Firimo 1:17 - Deoso-ka Yama Hani

¹⁷ Tika owa ama·oni. Tiwa tabaro‑ya kobo·ona‑mani, ya‑yaitina neni owatibodi ati nineni. Fara‑nima tiwa tabaro‑ya i‑di Onesimo koboneya, ya‑yaitinahi.

Firimo 1:17 ပူးပေါင်းရင်းမြစ်များ

Mateo 10:40

Oka dai toha dai ati‑ya mai nofa owati‑ya mai nofahari, owati‑ya mai nofa owa‑ya yose‑mari ati‑ya mai nofahari teni.

Mateo 18:5

‘Owa ene Yeso ya‑yainebonane.’ Dai atibodi ati na, ewe dai kasomiya, owa‑ya dai kasomaharineni.

Mateo 25:40

Hidi webote mai‑ya hiyarebona, ‘Owati amosa dai mitahi. Oka mai one dai kasoma, owa‑ya dai kasomaharemaroni.’ Ati nebonane.

Yeso‑ka yo‑yose mai tamine 16:15

Ridiya hika mai eyehe habanisa, oda‑ya hiyara, “Yeso ati onofamone dai ati na, oka yobe‑ya dai winawahi.” Ati na. Hika yobe‑ya oda winawahamaroni.

Korito yoto‑ke 8:23

I‑di Tito tamine‑ya dai one mitabone mai ati na, owa‑nima i‑di Tito ne, dai oda kasomabone oda ati teni. I‑di Tito‑ya mai da‑daba, mai tamine‑ya mai mitabone mai ati na, tabora one‑ka Deoso‑ya mai kahiyarabone, mai yorotokana, mai‑ka owa oda‑ya sawibona‑ya mai kadika, tabora one‑ka mai‑ka owa‑ya mai kadika mai na, Kirisito‑ya mai kahiyarabone, fare i‑di Tito‑ya mai sawineni.

Efesiyo 3:6

Yama Deoso ati kobohina mai hiwatoramete, dai‑ya ohiyarawahineni. Yodeo oda toha, Bara dai toha na, Yeso Ati Amosabote ai nofa, fara hinama ai toha, Deoso‑ka ai tohawahineni. Ai nafi‑ya Deoso kasome, yama amosa‑ya ai‑ya ati daane, ati‑nima nebonane. Yeso ati ai no‑nofa, Yeso‑ka ai nafi tohawahani.

Firibo 1:7

“Dai onofa, sibarineni.” Owatibodi ati na, owatibodi dai‑ya foyateni. Deoso Ati Amosabote okamina, owa dai kasoma, kadeya‑ya ofoya, owa‑ya dai kasoma, fara owa manakone kote dai kayafahareboneni.

Timoti daidi 6:2

Deoso ati‑ya tika hidi nofe ene ya‑yaitiyahi. Tika hidi tikakoriyahi. Tika ayo amane. Tika hidi Deoso ati‑ya nofe, yama anini tikitabisahi. Deoso mai‑ya nofatene.

Firimo 1:10

I‑di Onesimo tikanikemona tamine timitiyahi. Oka dao owa‑nima Onesimo nawawahane. Kadeya‑ya owaa, Yeso Kirisito Ati Amosabote‑ya i‑di Onesimo‑ya okamina, Yeso ati‑ya Onesimo nofawahe, fare oka dao tohawahene.

Firimo 1:12

I‑di Onesimo tiwa tabaro‑ya oyosemeya, owatibodi foyasa nineni.

Firimo 1:18

Tika yama i‑di Onesimo botinemata awane, hibotiya, manakone nafi tiwa‑ya onahababone, fara tikanahanohi, tiwa‑ya manakone daa·onabonehe.

Ebereo 3:1

Soho, owati dai mitahi. Hibati‑ya Deoso ai‑ya kadike, Yeso‑ya Deoso yosemari, Deoso‑ka yama‑bone‑ya mai da‑daa mai‑ka hidi webote tohe, tamine dai kadikahi.

Ebereo 3:14

Yeso ati ai tokadabamaro, ati ai tokadabanasa neya, Kirisito‑ka yama ai kayafa, tabaro‑ya ai winawahaboneni.

Tiyako 2:5

Oka soho dai toha, owati dai mitahi. Yama dama‑ya mai kihara Deoso mai‑ya kadikemata, Deoso ati‑ya mai nofi ba‑basi na, mai tabori‑bone‑ya wamane, “Owati‑ya dai no‑nofa owa tabaro‑ya dai winaboneni.” Deoso ati nematane.

Bedoro daidi 5:1

Deoso‑ka mai‑ka webote dai toha, owati dai mitahi. Deoso‑ka mai‑ka webote ohaharineni. Hibati‑ya Kirisito‑ya mai bisina, mai hinahabe, neme‑ya tokome, oawamaroni. Makobote Kirisito amosabote kamataseya, Yeso‑nima ohawahaboneni.

Yowaho daidi 1:3

Yama oda awa, ati oda mitanamaro tamine okanahano, oda wata dai watohareboneni. Ai‑ka Abi i‑di Deoso, Bidi i‑di Yeso Kirisito‑ya fame, ai‑ya mai nofa, mai ai nofa, ai ibi hiyari nofateni.