Firimo 1:19 - Deoso-ka Yama Hani

¹⁹ Baoro ama·oni. Owa yehe‑ya yama okanahana, i‑di Onesimo‑ka yama manakone bote onahababoneni. Tiwa okasomamaro, tiwati kadamo awirini. Yeso tamine tiwa‑ya okaminamaroni. Yeso tamine tiwa‑ya okaminara‑mani, Yeso ati tinofara neni. Tiwa okasomamaro, yama manakone haa·oteraboneni.

Firimo 1:19 ပူးပေါင်းရင်းမြစ်များ

Homa 16:22

I‑di Tesiyo ama·oni. Baoro owa‑ya hiyare, ati okanahanoneni. Dai onofineni.

Korito daidi 4:15

Yeso Kirisito tamine dai‑ya okamini baha, dai‑ka abi‑nima ona. Owati dai mita, Kirisito ati dai nofamaro, Deoso‑ka dai tohawaha, Yeso Kirisito tamine‑ya 10.000 mai toha dai‑ya mai kanawatomakeba awineni. Fara dai‑ka abi‑nima mai ni awiraboneni.

Korito yoto‑ke 10:1

Baoro ama·oni. Owati dai mitahi. Owati hamara, owati somateni. Hibati‑ya Kirisito ati somemata‑nima owati somateni. Dai‑ya osawiya, owati somabisa, yama hani‑ya owati hamatemone dai owa ati nemona mai ati nineni.

Korito yoto‑ke 3:2

Oda‑ka yama hani dai amani, oda atibodi‑ya Deoso dai‑ya kanahano, dai oda nofa, dai ene‑ya mai one awiya, oda tamine‑ya mai watowahaboneni.

Korito yoto‑ke 9:4

Masedoni‑ya mai wi‑wina owa‑ya mai saweba awineni. Owa‑ya mai sawiya, yinero dai hawa toniriya, oda‑ya mai hahakana, dai‑ya mai hahakana niya, dai habo siitonaba awineni.

Karatiya 5:2

Baoro ama·oni. Owati dai mitahi. Dai sowiri tati ataro‑ya mai wisinakosiya, Deoso dai‑ya ati somawamebona dai atibodi ati na awineni. Dai sowiri tati ataro aba ene Deoso dai‑ya ati somawame‑mana, Yeso Kirisito abe honitabise tohane.

Karatiya 6:11

Owa yehe‑ya yama hani okanahana, fota‑ya dai nafi awahi.

Timoti daidi 1:2

Timoti, tika yama hani‑bone okanahanoneni. Yeso tamine hibati‑ya ohiyare, tamine tinofa, tiwa oka dao onamaroni. Ai‑ka Abi, i‑di Deoso, ai‑ka Ayo i‑di Yeso Kirisito ne, tiwa‑ya mai kasoma, tiwatibodi ati tiwa‑ya somateni.

Tito 1:4

Tito, tika yama hani‑bone okanahana, tikadikiyahi. Oka dao owa amatini. Deoso ati ohiyara, owati‑ya timita, Deoso ati tinofawahamaro, tiwa oka dao onamaroni. Ai‑ka abi i‑di Deoso, ai‑ka ayo i‑di Yeso Kirisito mai na, tiwa‑ya mai kasoma, tiwatibodi tiwa‑ya weerabone, Yeso Kirisito tiwa manakone‑ya nanahabemari, tiwa‑ya kasomebonane.

Firimo 1:18

Tika yama i‑di Onesimo botinemata awane, hibotiya, manakone nafi tiwa‑ya onahababone, fara tikanahanohi, tiwa‑ya manakone daa·onabonehe.