Firibo 4:1 - Deoso-ka Yama Hani

¹ Oka soho dai toha dai onofa, dai‑ya owati foya, dai ene ya‑yai·oneni. Dai tamine ohiyarateni. Owati dai kadika, Yeso dai‑ya sawi, Deoso ati dai tokadabiyahi.

Firibo 4:1 ပူးပေါင်းရင်းမြစ်များ

Mateo 10:22

Owa dai nofa dai‑ya mai nafi kakaboneni. Owa oni dai saatonakosi awiriya, dai sibaraboneni.

Yowaho 8:31

Yeso ati‑ya oda‑ka hidi mai one nofa mai‑ya hiyare, “Owati dai tokadaba, oka da‑daba yokana dai amani.

Yeso‑ka yo‑yose mai tamine 11:23

Atioki‑ya kobone, mai‑ya awe, ya‑yaine, “Deoso mai‑ya kasomane.” Atibodi ati ne. “Ai‑ka Ayo i‑di Yeso ati‑nima dai nahi, dai nafi.” Ati nemonane.

Yeso‑ka yo‑yose mai tamine 14:22

Baoro mai ati ihi Yeso ati‑ya mai nofa mai atibodi kitamamoneni. Mai‑ya hiyare, “Dai‑ya mai bisina, Yeso ati‑ya dai nofasa nahi, Deoso hawine‑ya ai sawe, ai‑ya mai bisina, ai habo siitoriyahi.” Mai ati namoneni.

Yeso‑ka yo‑yose mai tamine 2:42

Mahi‑nima mai yorotokana, mai‑ya Bedoro mai kanawata, Deoso‑ya mai hiyara, mai tafateni.

Homa 2:7

Deoso ati‑ya mai no‑nofa, Deoso ati‑ya mai tokadaba, mai ihi amosa, Deoso tabaro‑ya mai nokotoni fawara, mai manakone amosa‑ya Deoso daanebonane. Deoso tabaro amosabote‑ya mai winiya, mai ya‑yainaboneni. Deoso ene mai abamateraboneni.

Korito daidi 15:58

Oka dai amani, owati dai mitahi. Dai eme kitahi. Ai‑ka Hidi ati‑nima dai nabone, dai‑ya mai we‑wee, mai ati dai nokotoniriyahi. Ai‑ka Hidi ati‑nima dai niya, dai manakone amosa wadaboneni.

Korito daidi 16:13

Dai noko wadahi. Yeso tamine‑ya keyehe‑ya mai hirinabone, Yeso ati‑ya dai nofahi. Dai‑ya mai we‑wee, dai eme kita, dai habo siitoriyahi.

Korito yoto‑ke 1:14

Hibayata oda‑ya dai wato bide toha, oda‑ya dai nofa, oda ene dai ya‑yaina, fara‑nima dai oda nofa, dai ene oda ya‑yainahare, ai‑ka ayo i‑di Yeso kamataseya, ai ibi tamine kaminaboneni.

Karatiya 5:1

Yeso Kirisito dai manakone‑ya nanahabemari, ati dai nofe, Deoso‑ka dai toha, dai noko wadahi. Dai‑ya mai yaditonamatasariyahi.

Firibo 1:27

Dai ene‑ya mai awa, Kirisito ene‑nima dai ene na‑ya mai awiyahi. Dai tabaro‑ya kobo·ona, kobo·orihi ona, dai tamine omitaboneni. Dai ibi nofiya, Kirisito‑ka yama ani‑ya dai nafi aniniya, mai one Deoso ati‑ya mai nofaboneni.

Firibo 1:8

Deoso owatibodi ati‑ya wato, Yeso Kirisito dai‑ya nofi nafi‑nima dai onofi nafini. Dai‑ya owatibodi foyani.

Firibo 2:16

Deoso ati dai nofa, mai ihi amosara mai dai hiyarahi. “Yeso dai‑ya nofe, dai manakone‑ya nanahabemata, ati dai nofeya, dai abaraboneni.” Dai ati nahi. Haa‑nima dai ene niya, Kirisito kamataseya, dai ene ya‑yai·ona, oka yama anini honita tohara owatowahaboneni.

Firibo 2:26

Kiyane, tamine dai mitemari, dai‑ya ati foyane. Kitami tamine dai miti awisare awane.

Koroso 4:12

Dai‑ka owa i‑di Ebafarasi tohe, Ebafarasi‑ya Yeso Kirisito kadikemari, Yeso ati‑ya kaminebonaha. Dai‑ya Ebafarasi ati foya, dai tamine‑ya hiyaratene, Deoso‑ya. “Deoso, Koroso‑ya mai wi‑wina mai tikasomahi, tiwati‑ya mai nofi nafebonehe. Tiwati mai nofiya, tiwati‑ya mai tokadababoneni.” Ebafarasi ati tene.

Tesaronika daidi 3:13

Mai‑ya dai nofiya, dai ene sibaraboneni. Yeso ati‑nima dai naboneni. Yeso hika mai eyehe kameya, Deoso noko‑kaya ai nahoya, “Dai ene sibarini.” Ai‑ka Abi i‑di Deoso ati nawahebonane.

Tesaronika yoto‑ke 2:15

Oka soho dai toha, dai‑ya oda hiyara, dai oda kanawato, dai‑ka yama hani‑bone oda kanahano na, ati dai fawaniriyahi.

Timoti yoto‑ke 2:1

Timoti, oka dao amatini. Tiwa eme kitahi. Deoso ene Yeso Kirisito ai‑ya kasome, ai eme kitateni.

Ebereo 10:23

Deoso tabaro‑ya ai kobonabone ai ati namaro, ai atibodi yama‑ya kadikariyahi. Deoso ati‑nima yama naboneni.

Ebereo 3:14

Yeso ati ai tokadabamaro, ati ai tokadabanasa neya, Kirisito‑ka yama ai kayafa, tabaro‑ya ai winawahaboneni.

Ebereo 4:14

I‑di Yeso, Deoso‑ka yama‑bone‑ya mai da‑daa mai‑ka hidi webote neme‑ya tokome, Deoso Bidi yokana amane. Deoso ati ai tokadababone ai ati na, Deoso ati ai tokadabahi.

Bedoro yoto‑ke 3:17

Dai onofa, mai ihi dai‑ya okamina, mai one tosaware tamine dai wato baha, mai ati ihi dai tosawariraboneni. Deoso ati yokana dai wata, mai ati ihi Deoso ati‑ya dai ati kadamowamaraboneni.