Firibo 4:3 - Deoso-ka Yama Hani

³ Oka owa amatini. Mai fanawi tikasomahi, mai ibi nofabonehe. Yeso ati okamina, owa‑ya mai daba, yama‑ya mai anini kitamaroni. I‑di Keremete mai nafi owa‑ya mai daba, neme‑ka yama hani‑ya mai oni‑ya Deoso kanahanomatane. Mai abaterabone, Deoso tabaro‑ya mai winabisaboneni.

Firibo 4:3 ပူးပေါင်းရင်းမြစ်များ

Roka 10:20

Dai ati ene madi towe mai kananamone, dai ya‑yaini nafiriyahi. Neme‑ya dai oni‑ya Deoso kanahano ene dai ya‑yaini nafibisahi.” Yeso ati nematane.

Homa 12:1

Yodeo dai toha, Bara dai toha, dai na, oka soho dai amani. Owati dai mitahi. Deoso dai‑ya kasomi nafi ene Deoso‑ya dai‑ya dai daanahi. Hibati‑ya Deoso‑ya mai kahiyarabone, Deoso mai‑ya kayafebona, bani‑ya mai nanahaba, Deoso‑ya bani‑ya mai daanameteni. Deoso dai‑ya kayafemari, fara dai‑ta dai abara, dai hasina, Deoso‑ya dai‑ya dai daanahi, Deoso ati‑ya dai tokadababonehe. Haa‑nima dai ene niya, Deoso ya‑yainebonane.

Homa 16:12

Ai‑ka Ayo i‑di Yeso‑ka yama‑ya mai anina, i‑di Tirifena, hika kasima i‑di Tirifosa‑ya fama i‑di Bereside ohari na, ai‑ka Ayo‑ka yama‑ya mai anini kita, fara mai onofa, mai dai hiyara, dai nahi.

Homa 16:9

I‑di Oribano Yeso Kirisito‑ka yama‑ya anine, dai hiyara, i‑di Esitaki onofe, dai hiyara dai nahi.

Firibo 1:12

Oka soho dai toha, yama‑ya dai watowahabone, dai‑ka yama hani‑bone okanahanaboneni. Kadeya‑ya owa‑ya mai nawaa, mai ihi Kirisito tamine‑ya mai one mitawahineni. Owa‑ya mai nawaara‑mani, Yeso tamine‑ya sodado mai mitara neni. Owa‑ya mai nawaa, Yeso Ati Amosabote‑ya mai‑ya okaminineni.

Firibo 1:16

“Baoro, owati tikaminaboneni.” Deoso ati nemarine. Kadeya‑ya owaa, Deoso ati okaminanasa onabone, owa‑ya mai wato, owa‑ya mai nofa, owa‑ya mai kasomabone, Deoso Ati Amosabote‑ya mai kaminaharineni.

Firibo 1:27

Dai ene‑ya mai awa, Kirisito ene‑nima dai ene na‑ya mai awiyahi. Dai tabaro‑ya kobo·ona, kobo·orihi ona, dai tamine omitaboneni. Dai ibi nofiya, Kirisito‑ka yama ani‑ya dai nafi aniniya, mai one Deoso ati‑ya mai nofaboneni.

Firibo 1:5

Deoso ati ohiyara, owa‑ya dai kasomateni. Hibati‑ya Deoso Ati Amosabote dai miti baha, owa‑ya dai kasomamaro, owa‑ya dai kasomanasa teni. Dai ene ya‑yai·oneni.

Firibo 1:7

“Dai onofa, sibarineni.” Owatibodi ati na, owatibodi dai‑ya foyateni. Deoso Ati Amosabote okamina, owa dai kasoma, kadeya‑ya ofoya, owa‑ya dai kasoma, fara owa manakone kote dai kayafahareboneni.

Firibo 4:2

Efodiya, i‑di Sitiki, dai fama owati dai mitahi. Yeso ati dai nofa, dai ibi nofa, dai ibi weeriyahi.

Koroso 1:7

I‑di Ebafarasi oda yosemaroni, dai‑ya Deoso Ati Amosabote‑ya kaminebonaha. Oda ene‑nima ene nane. Yeso Kirisito ati‑ya tokadabe, Yeso ati‑ya kaminatene.

Yeso Kirisito ene‑bona 13:8

Bofe‑ya mai wi‑wina Bani Hame‑ya mai nafi kahiyarabone, fare Kaneiro Bidi‑ka yama hani‑ya mai oni sawi awiriya, Bani Hame‑ya mai nafi kahiyaraboneni. Hibati‑ya wami awisari‑ya Kaneiro Bidi ati‑ya mai to‑tokadababone mai oni‑ya Deoso wato, mai oni‑ya kanahanomatamonane. Kaneiro Bidi abemari, kitamemarine.

Yeso Kirisito ene‑bona 17:8

Bani Hame tiwe, hibati‑ya tohemari, hibayata wadamare, makobote tohamatasebonane. Hodi yaba‑kaya kimisamebonane. Makobote Deoso weehineya, komene fawarebonane. Hibati‑ya wami awisari‑ya mai abarabone‑ka yama hani‑ya mai oni‑ya Deoso kanahanomatamonane. Mai oni sawira mai atibodi yama‑ya kadiki kitabone, ‘Ka! Bani Hame ma‑mawane kitane.’ Mai atibodi ati naboneni. Bani Hame ma‑mawane hibati‑ya tohemari, wadamare, kamatase‑ya mai hiaweya, mai atibodi yama‑ya kadiki kitaboneni.

Yeso Kirisito ene‑bona 20:12

Faha webote‑ya mai abamete mai kitama mai toha; mai tame‑ka mai kitama mai toha, mai na; mai korimari wiye‑ya mai toha, mai nafi kitama, webote mai toha, webote mai tohi awira mai toha, mai na, mai oawani. Hidi Webote‑ka kadera kawi‑ya mai nahani. Deoso‑ka yama hani dama‑ya hika yo‑yose mai seena, makobote yama hani kare‑ya seekanamaki, fara ai abarabone‑ka yama hani amani. Mai ihi‑nima mai ihi manakone‑ya haanene. Fara yama hani dama‑ya mai ihi tamine sawi nani. Hini mai ihi‑nima yama na‑ya daanene.

Yeso Kirisito ene‑bona 20:15

Ai abarabone‑ka yama hani‑ya mai oni sawira, wara hirini‑kaya mai‑ya weretoniwahene.

Yeso Kirisito ene‑bona 21:27

Yama amosara toha, mai ihi towe mai toha, keyehe‑ya mai hi‑hiri mai toha, mai na, sidadi‑ya mai tokiyomateraboneni. Kaneiro Bidi‑ka yama hani‑ya mai oni sawe, sidadi‑ya mai tokiyomabisaboneni. Kaneiro Bidi‑ka yama hani ai abarabone‑ka yama hani amani.

Yeso Kirisito ene‑bona 3:5

Hawi bai‑ya dai maanamara, dai amosineni. Bora sawa‑ya dai sakonabone, Deoso tabaro‑ya dai sawebone, dai abarabone‑ka yama hani‑ya dai oni kawaneni. Dai oni abaraboneni. ‘Oka mai amani.’ Onaboneni. Okobi, Okobi‑ka yo‑yose mai toha, mai na, mai‑ya okaminaboneni.