Firibo 4:5 - Deoso-ka Yama Hani

⁵ Dai‑ya mai weena, dai ati yawariyahi. Yeso kama kanibote nebonane.

Firibo 4:5 ပူးပေါင်းရင်းမြစ်များ

Mateo 6:25

“Yama kaba wadarihi, faha fa‑fawa wadarihi, dai‑ka bora one wadarihi niya, dai habo siitoriyahi. Mai tafe toha, mai‑ka bora toha na mai‑ya kasomi nafira, mai one ohi, mai one aba nineni.

Mateo 6:34

‘Mahi owa‑ya hini yamata oda kabibati? Oda‑ka bora abiya, hini yamata oda sakonibati?’ Dai atibodi ati riyahi. Dai habo siitoriyahi. Mahi owa‑ka yama dai kayawariyahi. Mahi owa‑ya yama kobonibisaboneni. Hibayata‑ka yama towe toha, mahi owa‑ka yama hini tohamatahi.” Yeso ati nemarine.

Roka 21:34

“Dai noko wadahi. Dai siwariyahi. Kawi dai fawariyahi. Yinero dai nokotoniriyahi. Yama dama dai nokoniya, yama yanani kanibote na ihi yama we‑wee‑kaya dai saweboneni.

Korito daidi 16:22

Ai‑ka Hidi ati‑ya mai nofara, Deoso mai‑ya nakomebonane. “Yeso, oda‑ka Hidi amatini. Kama kanibote tinahi.” Oteni.

Korito daidi 6:7

Bara mai‑ya dai owa ene tamine dai kamina, dai ene amosarani. Tiwa‑ya dai owa ene amosare, tiwati somawamabisahi. Tika yama‑ya dai owa boti, tiwati yanariyahi.

Korito daidi 8:13

Oka soho mai‑ya osawe, mai taratokarabone, mai noki‑ya bani okobaterabone oteni.

Korito daidi 9:25

Mai ibi kanakanabone mahi‑nima mai kanateni, mai kitabonehe. Mai atibodi yama‑ya dika, “Hini yamata‑nima obati, owa kanani kitabonehe?” Mai atibodi ati teni. Mai ibi kanakana mai koboni dai toha, mai tati‑ya awa afe dasini itareboneni. Yama dasini aba kanibote teni. Yama Deoso ai‑ya daahinabone abateraboneni.

Korito yoto‑ke 10:1

Baoro ama·oni. Owati dai mitahi. Owati hamara, owati somateni. Hibati‑ya Kirisito ati somemata‑nima owati somateni. Dai‑ya osawiya, owati somabisa, yama hani‑ya owati hamatemone dai owa ati nemona mai ati nineni.

Tesaronika yoto‑ke 2:2

Ai‑ka Hidi koboni kemorebonane. “Yeso kobonane.” Mai one ati na, Mai ati dai nofariyahi. “‘Yeso kobonamane.’ Deoso‑ka Doni ati nane.” Mai ati na, mai ati dai nofariyahi. “‘Yeso kobonamane.’ I‑di Baoro‑ka yama hani ati nane.” Mai ati niya, mai ati dai nofariyahi. Dai habo siitoriyahi.

Tito 3:2

Tito, mai tikanawatoya, eya tinahi. “Dai ene amosabone, dai one tamine‑ya keyehe‑ya dai hiririhi, dai ibi weerihi na, dai ibi nofahi, dai nafi.” Tinahi.

Ebereo 10:25

Deoso tamine‑ya ai hiyarabone, mai yorotokana, mai‑ya ai daba, ai ibi kasoma, mai ai ya‑yainihe, mai one yama yorotokani‑ya mai nofara, mai‑nima dai riyahi. Yeso koboni nahore ai yorotokanahi.

Ebereo 10:37

Yeso kamebona ati ne, dai nimanaho, kamebonane. Fawaterebonane.

Bedoro daidi 1:11

Kirisito‑ka Doni mai‑ya sawi, Deoso ati‑ya mai kanahano, “Kirisito abebona‑ya makobote kitameya, amosabote tohebonane.” Kirisito‑ka Doni ati ene mai kanahanameteni. “Ka! Hini yamata ihi Kirisito ababonati? Eme amoni ne‑ya ababonati?” Mai atibodi ati nineni. Yama‑ya mai watora, mai atibodi yama‑ya kadikineni.

Bedoro daidi 4:7

Yama nafi tosiyo kanibote nabone, dai atibodi amosabone dai nokotonihi, dai ati‑ya Deoso mitebonaha.

Yeso Kirisito ene‑bona 22:20

Yama hani hidi ati, “Hehe, kobo kanibote onaboneni.” Ati nene. Ayo Yeso, fara amani. Kobo kanibote tinahi.

Yeso Kirisito ene‑bona 22:7

Ati yanane, “Kiki, kobo kanibote onaboneni. Yama hani ati‑ya mai tokadabiya, mai ya‑yainibisaboneni.” Ati nene.