Firimo 1:20 - Deoso-ka Yama Hani

²⁰ I‑di Onesimo tiwa tabaro‑ya koboneya, haa‑nima tiwa ene nabone owatibodi ati nofani. Deoso tiwa‑ya kasome‑nima i‑di Onesimo tikasoma, ya‑yai·onaboneni.

Firimo 1:20 ပူးပေါင်းရင်းမြစ်များ

Korito daidi 16:18

Dai tabaro‑ya mai wi‑wina mai ihi dai ya‑yainamone, ya‑yai·onaharineni. I‑di Tefanasi‑nima mai na, mai ati dai tokadabiyahi, mai ihi amosaro.

Korito yoto‑ke 2:2

Dai‑ya wee·oniya, owa ene dai yawiya, ebeni‑ke ene ya‑yai·obati? Owa‑ya dai ya‑yainihe, dai‑ya owati yawi nofarani.

Korito yoto‑ke 7:13

Oda ya‑yainineni. I‑di Tito‑ya dai kasoma, dai ene i‑di Tito ya‑yaine ene oda ya‑yaini ba‑basi nineni.

Firibo 1:8

Deoso owatibodi ati‑ya wato, Yeso Kirisito dai‑ya nofi nafi‑nima dai onofi nafini. Dai‑ya owatibodi foyani.

Firibo 4:1

Oka soho dai toha dai onofa, dai‑ya owati foya, dai ene ya‑yai·oneni. Dai tamine ohiyarateni. Owati dai kadika, Yeso dai‑ya sawi, Deoso ati dai tokadabiyahi.

Firimo 1:12

I‑di Onesimo tiwa tabaro‑ya oyosemeya, owatibodi foyasa nineni.

Firimo 1:7

Deoso‑ka mai tinofa, mai‑ya tikasomamone, mai atibodi ya‑yainawahamoneni. Soho, tiwa ene ya‑yai·onaharineni.

Ebereo 13:17

Dai ene tamine‑ya dai‑ka webote‑ya Deoso hiyaratene. Dai ene amosa dai‑ka webote‑ya Deoso kahiyara, dai ene amosara dai‑ka webote‑ya Deoso weenebonane. Dai‑ka webote‑ya Deoso weerebona, ati dai nofaho. Dai ene dai‑ka webote‑ya Deoso kahiyare, dai‑ya dai‑ka webote kasome, dai ene amosara, dai‑ka webote‑ya Deoso weene, dai‑ya dai‑ka webote weenamakiya, yama amosaraboneni.

Yowaho daidi 3:17

Tika yamata dama toha, ai one‑ka yamata awira, hika yamata‑ba daatiyahi. Yamata daatira‑mani, tiwa‑ya Deoso nofe‑ya mai awaraboneni.

Yowaho faina 1:4

Deoso ati‑ya oka dao tokadabe tamine omita, owa ya‑yaini nafi, yama one tamine omita, owa ya‑yaini bi‑bidi teni.