Firibo 3:2 - Deoso-ka Yama Hani

² Mai ihi amosara, dai‑ya mai daba, dai noko wadahi. Deoso‑ka dai tohabone, dai sowiri tati ataro‑ya mai wisinakosabone mai ati na. Yomahi towe‑nima mai nineni.

Firibo 3:2 ပူးပေါင်းရင်းမြစ်များ

Mateo 24:10

Owati‑ya mai tokadabamaro, owati‑ya mai nofami awiraboneni, mai damaro. Mai‑ka owa mai kaka, mai‑ka owa mai daanaboneni, mai hinahabebonaha.

Mateo 7:15

“Dai noko wadahi. ‘Deoso ati‑ya mi‑mita oda amani.’ Mai one ati naboneni. Deoso ati‑mona mai ati na, keyehe‑ya mai hirina, Satanasi ati‑ya mai kaminabisateni.

Mateo 7:6

Yome mai‑ya Deoso‑ka yama ai daaterani. Boroko mai‑ya kasaro ai daaterani. Boroko mai‑ya kasaro dai daaniya, kasaro‑ya mai tainiya, dai‑ya mai wainaboneni.” Yeso ati nemarine.

Homa 2:28

Yodeo yokana mai toha, Deoso‑ka mai tohahari neni. Ai‑ka ami, ai‑ka abi mai na Yodeo mai toha, Yodeo yokana ai toha awineni, Yodeo yokana ai toharihi na awineni. Ai sowiri tati ataro aba, Yodeo yokana ai toha awineni, Yodeo yokana ai toharihi na awineni.

Korito yoto‑ke 11:13

Kirisito‑ka yo‑yose mai tohara, Kirisito‑ka yo‑yose hini mai‑ya mai tonihe, keyehe‑ya mai hiriteni.

Karatiya 5:13

Deoso dai‑ya kadikemari, dai ene towe dai‑ya yaditonamaraboneni. Yeso ati‑ya dai nofa, dai atibodi bote ati‑nima dai namariyahi. “Owa‑ta ya‑yai·obisaboneni. Owatibodi bote ati‑nima onaboneni.” Dai ati riyahi. Deoso dai‑ya seekane, dai atibodi yati ati‑nima dai naboneni. Dai ibi nofiya, dai ibi kasoma niya, dai nafi ya‑yainaboneni.

Karatiya 5:15

Dai ibi wee, dai ibi bisi, dai ibi tokatowe na, dai abawahaba awineni. Dai noko wadahi dai nafi abarabonehe. Dai ibi nofabisiyahi.

Karatiya 5:6

Yeso Kirisito‑ka ai toha ai sowiri tati ataro‑ya mai wisinakosa, ai‑ya kasomarihi, mai wisinakosara, ai‑ya kasomarihi, Yeso ati ai nofa, mai one ai kasoma na ai‑ya kasomabisateni.

Firibo 3:19

Mai nabadi mai‑ka deoso tohe, ene madi mai tabori‑ya mai winaboneni. Mai ihi amosara tamine‑ya mai hiyara, mai ya‑yaiteni. Hibayata‑ka yama‑ya mai atibodi kadiki ohariteni.

Firibo 3:3

Deoso ai atibodi‑ya namose ene Deoso‑ka ai tohateni. Ai abano wisina ene tohaterani. Deoso‑ka Doni ai‑ya sawi, Deoso‑ya ai kahiyara, Yeso Kirisito ene ai ene amosawamateni. Mai sowiri tati ataro wisina ihi mai‑ya mai kahiyara, ai ataro ene ai‑ya ai kahiyaraterani.

Timoti daidi 1:19

Yeso ati tinofamaro, Yeso ati tinofiyahi. Tiwa ene amosiyahi. Tiwatibodi yati ati‑nima tiniya, tiwatibodi tiwa‑ya weeraboneni. Mai one mai atibodi yati ati‑ya mai tokadabara, mai ihi Deoso ati‑ya mai nofamarani.

Tito 1:16

“Deoso ati oda nofini.” Mai ati na, Deoso ati‑nima mai ni awira, mai ihi towe hinama yama amosa‑ya mai watoteraboneni. Mai atibodi towe, mai ihi amosaterani.

Bedoro yoto‑ke 2:22

“Yomahi mai saana, mai saani‑ya mai kabamatasateni. Boroko mai ai sokona, atabo‑ya mai wiyamatasateni.” Deoso‑ka yama hani ati nineni. Fara‑nima mai na, mai ihi amosaramaro, hini mai ihi‑maro‑nima mai ihi namatasineni.

Yoda‑ka yama hani 1:4

Dai noko beheri‑kaya Satanasi‑ka mai one dai‑ya dabawaha, ai‑ka Hidi i‑di Yeso Kirisito‑ya mai nofara, Deoso ati‑mona‑ya mai kamina, mai fanawi mai makidi na, mai ai aha sibarini. Deoso ai‑ya weerebona mai ati teni. Hini mai ihi mai ababone Deoso ati nemata, Deoso ati yokana‑ya mai kamina mai tamine‑ya mai kanahanameteni.

Yeso Kirisito ene‑bona 2:9

Dai ene nafi owatoneni. Deoso‑ya mai nofara, dai‑ya mai weenineni. Dai‑ka yinero nafire, neme‑ya dai‑ka yama dama tohabisineni. ‘Deoso‑ka dai tohi awirini. Deoso bidi oda amani.’ Yodeo mai one ati na, keyehe‑ya mai hirineni. Satanasi‑ka mai amani.

Yeso Kirisito ene‑bona 21:8

Mai habi siitona ihi oka hawi‑ya mai sawira mai toha, owati‑ya mai tokadabara mai toha, mai ihi towe mai toha, mai one‑ya mai nanahaba mai toha, mai si‑siwa mai toha, madi mai‑ya mai ha‑haa mai toha, deoso bara mai‑ya mai ka‑kahiyara mai toha, keyehe‑ya mai hi‑hiri mai toha, mai na, wara hirini yati hirini sawi‑kaya mai sawibisaboneni. Mai abi oharimatasa‑nima mai na, mai kome fawaraboneni.” Hidi Webote ati nene.

Yeso Kirisito ene‑bona 22:15

Mai ihi towe mai toha, madi towe mai‑ya mai ha‑haa mai toha, mai si‑siwa mai toha, ai one‑ya mai na‑nanahaba mai toha, deoso bara mai‑ya mai ka‑kahiyara mai toha, keyehe‑ya mai no‑nofa mai toha, keyehe‑ya mai hi‑hiri mai toha, mai na, sidadi‑ya mai tokiyomateraboneni.

Yeso Kirisito ene‑bona 3:9

‘Deoso bidi oda amani.’ Yodeo mai one ati na, keyehe‑ya mai hirineni. Satanasi‑ka mai amani. Owati dai mitahi. Dai yowi‑ya mai yobati‑kaya mai waakeboneni, dai‑ya mai kahiyarabonehe. ‘Deoso dai‑ya nofane.’ Mai ati naboneni.