Firimo 1:10 - Deoso-ka Yama Hani

¹⁰ I‑di Onesimo tikanikemona tamine timitiyahi. Oka dao owa‑nima Onesimo nawawahane. Kadeya‑ya owaa, Yeso Kirisito Ati Amosabote‑ya i‑di Onesimo‑ya okamina, Yeso ati‑ya Onesimo nofawahe, fare oka dao tohawahene.

Firimo 1:10 ပူးပေါင်းရင်းမြစ်များ

Maroko 9:17

Maki owa sawi, ati yanane, “Ayo, oka dao owakamani, tikasomebonaha. Oka dao‑ya madi towe foye, madi towe ene oka dao ati wadamarene.

Homa 12:1

Yodeo dai toha, Bara dai toha, dai na, oka soho dai amani. Owati dai mitahi. Deoso dai‑ya kasomi nafi ene Deoso‑ya dai‑ya dai daanahi. Hibati‑ya Deoso‑ya mai kahiyarabone, Deoso mai‑ya kayafebona, bani‑ya mai nanahaba, Deoso‑ya bani‑ya mai daanameteni. Deoso dai‑ya kayafemari, fara dai‑ta dai abara, dai hasina, Deoso‑ya dai‑ya dai daanahi, Deoso ati‑ya dai tokadababonehe. Haa‑nima dai ene niya, Deoso ya‑yainebonane.

Korito daidi 4:14

Oka madehe‑nima dai na, dai‑ya onofi nafineni. Dai‑ya wee·ora, dai‑ya okanawata, dai‑ka yama hani‑bone okanahanowahineni.

Korito daidi 4:15

Yeso Kirisito tamine dai‑ya okamini baha, dai‑ka abi‑nima ona. Owati dai mita, Kirisito ati dai nofamaro, Deoso‑ka dai tohawaha, Yeso Kirisito tamine‑ya 10.000 mai toha dai‑ya mai kanawatomakeba awineni. Fara dai‑ka abi‑nima mai ni awiraboneni.

Karatiya 4:19

Oka madehe‑nima dai na, dai tamine omita, owatibodi koma, owatibodi komene kitineni. Mai fanawi dori kome yanana, mai dori kome kitateni, dori wadabonehe. Fara‑nima owatibodi komene nineni. Dai ene owatibodi komineni. Yeso Kirisito ati dai nofi nafibona, ene‑nima dai ene nabone, dai tamine ene owatibodi komineni.

Koroso 4:9

Tikiko eyehe oda‑ka soho owa i‑di Onesimo sawibonane. Onesimo dai tabaro‑ya winemari, oda‑ya sawiwahemari, Deoso tamine‑ya kaminebonaha. Oda tamine mai kaminabone, mai tokomini.

Timoti daidi 1:2

Timoti, tika yama hani‑bone okanahanoneni. Yeso tamine hibati‑ya ohiyare, tamine tinofa, tiwa oka dao onamaroni. Ai‑ka Abi, i‑di Deoso, ai‑ka Ayo i‑di Yeso Kirisito ne, tiwa‑ya mai kasoma, tiwatibodi ati tiwa‑ya somateni.

Tito 1:4

Tito, tika yama hani‑bone okanahana, tikadikiyahi. Oka dao owa amatini. Deoso ati ohiyara, owati‑ya timita, Deoso ati tinofawahamaro, tiwa oka dao onamaroni. Ai‑ka abi i‑di Deoso, ai‑ka ayo i‑di Yeso Kirisito mai na, tiwa‑ya mai kasoma, tiwatibodi tiwa‑ya weerabone, Yeso Kirisito tiwa manakone‑ya nanahabemari, tiwa‑ya kasomebonane.

Firimo 1:11

Hibati‑ya tiwa tabaro‑ya i‑di Onesimo wine ene amosaremona, hibayata Yeso ati‑ya Onesimo nofawahe ene amosawahene. Owa‑ya kasomi‑nima tiwa‑ya kasomaharibonane. Ene tiawawahebonane.

Firimo 1:13

Yeso ati okamine ene owa‑ya mai yaditona, owa‑ya i‑di Onesimo kasomane. Owa‑ya i‑di Onesimo ite‑mana, owa‑ya kasomatase nane. “Firimo, ahiyata‑ya tiwina‑mani, owa‑ya tikasoma neni.” Owatibodi ati nineni. Yama yaki‑ya tiwina ihi, owa‑ya tikasomarani. Tiwati omita‑mani, tiwati amosiya, i‑di Onesimo owa‑ya kasomamataseya, sibare nane.

Yowaho faina 1:4

Deoso ati‑ya oka dao tokadabe tamine omita, owa ya‑yaini nafi, yama one tamine omita, owa ya‑yaini bi‑bidi teni.