Firibo 3:8 - Deoso-ka Yama Hani

⁸ Yama anini manakone noko·onihemaro, yama anini manakone noko·onimateraboneni. Oka Ayo Yeso Kirisito noko·onibisa oneni. Hibati‑ka oka yama dama tohamaro, Kirisito ati onofa ene oka yama nafi fawanawahani. Sibarini. Yama one onofamaraboneni. Kirisito ati onofe ene yama one onofami awira, Kirisito‑ta owato ba‑basi nabonehe.

Firibo 3:8 ပူးပေါင်းရင်းမြစ်များ

Roka 1:43

Amosabote ama·ora, oka Hidi webote madi owa tabaro‑ya kobona, ya‑yai·oneni.

Roka 11:20

Deoso ati ene madi towe mai kana·onihe, Deoso ai nafi‑ka hidi kitabote tohawahebona dai‑ya sawine.

Yowaho 14:20

Okobi oda famini, oka dai toha ai ohariwamabone, fara okitamiya dai wataboneni.

Yowaho 14:7

Hibati‑ya owa‑ya dai wata‑mani, Okobi dai watohare neni. Hibayata Okobi dai wato, Okobi dai awa, dai neni.” Yeso ati nemarine.

Yowaho 16:3

Okobi‑ya mai watora, owa‑ya mai watoharira, oda‑ya mai watora ihi dai‑ya mai kakaboneni.

Yowaho 17:3

Deoso yokana amatini. Deoso owa wadaterene. Yeso Kirisito ama·oni. Owa tiyosemaroni. Ai‑ya mai nofiya, mai abateraboneni.

Yowaho 17:8

Owa‑ya tikaminamaro, mai‑ya okaminamakineni. Tiwati‑ya mai nofineni. Tika ama·oni. Owa‑ya tiyosemaro, owa‑ya mai watowahineni.

Yowaho 20:13

I‑di Mariya‑ya mai haana, “Sima, hini yamata ihi ohitina?” Deoso‑ka yo‑yose mai ati na, “Owa noko beheri‑kaya Okoyo abo‑ya mai towakamanini.” Mariya ati nameteni.

Yowaho 20:28

“Oka Ayo amatini. Oka Deoso amatini.” I‑di Tome ati nemarine.

Yeso‑ka yo‑yose mai tamine 20:24

O·abiya, sibaraboneni. Ai‑ka Ayo Yeso owa‑ya yose‑mari ati‑nima owa ene na ya‑yai·onaboneni. Deoso ene ai manakone aba tamine okaminabone ati nemarine.

Homa 8:18

Hibayata ai‑ya mai bisiniya, ai korikasara, makobote yama nafi amosabote‑ya ai kayafa, yama amosi ba‑basi naboneni.

Homa 8:39

Neme‑ya ai toka, wami‑ya ai toka, faha bodi‑ya ai toka na, Deoso ai‑ya sawitene. Ai‑ka Ayo i‑di Yeso Kirisito ai manakone‑ya nanahabemata, Deoso ai‑ya nofi nafi, ai‑ya kanakiterebonane.

Korito daidi 2:2

Yama bara tamine ohiyari awira, Yeso Kirisito tamine‑ya ohiyarabisamaroni. “Yeso mai baahikane, abematane.” Onamaroni.

Korito daidi 9:10

Ai tamine‑ya hiyaraharimatane. “Yamata‑ya mai kama, yamata yana, kote‑ya mai kayafa, yamata‑ya mai tiina, yamata kote‑ya mai kayafahari teni.” Ati nematane.

Korito yoto‑ke 4:4

Deoso yokana ati‑ya mai nofara, madi mai‑ka deoso i‑di Satanasi ati‑ya mai nofabisa, Satanasi ene mai atibodi noki wadara, Deoso Ati Amosabote mai mitara, Kirisito amosabote‑ya mai awara, Deoso yokana‑nima Kirisito ne amane.

Korito yoto‑ke 4:6

Hibati‑ya yama soki hinama tohaya, Deoso ati yanane, “Yama wahi tohawahi.” Ati ne. Ati ene yama wahi tohawahameteni. Makobote Bidi i‑di Yeso Kirisito‑ya yose, ai atibodi noko‑ya Bidi noko wehene ai aweya, Deoso amosabote tohe ai watowahaboneni.

Karatiya 1:16

Deoso hini Bidi‑ya owa‑ya yofikanemarine. “Bara mai‑ya Oka dao tamine tikaminawahaboneni.” Deoso ati nemarine. Deoso ati‑ya omita, mai one ati omitaramaroni. Deoso ati‑ta omitabisamaroni.

Efesiyo 4:13

Ai ibi kasomiya, Deoso Bidi i‑di Yeso tamine‑ya ai nafi wato ba‑basi naboneni, ati ai nofi ba‑basi nebonaha. Mai hawa toha, mai‑nima ai atibodi hawa tohabone, Yeso ene‑nima ai ene nawawahaboneni.

Firibo 1:1

I‑di Baoro ama·oni. I‑di Timoti oda fama Yeso Kirisito‑ya na‑narifa oda amani. Firibo‑ya dai wi‑wina Deoso‑ka dai toha, Yeso Kirisito dai‑ya sa‑sawi, Yeso‑ka mai dai kanawato, mai tase dai toha, dai na, oka yama hani dai kadikiyahi.

Firibo 3:10

Yama bara‑ya owati koboni awirani. Yeso Kirisito‑nima onabone owatibodi ati nineni. Yeso‑ya mai bisi, owa‑ya mai bisi, Yeso‑ya mai nanahaba, owa‑ya mai nanahaba, sibarini. Yeso kitame‑nima okitamahareboneni.

Firibo 3:12

Yama nafi owato awisa ora, owa ene amosa hinama tohi awisara, Yeso‑ka oha, Yeso Kirisito‑nima onabone, fare‑ya owatibodi nokotonineni.

Firibo 3:7

Hibati‑ya owa ene amosa‑mone owatibodi ati namaro, owa manakone nafebone onamaroni. Kirisito ati onofawaha, owa ene‑maro amosara owatowaha, hibati‑ka manakone onofamara, Kirisito‑ka manakone onofabisaboneni.

Timoti yoto‑ke 4:6

Ai amoni fa‑famaraba niya, owa‑ya mai nanahababoneni. Deoso owatibodi‑ya kayafawahebonane.

Ebereo 3:14

Yeso ati ai tokadabamaro, ati ai tokadabanasa neya, Kirisito‑ka yama ai kayafa, tabaro‑ya ai winawahaboneni.

Bedoro daidi 2:7

Yeso ati‑ya dai nofa, “Yati amosabote manakone nafi Yeso tohe.” Dai ati nani. Yeso ati‑ya mai nofara, “Yeso amosare.” Mai ati na. Oda‑ka Hidi tohawahane.

Bedoro yoto‑ke 1:2

Deoso dai‑ya kasomebona, dai habo siitorihi. Dai atibodi dai‑ya weerihi na, Deoso ati dai wato, ai‑ka Hidi i‑di Yeso Kirisito ati dai wato, dai niya, dai korikasateraboneni.

Bedoro yoto‑ke 1:3

Deoso ai‑ya haanematane. Deoso‑ya ai kahiyarabone ene amosabote ai kaminebonane. Yeso Kirisito ati ai wato, Deoso kite ene yama ai kayafateni, bofe‑ya ai wi‑wina ai ene amosabonehe.

Bedoro yoto‑ke 1:8

Haa‑nima dai ene na‑ya mai awiya, Deoso ati‑ya mai nofawaha, “Yeso ati‑ya mai no‑nofa mai ihi amosa, oda ene‑nima mai ihi terani.” Mai ati niya, Deoso ati‑ya mai nofawahaba awineni.

Bedoro yoto‑ke 3:18

Ai‑ka Hidi i‑di Yeso Kirisito ati dai wato ba‑basi niya, ati‑nima dai ene na ba‑basi naboneni. Ai manakone‑ya nanahabemari, hibayata ai kahiyare ai kahiyari fawaterayaho. Feye amani.

Yowaho daidi 1:3

Yama oda awa, ati oda mitanamaro tamine okanahano, oda wata dai watohareboneni. Ai‑ka Abi i‑di Deoso, Bidi i‑di Yeso Kirisito‑ya fame, ai‑ya mai nofa, mai ai nofa, ai ibi hiyari nofateni.

Yowaho daidi 2:19

Mai one Yeso‑ka mai‑mone mai ati na, Yeso‑ka mai tohaterani. Oda‑ya mai sawemaro, oda‑ya mai sawimi awira, Yeso‑ka mai toha‑mani, oda‑ya mai sawe neni. Yeso‑ka mai‑ya mai sawira, Yeso‑ka mai tohara, mai‑ya mai dami watowahaboneni.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.