Firibo 3:20 - Deoso-ka Yama Hani

²⁰ Ai‑ta Deoso tabaro‑ya ai tabaro yokana toha, ai‑ka Ayo i‑di Yeso Kirisito ai manakone‑ya nanahabemata, ai nimane, neme‑ya kamebonane.

Firibo 3:20 ပူးပေါင်းရင်းမြစ်များ

Efesiyo 2:19

Yeso ene Bara dai tohamara, Deoso‑ka dai tohawaha, Deoso‑ka oda tohi‑nima dai tohahare, Deoso bidi ai tohani.

Korito yoto‑ke 4:18

Yama ai awa ai nokotonira, aba kanibote naboneni. Yama ai awara ai nokotonihe abateraboneni.

Ebereo 12:22

Dai‑ta adami tati‑ya dai kobona‑nima Deoso tabaro yokana‑ya dai kobona, Yerosare neme‑kaya dai kobona, Deoso‑ka yo‑yose mai dama mai yorotokana mai ya‑yaina mai ai kadikaterani.

Koroso 1:5

Deoso tabaro‑ya ai winabone tamine‑ya dai mita, Deoso Ati Amosabote dai nofamoneni. Yeso kami tamine dai mita, Yeso kamebona‑ya dai nimanawahamoneni.

Efesiyo 2:6

Yeso Kirisito abe, Deoso hinakitame, neme‑ya hiwakame, hiwatarimatane, yama nafi‑ka hidi tohawahebonaha. Yeso Kirisito‑ka ai toha, Deoso ai‑ya aweya, neme‑ya ai itari hawa toha‑nima ai na, ai‑ya awane. Yeso‑ya nakitamemata‑nima ai‑ya nakitamaharibonane. Yeso‑ya neme‑ya nawitarimata‑nima ai‑ya nawitariharibonane.

Korito yoto‑ke 5:8

Ai‑ya mai nanahabiya, sibaraboneni. Ai habo siitora, ai abano atabo‑ya wamani toha‑ya ai sawimara, Yeso‑ya ai sawiya, yama amosabisaboneni.

Timoti yoto‑ke 4:8

Owa manakone wadaboneni. Ai tati borone oro wamani‑ya tohaboneni. Ai ene amosa ai tati borone oro wamani‑ya tohabone, ai‑ka hidi i‑di Yeso ati nane. Ai ene‑ya kadikeya, ai manakone‑ya daanebonane. Yeso kamebona ai nimaniya, ai manakone wadaboneni.

Tesaronika daidi 1:10

Yeso kamebona‑ya dai nimanineni. Hibati‑ya Deoso hinakitame, neme‑ya tokome, ai‑ya idimebonane. Neme‑ya ai eyehe tokomeya, bofe‑ya mai winasa na, Deoso ene yama kome mai‑ya kitaboneni.

Ebereo 9:28

Kirisito abe, ai manakone‑ya nanahabemata, kamatasebona, ai manakone‑ya nanahabami awirebona, ai nimane, neme‑ya ai‑ya towakamebonane.

Karatiya 4:26

Sara yaditona‑nima ni awirini. Yerosare neme‑kaya mai wi‑wina Sara‑nima mai nineni. Ai yaditora‑nima mai nineni. Sara bidi ai toha, ai yaditorani. Abaraho‑nima ai na, Deoso ati ai nofineni.

Tito 2:13

Yeso ai‑ka Ayo kamebona ai nimana, Yeso ai manakone‑ya nanahabemari, kameya, kami amosebonane. Deoso kitabote amose‑nima Yeso nane.

Korito daidi 1:7

Dai ibi kasomi‑bone‑ka yama‑ya Deoso daanebona ati nemari, dai‑ya yama‑ya daanane. Ai‑ka Hidi i‑di Yeso Kirisito ko‑kobo dai nimaniya, Deoso dai‑ya kasomebona, dai kasomi‑ya fawaterebonane.

Yeso‑ka yo‑yose mai tamine 1:11

“Karireya‑ka dai toha, hini yamata ihi neme‑ya dai kakatoma? Neme‑ya Yeso tokome, kamebonane. Tokomi dai awe, kisami mai hiawebonane.” Deoso‑ka yo‑yose mai ati namoneni.

Mateo 19:21

“Tiwa ene amosa hinama tohabone tina, tiwa yehe honene nafi daatinahi, manakone waratiniya, mai yahi hone wadara mai‑ya daatinahi. Deoso tabaro‑ya tika yama dama tohaboneni. Eya tiwa ene niya, makobote owa‑ya tisawiyahi.” Yeso ati nemarine.

Tesaronika daidi 4:16

Neme‑ya Yeso wine, kisameya, bofe‑ya koboni awirebonane. Kiseya, neme‑ya ati kite yananebonane. Deoso‑ka yo‑yose mai‑ka webote owa ati yananebonane. Deoso‑ka ho‑hori ati yananaboneni. Yeso kiseya, mai abamaro, Yeso ati‑ya mai no‑nofa‑mete mai kitami dai tohaboneni.

Roka 14:14

Haa‑nima tiwa ene niya, ya‑yaitinaboneni. Tiwa‑ya mai haanami awiraboneni. Yama faina‑bone‑ya mai ihi amosa mai kitamiya, mai‑ya tisawebone, tiwa ene manakone‑ya Deoso daanebonane.” Yeso ati nematane.

Yeso Kirisito ene‑bona 1:7

Owati dai mitahi! Neme sabi‑ya Yeso kamebona, mai nafi hiawebonane. Yeso‑ya mai nanahabamaro Yeso‑ya mai awawahaboneni. Mai hiaweya, tabora nafi‑nima mai ohinawahaboneni. Fara yama amosaboneni.

Firibo 1:10

Yama Deoso atibodi kobohina‑nima dai atibodi koboniya, dai ene amosaboneni. Yeso Kirisito kameya, dai‑ya weeterebonane. “Dai ene amosini.” Ati neya, dai ya‑yainaboneni.

Roka 12:21

Yama dama‑ya mai nokotonihe, Deoso‑ya mai nokotonira, mai abiya, mai‑ka yama mai‑ya kasomateraboneni.” Yeso ati nematane.

Korito daidi 15:48

Bofe‑ya ai wi‑wina Adaho abano‑nima ai abano na, neme‑ya ai winiya, Kirisito abano‑nima ai abano nawahaboneni.

Firibo 1:27

Dai ene‑ya mai awa, Kirisito ene‑nima dai ene na‑ya mai awiyahi. Dai tabaro‑ya kobo·ona, kobo·orihi ona, dai tamine omitaboneni. Dai ibi nofiya, Kirisito‑ka yama ani‑ya dai nafi aniniya, mai one Deoso ati‑ya mai nofaboneni.