai ati na, mai‑nima oda ni awirani. Yama amosabote yokana‑ya mai awara. Mai ibi awabisa, haa‑nima mai na, yama‑ya mai wato awisarani.

Korito yoto‑ke 11:19

Yama nafi‑ya dai watamone dai ati na, ka‑kana mai ati‑ya dai nofasa nineni.

Koroso 3:11

Deoso ati‑ya ai no‑nofa Kirisito ene fara hinama ai tohawaha, Yodeo dai one toha, Bara dai one toha namaro, dai one sowiri tati ataro‑ya mai wisinakosa, dai one sowiri tati ataro‑ya mai wisinakosarihi, dai one oda ati‑nima ati nihi, dai one ati bara toha, dai one yama yaki‑ya wina, dai one ahiyata‑ya wina na, dai one‑ya mai kanika, dai one‑ya mai kanikarihi namaroni. Yeso Kirisito ai atibodi‑ya sawiwahe, ene fara hinama ai tohawahineni.

Timoti yoto‑ke 2:10

Kadeya‑ya ofoya, oyawara, sibaraboneni. Kadeya‑ya owaa, Deoso Ati Amosabote mai one‑ya okamina, Yeso ati‑ya mai nofamakeba awineni. Hibati‑ya Deoso mai‑ya kadikane, Yeso ati‑ya mai nofabonehe. Yeso ati‑ya mai nofamakiya, Deoso tabaro‑ya mai winawahaboneni. Mai ya‑yaini fawateraboneni.

Tito 3:3

Hibati‑ya yama‑ya oda watora, Deoso ati‑ya oda nofara, keyehe‑ya mai hirina, mai ati oda nofa, yama amosara‑ya oda nokotonihe. Yama amosa oda watora, mai oda kako, oda‑ya mai kakohari namaroni.