Firibo 4:8 - Deoso-ka Yama Hani

⁸ Oka soho dai toha, owati dai mitahi. Owati fawani yanatoni. Yama amosa toha, mai ati amosa, mai ihi amosa toha na, mai tamine‑ya dai atibodi kadikabisahi. Dai‑ya mai kasoma, mai one‑ya mai kasoma na, mai ihi amosa, mai‑ya mai atibodi kahiyara, mai ihi amosi ba‑basi na, mai tamine dai kadika nahi.

Firibo 4:8 ပူးပေါင်းရင်းမြစ်များ

Mateo 22:16

Mai‑ka mai da‑daba mai‑ya mai yose, i‑di Erodi‑ka mai one mai‑ya mai yose, Yeso‑ya mai hiyara, “Ayo, keyehe hirititerani. Deoso ati tikamine amosatene. Webote mai‑ya tinayofinara, fara yokana tikaminateni.

Maroko 6:20

I‑di Erodi habo siitone, “Yowaho Batita ene amose, Deoso‑ya na‑narifa amane.” I‑di Erodi atibodi ati ne, fai‑ya nayofine, fai‑ya kasomematane. I‑di Yowaho ati miti‑ya i‑di Erodi nofe, fai ati‑ya tokadabare, ati hiwatoremarine.

Roka 16:15

Mai‑ya Yeso hiyare, “Dai ene amosamone dai ati na, dai ati‑ya mai dami nofa, dai atibodi ati‑ya Deoso watobise, dai atibodi ati‑ya Deoso nofarene.

Roka 2:25

Simiyaho tamine timitahi. Yerosare‑ya i‑di Simiyaho sawi, ene amose, Deoso ati‑ya nofematane. Deoso‑ka Ka‑kadika Isara·eo‑ka nodi mai‑ya kasomatebona yama hani ati na, fara‑ya Simiyaho nimanematane. Deoso‑ka Doni Simiyaho‑ya sawimatane.

Roka 23:50

Yose Yodeo mai‑ka hidi bidi owa tohe, ene amose, Deoso ati‑ya nofematane.

Yowaho 7:18

Hini mai ati ihi yama‑ya mai kanawata, ‘Amosabote ama·oni. Owa dai nofahi.’ Mai ati teni. Hidi ati‑ya kamine, ‘Owa‑ya yose dai nofabisahi.’ Ati ne, keyehe‑ya hirire, ati amose hinama toha tene.

Yeso‑ka yo‑yose mai tamine 10:22

“Sodado mai‑ka hidi i‑di Koneriyo oda‑ya yosene. I‑di Koneriyo amosabote amane. Deoso ati‑ya nofe, Yodeo mai nafi hinofatene. Mahi owa‑ya Deoso‑ka yo‑yose‑ya awe, tiwa‑ya haanebona, tiwati‑ya mitebona Deoso‑ka yo‑yose ati nemonane.” Mai ati na.

Yeso‑ka yo‑yose mai tamine 22:12

Damaso‑ya Ananiya wine, amose, Mose ati‑nima ne, Yodeo mai nafi hinofatene.

Yeso‑ka yo‑yose mai tamine 6:3

Oda‑ka soho dai toha, maki mai 7 kana mai dai kadikahi. Yama‑ya mai wa‑wato mai toha, Deoso‑ka Doni mai‑ya sawi mai toha na, mai dai kadikiya, oda ati ene yamata‑ya mai daanaboneni.

Homa 13:13

Yama tehe‑ka ai toha, ai ene amosa, Yeso koboni hawa tohe‑nima ai ene nahi. Mai ai weerihi, ai yawarihi, kawi ihi ai towe toharihi, ai‑ka yibote mai awira mai‑ya ai dakorarihi, mai‑ka yibote mai ai aharihi, ai‑ka yibote‑ta ai famabisa, ai nahi.

Homa 13:3

Dai ene amosa, dai‑ya kofeno‑ka mai nofateni. Kofeno‑ka mai ihi dai habo siitorabone dai ati na, dai ene amosahi. Dai ene amosara, dai habo siitobisahi. Dai tamine‑ya kofeno‑ka mai mitiya, dai‑ya mai wataboneni. Dai ene amosiya, dai‑ya kofeno‑ka mai kahiyaraboneni.

Homa 14:18

Fara haa‑nima ai toha, Kirisito‑ka yama anini‑ya ai anina, Deoso ai‑ya kayafebona, ai‑ya mai one nofaboneni.

Homa 2:29

Yodeo yokana ai tohabone, ai sowiri tati ataro wisina ene tohaterani. Deoso‑ka Doni ai atibodi‑ya sawi, ai atibodi‑ya namose ene Deoso‑ka ai toha, Yodeo yokana ai toha teni. Ai atibodi‑ya mai one awara, Deoso‑ta ai atibodi‑ya awe, ai atibodi amosa ene Deoso ya‑yaitene.

Korito daidi 4:5

Dai owa ene‑ya dai kadikariyahi. Yeso kamataseya, ai nafi ai ene‑ya kadikebonane. Yama ai kemamaro‑ya kadika, ai atibodi ati‑ya kadika neya, ai manakone‑ya Deoso daanebonane.

Korito yoto‑ke 13:7

“Abi Deoso, Korito‑ya mai wi‑wina mai tikasomahi, mai ihi amosabonehe.” Oteni. Dai ene amosa, oda‑ya ya‑yainihe, oda‑ya dai nofara, sibarini. Dai ene oda ya‑yainaboneni.

Korito yoto‑ke 6:8

Oda‑ya mai one kahiyara, oda‑ya mai one tai, oda tamine‑ya mai kamina, mai one ati amosa, mai one ati amosarihi na, Deoso‑ka oda toharamone mai one ati na, Deoso‑ka oda tohani.

Korito yoto‑ke 8:18

I‑di Tito tokomeya, oda owa oda yoseboneni, I‑di Tito‑ya sawibonaha. Oda owa Deoso ati‑ya kamine, ati‑ya Deoso‑ka mai dami nofani.

Korito yoto‑ke 8:21

Ai‑ka Hidi i‑di Yeso ai ene amosa‑ya awa, mai one hiawa hinabone oda ati nofani.

Karatiya 5:22

Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.

Efesiyo 4:25

Dai one‑ya dai hiyara, dai ati amosahi. Dai‑nima dai one na, mai‑ya keyehe‑ya dai hirikariyahi.

Efesiyo 5:9

Deoso ene yama wahi‑ya dai wi‑wina dai ene amosa, yama amosa‑ya dai atibodi kobona, keyehe‑ya dai hiririhi, dai teni.

Efesiyo 6:14

Deoso‑ka bora kita dai sakoni hawa toha, dai nahohi. Sitaraho kite‑ya sodado mai sakoteni, mai dosi‑ya kasomebonaha. Fare Deoso ati yokana dai wata, dai‑ya kasomebona, Satanasi‑ka mai ati dai nofaraboneni. Bora neme kita‑ya sodado mai sakoteni, mai baki‑ya kasomabonehe. Fare Yeso ati‑ya dai tokadaba, dai atibodi‑ya kasomaboneni.

Firibo 3:1

Oka yama hani hawa tohi yananineni. Ai‑ka Ayo Yeso ati dai no‑nofa dai ya‑yainaboneni. Hibati‑ya mai tamine okanahanamaro, mai tamine okanahanomatasabone, yama dai watowahaboneni.

Koroso 4:5

Deoso ati‑ya mai nofara mai‑ya dai hiyarahi. Kirisito tamine mai‑ya dai hiyarahi. Dai ene‑ya mai awiya, Kirisito tamine‑ya mai nofawahaba awineni. Dai ene amosiya, Deoso ati‑ya mai nofawahaba awineni.

Tesaronika daidi 4:12

Yeso ati‑ya mai nofara dai‑ka yama anini‑ya mai awa, dai ene amosa‑ya mai watowahaboneni. Oda ati‑nima dai niya, dai‑ka yama anini kita, dai‑ka yamata tosiyoteraboneni. Hasinaboneni.

Timoti daidi 2:2

Yara mai‑ka hidi tamine dai hiyara, dai‑ka hidi tamine dai hiyara nahi. Ai‑ka hidi bofe‑ka mai tamine ai hiyariya, ai‑ka hidi ai‑ya mai weeni awiraboneni. Ai ene amosaboneni. Deoso ati‑nima ai naboneni.

Timoti daidi 3:11

Deoso‑ka mai‑ya mai kasomabone, mai‑ka yobote mai ihi amosahari nahi. Mai one tamine‑mone‑ya keyehe‑ya mai hiririhi, kawi‑ya mai nokotonirihi, mai na, hini mai‑ka yama‑ya mai ani, mai one‑ya mai kasoma, mai na, mai sibarineni.

Timoti daidi 3:4

Ati hika madehe hinofa, ati fadi hinofa nahi.

Timoti daidi 4:12

Timoti, Yeso ati‑nima tiyahi. Yeso ati‑nima tiwati nahi. Yeso mai‑ya nofemari‑nima mai‑ya tinofa, tiwa‑ya mai kaka, tiwati yawariyahi. Deoso‑ta owa‑ya nofe, yama sibarabone tiwatibodi ati nahi. Mai fanawi nokotinirihi tinahi. Tiwa ene‑ya mai awaboneni. Yetene tiha, tiwa‑ya mai weeraboneni. Tiwa ene‑nima mai ihi nawahaba awineni.

Timoti daidi 5:10

Fana madehe‑ya na‑nayana, mai one kake mai‑ya natafa, mai wini‑bone‑ka mai‑ka yobe‑bona‑ya yofikana, mai kiyana mai‑ya kasoma namaroni. Timoti, haa‑nima mai na, mai‑ya tikasomanadiyahi.

Timoti daidi 5:2

Ami tihiyari‑nima mai fanawi bote tihiyarahi. Asima tihiyari‑nima atona mai tihiyarahi. Mai nokotiniriyahi.

Tito 1:8

Mai one kake, fai tabaro‑ya mai wina, mai ihi amosa, mai‑ya nofatene. Ene mai one hiawe, ene mai hinofatene. Yama amosa‑ya anitene. Deoso ati‑nima tene. “Deoso ati‑nima oteboneni.” Atibodi ati tene.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Tito 2:2

Maki bote mai tikanawatohi. Mai ihi amosa, mai ati amosawama, kawi ihi mai towe toharihi na, Deoso ati‑ya mai nofa, mai one‑ya mai nofa nabone, mai‑ya tikanawatohi. Mai ihi amosa, mai ihi‑ya mai one awiya, fara mai ihi amosa, mai ihi‑nima mai one ihi naboneni.

Tito 2:7

Tito, owati‑nima tiyahi. Tiwa ene amosa‑ya mai awiya, tiwa ene‑nima mai ihi naba awineni. Mai‑ya tikanawatoya, tiwa ene amosa tiwatibodi ati‑nima tiwati tohahi.

Tito 3:14

Mai one yama‑ya kihara, mai‑ka yama‑ba mai daanahi. Yama‑ya mai da‑daa mai ihi sibabisaraboneni.

Ebereo 11:2

Fara haa‑nima hibati‑ka mai atibodi ati na, Deoso mai‑ya kahiyarematane.

Ebereo 13:18

Oda tamine dai hiyarahi, Deoso‑ya. Oda atibodi amosa oda watoneni. Oda ene amosabone oda nofateni.

Tiyako 1:27

Dai ene‑ya ai‑ka Abi i‑di Deoso nofebona dai ati na, haa‑nima dai ene nahi. Mai‑ka abi wadare mai dai kasoma, mai‑ka yibote aba, mai dai kasoma dai nahi. Deoso ati‑ya mai nofara mai ihi‑nima dai ene riyahi.

Tiyako 3:17

Deoso ene yama‑ya mai wato yokana toha, mai ihi amosa mai ibi weerihi, mai ati kitarihi, mai one ati‑ya mai mita, mai one tosaware, mai‑ya mai ati somawamateni. Mai ihi amosa dama, mai dami‑ya mai nofa, mai atibodi ati‑nima mai ihi teni.

Bedoro daidi 1:22

Deoso ati dai tokadabe, dai atibodi amosa, dai ene amosawamateni. Deoso‑ka dai toha, Deoso‑ka mai dai nofaboneni. Dai ibi nofi nafiyahi.

Bedoro daidi 2:12

Bara mai‑ya dai sawiya, dai ene amosahi. Dai ene towe‑mone mai ati na, dai ene‑ya mai awiya, dai ene amosa‑ya mai atibodi watowaha, Yeso kamataseya, dai ene Deoso‑ya mai kahiyaraboneni.

Bedoro daidi 4:8

Dai ibi nofi nafihi. Ai ibi nofa, ai ene Deoso ya‑yainebonane. Mai ihi amosara mai dai nofa, mai ihi dai kadikara, mai dai nofaboneni.

Bedoro yoto‑ke 3:1

Oka dai toha, hibati‑ya dai‑ka yama hani‑bone okanahanamaro, dai‑ka yama hani‑bone okanahanomatasineni. Oka yama hani kafama dai kadikahi, yama amosa‑ya dai atibodi kadikabonehe.

Yowaho daidi 3:18

Owati dai mitahi. Mai‑ya ai ati nofa, Hiniya mai‑ya ai ati nofariyahi. Mai ai nofi yokana toha, mai ai kasomahi.

Yowaho daidi 3:3

Yeso‑nima ai nabone ai atibodi ati na, ai ene ai namosateni, Yeso ene amose‑nima ai ene amosabonehe.

Yowaho daidi 4:1

Soho, owati dai mitahi. Deoso‑ka yo‑yose mai ati‑mone mai ati na, mai ati dai kadika, mai ati dai wataboneni. Deoso ati yokana tohe dai wato, Deoso ati tohare dai wato, dai naboneni. Deoso‑ka yo‑yose ati‑mone mai dami ati na, ati bare‑ya mai kaminabisineni.