Firibo 4:14 - Deoso-ka Yama Hani

¹⁴ Owa‑ya dai kasoma, yinero‑ya dai daana, dai ene amosini.

Firibo 4:14 ပူးပေါင်းရင်းမြစ်များ

Mateo 25:21

‘Tiwa ene amosa, owati‑nima tiwa ene na, hibati‑ya tika yama bide daa·onamaro, owati‑nima tina, tika yama dama‑ba daa·onaboneni. Ya‑yai·ona, ya‑yaitinaharihi.’ Yinero hidi ati nane.

Homa 15:27

Yinero‑ya Bara mai daana, mai ya‑yainineni. Hibati‑ya Deoso ati‑ya Yodeo mai miti baha, makobote Yodeo mai ihi Deoso ati‑ya Bara mai mitamake, Yodeo mai‑ya Bara mai kasomamake, mai ihi amosineni.

Karatiya 6:6

Deoso Ati Amosabote‑ya dai‑ya mai kanawata, yama dai kiha‑ya mai‑ya dai kasomahi.

Firibo 1:7

“Dai onofa, sibarineni.” Owatibodi ati na, owatibodi dai‑ya foyateni. Deoso Ati Amosabote okamina, owa dai kasoma, kadeya‑ya ofoya, owa‑ya dai kasoma, fara owa manakone kote dai kayafahareboneni.

Firibo 4:18

Oka yinero‑bona dai daaneya, i‑di Bafodito kakame ene oka yama damawahineni. Deoso‑ka yama‑bone‑ya ai daana, Deoso ya‑yaitene. Deoso‑ka yinero‑bona‑ya owa‑ya dai daana, dai ene Deoso ya‑yainebonane.

Timoti daidi 6:18

“Dai ene amosa damahi. Mai‑ka yamata wadara, mai‑ka yamata dai daa, mai‑ka bora wadara bora dai daa dai nahi.” Tinahi.

Ebereo 10:33

Dai one‑ya mai wee, dai one‑ya mai kosi na, dai one‑ya dai kasomamaroni.

Ebereo 10:34

Kadeya‑ya dai one foya, mai‑ya dai kasoma, mai dai yobikanamaroni. Dai‑ka yama mai kayafa, dai yawara, “Oka yama mai kayafa, sibaraboneni. Neme‑ya oka yama amosabote hasina, mai kayafateraboneni.” Dai atibodi ati namaroni.

Ebereo 13:16

Mai dai kasoma, mai kasomi dai fawariyahi. Dai‑ka yama mai‑ya dai ebekana, yama‑ya Deoso‑ya dai daana‑nima dai na, dai ene Deoso ya‑yainebonane.

Yeso Kirisito ene‑bona 1:9

Yowaho ama·oni. Dai‑ka owa ama·oni. Deoso‑ya mai nofara ai‑ya mai weena, Yeso‑ya ai na‑narifa Deoso‑ka hawi bai‑ya ai maakiterani. Deoso ati onofa, i‑di Yeso tamine okamina ihi owa‑ya mai wata, faha webote bai‑ya wami itakosa, oni Batomosi toha‑ya owa‑ya mai nawineni.