Homa 1:13 - Deoso-ka Yama Hani

¹³ Dai tabaro‑ya okabone onamaro, mai tabori‑ya yama aninasa ona, dai tabaro‑ya okara. Bara mai dama mai‑ya ohiyarineni, Yeso ati‑ya mai nofabonehe. Makobote dai‑ya ohiyaramakebone onani, Yeso ati‑ya dai one nofamakebonehe.

Homa 1:13 ပူးပေါင်းရင်းမြစ်များ

Yowaho 12:24

Owati amosabote dai mitahi. Ahosi‑nima na noki ai kamara, dodamaterani. Noki ohare wami‑ya ai kama, noki abiya, yana, noki dodamateni.

Yowaho 15:16

Owa‑ya dai kadikara, dai‑ya okadikabisa, dai‑ya oyosemaroni, dai bonabonehe, dai ene amosa fawarabonehe. Yama onofa‑nima yama na dai nofa, yama dai haana‑ya Okobi daanebonane.

Yowaho 4:36

Yamata‑ya mai kakama, mai ihi amosa manakone wadateni. Mai ihi ai one abateraboneni. Yamata noki‑ya mai werena, yamata‑ya mai kakama, mai na, mai nafi ya‑yainaboneni.

Yeso‑ka yo‑yose mai tamine 1:15

Mahi owa‑ya mai dama mai yorotokana, 120 mai toha, mai bai‑ya i‑di Bedoro waamise, mai‑ya hiyare,

Yeso‑ka yo‑yose mai tamine 14:27

Mai kobokanama, mai ati ihi Kirisito‑ka mai‑ya mai yorotokana, Deoso mai‑ya kasome tamine‑ya mai kamina, “Yeso ati‑ya Bara mai nofawahineni, Deoso ene.” Mai ati namoneni.

Yeso‑ka yo‑yose mai tamine 15:12

Mai ati fawana, Baoro, Banabe mai fama, mai‑ya mai hiyara, Bara mai‑ya mai sawe, Deoso ene kite‑ya mai awa, tamine‑ya mai kaminamoneni.

Yeso‑ka yo‑yose mai tamine 19:21

Baoro atibodi yama‑ya kadike, “Yerosare‑ya okaboneni. Yerosare‑ya okomabone, Masedoni‑ka mai ohiyara, Akaiya‑ka mai‑ya ohiyara oniya, Yerosare‑ya okomaboneni. Yerosare kobo·oniya, makobote Homa‑ya okomabone owatibodi ati nineni.” Atibodi ati ne.

Yeso‑ka yo‑yose mai tamine 21:19

Mai nafi‑ya Baoro hiyare, “Bara mai‑ya oka, Deoso tamine okamine, mai‑ya ohiyara, Deoso ene kite damemarine.” Ati ne. Deoso ene kite dame tamine‑ya Baoro kadikemarine.

Yeso‑ka yo‑yose mai tamine 28:14

Boteori‑ya Yeso ati‑ya mai no‑nofa mai one wina, oda‑ya mai himanani, mai tabori‑ya oda winabonehe. Mai tabori‑ya oda amoni 7 kana, makobote Homa‑ya oda tokawahamaroni.

Homa 1:12

Dai tabaro‑ya kobo·oniya, dai okasoma, fara owa dai kasomahari nabone onani. Ai ibi kasoma, ai atibodi kiti ba‑basi teni.

Homa 11:25

“Yodeo mai ati kasira oda‑ta oda amosabisineni.” Dai ati riyahi. Yama‑ya mai watoramete yama dai watowahi. Hibayata Isara·eo‑ka mai one atibodi kita, Deoso ati‑ya mai nofara, Bara dai one‑ya Deoso kadikemata, ati dai nafi hinofeya, yama hawa tohawahaboneni.

Homa 7:1

Oka soho dai amani. Owati dai mitahi. Ai‑ka hidi mai ati‑ya mai kamina, mai ati mai hikanahano hina, mai ati ai tokadabara, ai‑ya mai wee, yama manakone‑ya mai haana, mai dai watoneni. Ai abiya, ai‑ya mai weenamarihi, yama manakone‑ya mai haanamarihi, mai teni.

Korito daidi 1:10

Oka soho dai amani. Owati dai mitahi. Ai‑ka Ayo i‑di Yeso Kirisito ati ene dai ibi weerihi, dai yorotokana dai ibi eberihi, dai ibi nofabisa, Yeso atibodi ati‑nima dai nafi atibodi ati nahi.

Korito daidi 10:1

Ai‑ka idi mai tamine dai watohi. Ai‑ka idi i‑di Mose‑ya mai nafi sawe, neme sabi‑ya Deoso mai‑ya yofikane, faha webote bai‑ya mai berenawaha, Deoso ati ene faha bai‑ya hawi tokoma, hokore‑ya mai yakanameteni.

Korito daidi 12:1

Oka mai dai toha, yama‑ya Deoso‑ka Doni ai‑ya daane tamine dai watabone dai okanawataboneni.

Korito daidi 14:20

Soho, madehe i‑isi na yama towe‑ya mai atibodi kadikaterani. Mai‑nima yama towe‑ya dai kadikariyahi. Madehe yama‑ya watora, mai‑nima dai riyahi. Ai hawa toha, yama‑ya wato‑nima yama dai watobisahi.

Korito daidi 14:26

Oka soho dai amani. Owati dai mitahi. Dai yorotokana, Deoso‑ya dai kahiyarabone, mai nafi dai kasomabone, Deoso‑ka wayoma‑ya dai owa wayome, dai‑ka wayoma mai‑ya kasomiya, sibarini. Deoso dai‑ya kanawato, mai dai kasomabone, mai dai kanawatohi. Mai one ati‑ya dai owa hiyare, hini dai ati‑ya dai owa mai‑ya kaminamakitaseya, mai‑ya kasome, sibarineni. Dai ati hinama mai‑ya kasomiya, dai sibarihi nineni.

Korito daidi 9:2

Yeso‑ka yo‑yose oharamone mai ati na, Yeso‑ka yo‑yose oha, owa dai watobisineni. Yeso Kirisito owa‑ya yose, ati ene dai‑ya ohiyara, owati‑nima dai na, Yeso ati‑ya dai nofawahamaroni. Dai‑ya mai awiya, Yeso Kirisito‑ka yo‑yose oha, owa‑ya mai wataboneni.

Korito yoto‑ke 1:8

Asiya‑ya oda wina, oda tamine dai mitiya, yama dai watowahaboneni. Yama kanaha‑ya ai weyena‑nima ona, okitara, owa abi yanatona, o·ababa amanikani onamaroni.

Korito yoto‑ke 2:14

Deoso kitabote tohe, ai kahiyarahi. Mai tabori dami‑ya oda toka, Satanasi mai yadihinamaro, Deoso ene mai oda seekana, yama mahi amosa ai hisina, ai ya‑yaina, fara‑nima Kirisito ati oda kamine, ati‑ya mai mita, mai ya‑yaiteni.

Karatiya 3:15

Soho, owati dai mitahi. Yama ai kanika, manakone nafi abi awisariya, yama hani‑ya ai oni‑ya ai kanahano, makobote yama hani ati‑nima ai teni. Yama hani kote ai kanahanomakitera, ati kote ai nanahabateni.

Karatiya 6:18

Oka mai dai toha dai tamine‑ya Yeso‑ya ohiyarateni. “Ayo Yeso, Karatiya‑ya mai wi‑wina tiwati‑ya mai no‑nofa mai tikasomahi.” Oteni. Feye amani.

Firibo 1:22

Hasi·oniya, mai dama mai‑ya ohiyaramakeni. Owatibodi yama kobohina owato awirani.

Firibo 4:17

Yinero noko·oni awirini. Dai ene amosa oawa, ya‑yai·oteni. Dai ene dai manakone ba‑basi na‑ya Deoso daanebonane.

Koroso 1:10

Yeso‑ya dai ya‑yainihebone, dai ene amosiyahi. Awa bono ade amosa, bona ihi ai ya‑yaiteni. Fara‑nima dai ene amosa, ai‑ka Ayo i‑di Yeso ya‑yainebonane. Deoso‑ya dai wato ba‑basi naboneni.

Koroso 1:6

Deoso Ati Amosabote ati dai mite, ati dai nofe, mai one‑ya ati dai kaminamaki, dai ene Deoso Ati Amosabote mai one nofamoneni. Awa yana, tonafe, bonowahateni. Fara‑nima Deoso Ati Amosabote toheya mai dami mita, ati mai hinofe Deoso‑ka mai dodamateni.

Tesaronika daidi 2:18

Dai tabaro‑ya oda tokomabone ona, Satanasi ene oda maanaminadineni.

Tesaronika daidi 4:13

Ai one abamaro tamine oda hiyaraboneni, yama dai watobonekaro. Deoso ati‑ya mai no‑nofa mai aba, mai ihi dai atibodi komene bi‑bidi nahi. Deoso tabaro‑ya mai winaboneni. Deoso ati‑ya mai nofara mai aba, mai tabiyo mai hiyawa, mai kitamiya, madi mai tabori‑ya mai sawiya, mai kome kitabisaboneni.

Tesaronika yoto‑ke 2:7

Hibayata Satanasi mai‑ya keyeheteni. Satanasi‑ka owa‑ta hini‑ya kemoteni, Satanasi‑ka tohe mai hiwatorebonaha. Makobote yama nafi hawa tohiya, ene mai hiawawahebonane.

Timoti yoto‑ke 4:17

Ai‑ka Ayo i‑di Yeso ohari owa‑ya sawi, owa habo siitorani. Deoso Ati Amosabote‑ya Bara mai dama mai mitani. Iriyaho mai‑ya owa‑ya mai daanabone mai ati na, Yeso owa‑ya kasome, iriyaho mai‑ya owa‑ya mai daani awirani.