Homa 1:1 - Deoso-ka Yama Hani

¹ Yeso Kirisito‑ka yo‑yose i‑di Baoro ama·oni. Deoso owa‑ya kadike, owa‑ya yosemarine, Deoso Ati Amosabote okaminabonehe.

Homa 1:1 ပူးပေါင်းရင်းမြစ်များ

Maroko 1:14

Yowaho Batita‑ya sodado mai wata, kadeya‑ya mai hinafoyemarine. Fare nowati‑ya Karireya‑kaya Yeso tokomatasemarine. Deoso ati amosabote‑ya Yeso kaminemarine.

Yowaho 12:26

Owa‑ya dai narifabone dai ati na, owa ene‑nima dai ene nahi. Owa‑ya dai narifa osawi‑kaya dai sawebone, Okobi dai‑ya kahiyarebonane.” Yeso ati nemarine.

Yowaho 15:15

Hidi‑ka yo‑yose mai‑ya hini tamine‑ya kaminaterene. Oka no‑nofa dai amani. Okobi ati nafi‑ya dai‑ya okaminateni. Oka yo‑yose dai tohamaro, oka no‑nofa dai tohawahineni.

Yowaho 15:20

Owati‑maro‑ya dai ati kadamowamariyahi. Owa‑ya mai bisinamaro dai‑ya mai bisinamakeboneni. Owati‑ya mai tokadaba dai ati‑ya mai tokadabahareboneni.

Yeso‑ka yo‑yose mai tamine 13:9

I‑di Saoro oni owa Baoro tohe, Deoso‑ka Doni fai‑ya sawi ene, i‑di Erima‑ya kakatome ati yanane,

Yeso‑ka yo‑yose mai tamine 20:24

O·abiya, sibaraboneni. Ai‑ka Ayo Yeso owa‑ya yose‑mari ati‑nima owa ene na ya‑yai·onaboneni. Deoso ene ai manakone aba tamine okaminabone ati nemarine.

Yeso‑ka yo‑yose mai tamine 21:40

“Sibarini. Mai tihiyarahi.” Sodado mai‑ka hidi ati nemarine. Yobe nokobiri‑ya Baoro wai, “Dai ati fawanahi.” Baoro yehe ati ne. Mai ati fawana, mai‑ya hiyaremarine. Ebereo mai ati‑ya mai‑ya hiyaremarine.

Yeso‑ka yo‑yose mai tamine 22:21

Owa‑ya hiyare, ‘Tokoma kanibote tinahi. Yama yaki‑ya tiwa oyoseboneni, Bara mai‑ya.’ Ati ne.” Baoro ati nemarine.

Yeso‑ka yo‑yose mai tamine 22:7

Yama wahi ihi osa, ati omite, ‘Saoro, Saoro, hini yamata ihi owa‑ya bisitiniti?’ Ati nemarine.

Yeso‑ka yo‑yose mai tamine 26:1

“Baoro, tiwati omitaboneni.” Akiriba ati ne. Baoro yehe daatone, ati yanane,

Yeso‑ka yo‑yose mai tamine 26:14

Yama wahi ihi oda nafi sona, ati omite, ebereo oda ati‑nima ati ne, owa‑ya hiyare, ‘Saoro, Saoro, hini yamata‑bone owa‑ya bisitiniti? Tiwa‑ta tiwa komene kitaboneni.’ Ati nemarine.

Yeso‑ka yo‑yose mai tamine 27:23

Yama soki‑ya Deoso‑ka yo‑yose owa fowari‑kaya waane, fare Deoso‑ka ama·oni. Deoso okahiyarateni.

Yeso‑ka yo‑yose mai tamine 9:15

“Tikamakihi. Saoro okadike, oka yama‑ya a‑ani tohawahebonane. Bara mai toha, Bara mai‑ka hidi mai toha, Isara·eo‑ka nodi mai toha na, mai‑ya owa tamine‑ya hiyarebonane.

Homa 1:16

Yeso Kirisito Ati Amosabote okamina, owa habo siitora, owa habo kitabisa, ya‑yai·oneni. Deoso kitabote tohe, ati ene Yeso Kirisito Ati Amosabote‑ya ai nofa, ai‑ya ati somawamatene. Yodeo Yeso tamine‑ya mai miti baha, Bara Yeso tamine‑ya mai mitamakinineni.

Homa 1:5

Kirisito ene Deoso owa‑ya kadikemarine, Yeso‑ka yo‑yose ohawahabonehe. Deoso owa‑ya kasomemarine, Bara mai‑ya Deoso Ati Amosabote okaminabonehe. Yeso ati‑ya mai nofiya, ati mai hikadabeya, Yeso Kirisito‑ya mai kahiyaraboneni.

Homa 1:9

Deoso ati onofi nafe, Yeso Ati Amosabote okamina, dai tamine ohiyara oteni, Deoso‑ya. Dai tamine ohiyaranade‑ya Deoso watone.

Homa 11:13

Bara dai toha, dai‑ya ohiyarabone, Deoso owa‑ya yosemarine. Yeso Ati Amosabote dai‑ya okaminabone ati ne, ati ene ya‑yai·oneni.

Homa 15:16

Owa‑ya Deoso yosemarine, Bara dai‑ya Yeso Ati Amosabote okaminabonehe. Yeso ati dai nofiya, Deoso‑ka Doni dai‑ya hawa toniya, Deoso‑ya dai‑ya daa·oniya, dai‑ya kayafawahebonane.

Homa 15:29

Dai tabaro‑ya kobo·oniya, Kirisito ai‑ya kasomi ba‑basi nebona owatibodi ati nineni.

Homa 16:18

Dai‑ya mai ebekanabone, ai‑ka hidi i‑di Yeso Kirisito mai hiyosera, hiniya mai dai kahiyarabone mai ati amani. Mai ati amosaya, dai‑ya keyehe‑ya mai hirikana, mai ati amosa ihi yama‑ya mai wato bi‑bidi na, mai ati mai hinofateni.

Homa 16:25

Hibati‑ya yama mai hiwatoramete tamine‑ya Yeso owa‑ya kamine, fara dai‑ya okamina, dai‑ya Yeso kasoma, dai atibodi‑ya nakita, dai habo‑ya nakita nebonane.

Korito daidi 1:1

Baoro ama·oni. Deoso ati ene Yeso Kirisito‑ka yo‑yose ama·oni. Ai‑ka soho i‑di Sotenesi owa‑ya sawi, dai‑ka yama hani‑bone oda kanahanoneni.

Korito daidi 9:1

Kirisito‑ka yo‑yose oharamone mai ati na, bare‑ka yo‑yose ohara, Kirisito‑ka yo‑yose ohabisani. Yeso kitame‑ya oawara‑mone mai ati na, Yeso kitame‑ya oawamaroni. Ai‑ka Hidi i‑di Yeso Kirisito ati dai‑ya okamina, owati ihi Yeso ati dai nofawahamaroni.

Korito yoto‑ke 1:1

Yeso‑ka yo‑yose i‑di Baoro ama·oni. Deoso owa‑ya yosemarine, Yeso ati okaminabonehe. Korito‑ya dai wi‑wina, Akaiya nafi‑ya dai wi‑wina dai na, Deoso‑ka dai toha dai‑ka yama hani‑bone i‑di Timoti oda kanahanoneni.

Korito yoto‑ke 11:5

Yeso‑ka yo‑yose amosabote mai‑mone mai ati na, Yeso‑ka yo‑yose ohaharineni. Owa ene‑ya mai ihi fiyakiterani.

Korito yoto‑ke 11:7

Deoso Ati Amosabote ati dai‑ya okamine, oka hiyara manakone haa·ora, owati kasiramone dai ati na awineni. Dai‑ya okasomabone, hiyara manakone haa·oramaroni.

Korito yoto‑ke 12:11

Owa tamine‑mone‑ya mai kamina, mai ati dai nofa, owa ene dai awamaro dai kaminara. Dai ene yama‑ya mai watora mai ati‑nima oka yama hani tohani. Amosabote mai‑mone mai ati na, owa ene‑ya mai ihi fiyakani awira, amosabote ama·ora, Deoso ene‑ta owa ene kitateni.

Korito yoto‑ke 2:12

Torowadi‑ya okamaroni, Yeso Kirisito Ati Amosabote okaminabonehe. Mai tabori‑ya kobo·ona, Deoso ene owati‑ya mai dami mitamaroni.

Korito yoto‑ke 4:5

Oda tamine‑ya oda kaminara. Yeso Kirisito ai‑ka Hidi ati oda kaminabise, Yeso ene dai‑ka yo‑yose oda toha, Yeso ati dai nofahi.

Karatiya 1:1

Baoro ama·oni. Dai‑ka yama hani‑bone okanahanowahaboneni. Yeso Kirisito‑ka yo‑yose ama·oni. Owa‑ya mai one yoseramaroni. Yeso Kirisito‑ta owa‑ya yosemarine. Yeso Kirisito abemari, Deoso hinakitamemari, makobote Yeso Kirisito Badi i‑di Deoso eyehe owa‑ya yosemarine.

Efesiyo 1:1

Baoro ama·oni. Yeso Kirisito‑ka yo‑yose ama·oni. Deoso owa‑ya kadikemarine, Yeso Kirisito‑ka yo‑yose ohawahabonehe. Efesiyo‑ya dai wi‑wina Yeso Kirisito ati dai tokadaba, dai‑ka yama hani‑bone okanahanaboneni.

Efesiyo 1:13

Hibayata Yeso Kirisito tamine dai mita, ati dai nofe, hika dai tohawahineni. Deoso Ati Amosabote dai mitamaro, Yeso ati‑ya dai nofa, Deoso‑ka Doni dai‑ya sawiwahe, Deoso‑ka Doni tamine‑ya Yeso hiyare, “Owati dai nofiya, dai atibodi‑ya Deoso‑ka Doni sawiwahebonane.” Ati nematane.

Efesiyo 4:11

Kirisito yama wa‑wato‑ya daanane, Yeso‑ka ai toha ai‑ya kasomebonaha. Hini hika yo‑yose mai‑bone‑ya ai owa‑ya daa, Deoso ati‑ya mi‑mita mai‑bone‑ya ai owa‑ya daa, Deoso ati‑ya hi‑hiyara mai‑bone‑ya ai owa‑ya daa, Deoso ati‑ya ka‑kanawato mai‑bone‑ya ai owa‑ya daa tene.

Firibo 1:1

I‑di Baoro ama·oni. I‑di Timoti oda fama Yeso Kirisito‑ya na‑narifa oda amani. Firibo‑ya dai wi‑wina Deoso‑ka dai toha, Yeso Kirisito dai‑ya sa‑sawi, Yeso‑ka mai dai kanawato, mai tase dai toha, dai na, oka yama hani dai kadikiyahi.

Firibo 2:11

“Yeso Kirisito ai‑ka Hidi amatini.” Mai dami ati naboneni. Ai‑ka Abi i‑di Deoso‑ya mai kahiyaraboneni.

Koroso 1:1

Baoro ama·oni. Yeso Kirisito‑ka yo‑yose ama·oni. Deoso owa‑ya kadikemari, Yeso Kirisito‑ka yo‑yose ohawahabonehe. Timoti owa‑ya sawi, i‑di Timoti oda fama dai‑ka yama hani‑bone oda kanahanaboneni.

Koroso 1:25

Deoso owa‑ya yose, “Oka mai‑ya tihiyarahi. Mai tabori dami‑ya owa tamine nafi mai‑ya tihiyarahi. Mai‑ya tikasomahi.” Ati nemarine.

Tesaronika daidi 2:2

Firibo‑ya oda winiya, Deoso Ati Amosabote oda kamina, oda‑ya mai bisina, makobote dai tabaro‑ya oda kobona, Deoso Ati Amosabote oda kamina, oda‑ya mai ati bisi, oda‑ya mai wee, mai na, Deoso ene oda habo siitoni awiramaroni.

Tesaronika daidi 2:8

Dai oda nofi nafe, dai‑ya Deoso Ati Amosabote oda kamina, dai ene yama oda anini kita, dai oda kasoma, mai‑ka yama wadara mai oda kasoma, oda namaroni.

Tesaronika daidi 2:9

Oda‑ka soho dai toha, oda ene‑maro‑ya dai ati kadamowamariyahi. Deoso Ati Amosabote dai‑ya oda kamina, dai‑ya oda kanawata, oda na, oda ene‑ya dai awamaroni. Yama oda anina, yama soki‑ya yama oda ani, yama tehe‑ya yama oda ani, oda namaroni. Dai‑ka yinero oda haara, oda‑ka yinero‑ya oda‑ka yamata‑bone oda kanikabisamaroni.

Timoti daidi 1:1

Baoro ama·oni. I‑di Yeso Kirisito‑ka yo‑yose ama·oni. I‑di Deoso owa‑ya kadikemarine, hika ohabonehe. I‑di Yeso Kirisito ai‑ya ka‑kasoma, kamebona ai nimaneni.

Timoti daidi 2:7

Deoso owa‑ya kadike, owa‑ya yosemarine, Yeso tamine ohiyarabonehe. Keyehe‑ya hiri·oterani. Deoso Ati Amosabote okaminabisateni. Bara mai okanawataboneni, Yeso tamine‑ya mai watowahabonehe.

Timoti yoto‑ke 1:11

Fara ihi Deoso ati ene Yeso owa‑ya yose, Bara mai tabori‑ya oka, Deoso Ati Amosabote okamina, mai okanawatoneni.

Tito 1:1

I‑di Baoro ama·oni. Deoso‑ka yama anini‑ya ani·oteni. I‑di Yeso Kirisito owa‑ya yosemari, Deoso mai hikayawamaro, mai okanawataboneni. Deoso ati‑ya mai watabone, Deoso ati‑ya mai tokadaba nabone, mai okanawataboneni.

Ebereo 5:4

Hiniya Deoso‑ka yama‑bone‑ya mai daaterani, Deoso mai‑ya kadikabisatene. Araho‑ya Deoso kadikemata, Araho nowati‑ya mai one‑ya kadikamakitase, Deoso‑ka yama‑bone‑ya mai daanamakebonehe.

Ebereo 7:26

Deoso‑ya ai manakone‑ya Yeso daane ene ai manakone abawahani. Ati amose hinama tosawariterene. Ai‑ta ai tosawari, Yeso‑ta tosawari terene. Neme amosi‑ya Yeso amosi fiyakanane.

Tiyako 1:1

Tiyako ama·oni. Deoso, ai‑ka Ayo Yeso Kirisito ne mai‑ka yama anini‑ya ani·oteni. Isara·eo‑ka nodi dai toha, mai tabori dami‑ya dai wi‑wina dai‑ka yama hani‑bone okanahanaboneni. Dai‑ya owati foyani.

Bedoro daidi 4:17

Hibayata Deoso ati ai no‑nofa ai ene‑ya Deoso kadikeya, ai manakone‑ya daanebonane. Deoso ati‑ya mai nofara, mai ihi Deoso kadikeya, hini yamata‑ya mai kayafiboneti?

Bedoro yoto‑ke 1:1

Simaho Bedoro Yeso Kirisito‑ka yo‑yose ama·oni. Owa‑ya yosemarine, ati okaminebonaha. Deoso, Bidi‑ya fame amosabote mai toha, Deoso ati dai nofa, Yeso Kirisito ati‑ya dai nofahari, dai na, oda‑nima dai na, dai‑ka yama hani‑bone okanahanowahaboneni.

Yoda‑ka yama hani 1:1

Yeso Kirisito‑ya na‑narifa i‑di Yoda ama·oni. Tiyako sori ama·oni. Ai‑ka abi i‑di Deoso dai‑ya nofe, dai‑ya haanemarine, hika dai tohabonehe. Dai‑ka yama hani‑bone okanahanaboneni. Deoso dai‑ya nawade, Yeso Kirisito‑ka dai tohawahaboneni.

Yeso Kirisito ene‑bona 1:1

Yeso Kirisito‑ka yama hani amani, dai awahi. Yama yana kanibote nabone tamine‑ya Yeso‑ya Deoso kamine, Yeso‑ya ai na‑narifa ai watowahabonehe. Deoso‑ka yo‑yose‑ya Yeso yose, yama tamine‑ya owa‑ya kaminane. Yowaho ama·oni. Yeso‑ya na‑narifa ama·oni.

Yeso Kirisito ene‑bona 22:6

Deoso‑ka yo‑yose ati yanane, “Yama tamine tikanahana, fara amosa hinama amani. Keyehe sawi awirani. Deoso ati‑ya mai mi‑mita mai atibodi‑ya ai‑ka hidi Deoso kanawatotene. Hika yo‑yose‑ya yosene, Deoso‑ya dai na‑narifa dai toha dai‑ya yofikanebonaha. Yama yana kanibote naboneni.” Deoso‑ka yo‑yose ati nene.

Yeso Kirisito ene‑bona 22:9

Deoso‑ka yo‑yose owa‑ya hiyare, “Araba! Deoso‑ya dai na‑narifa dai toha, fara dai owa ama·oni, Deoso ati‑ya dai ka‑kamina dai toha, yama hani ati‑ya dai tokadaba dai toha, dai na, fara dai‑nima ona ama·oni. Deoso tikahiyarabisahi.” Deoso‑ka yo‑yose ati nene.