Firibo 3:18 - Deoso-ka Yama Hani

¹⁸ Hibati‑ya mai tamine dai‑ya ohiyaramaro, mai tamine ohiyaramatasa, mai tabiyo ohi·onani. Yeso ati‑ya mai ati nofa, ati mai hikadabarene. Yeso abe, mai manakone‑ya nanahabe‑ya mai nofara, mai ihi mai one Yeso ati‑ya mai nofaraboneni.

Firibo 3:18 ပူးပေါင်းရင်းမြစ်များ

Roka 19:41

Yerosare yakari‑ya Yeso kobone, mai tabori‑ya awe, ohinawahematane.

Yeso‑ka yo‑yose mai tamine 20:19

Deoso ati dai‑ya okamina, owa‑ya okahiyaraterani. Mai atibodi koma, mai eyehe ohi·ona, Yodeo owa‑ya mai kaka, owa‑ya mai nakomamaroni.

Korito daidi 1:18

“Awa‑ya Yeso mai baahikane, ai manakone‑ya nanahabemarine.” Ai ati na, Deoso ati‑ya mai nofara ai ati‑ya mai hahakana, mai ababoneni. Deoso ati‑ya ai no‑nofa Yeso abe tamine‑ya ai mita, ai ya‑yaina, Deoso ene kitabote tohe‑ya ai wato, Deoso tabaro‑ya ai winaboneni.

Korito daidi 6:9

Mai ihi amosara dai‑ya keyehe‑ya mai hirikariyahi. Mai fanawi one‑ya mai aha, mai one‑ka yibote mai‑ya mai aha, maki hini hinama mai ibi aha, mai fanawi hini hinama ibi nokotonihi na, deoso bare‑ya mai kahiyara, Deoso tabaro‑ya mai winateraboneni.

Korito yoto‑ke 11:13

Kirisito‑ka yo‑yose mai tohara, Kirisito‑ka yo‑yose hini mai‑ya mai tonihe, keyehe‑ya mai hiriteni.

Korito yoto‑ke 11:29

Yeso ati‑ya mai one nofa, mai ihi amosara mai tamine omita, owatibodi koma, mai‑ya owatibodi kasomateni. Mai one ihi Deoso‑ka owa ene amosare, mai ihi oyawani.

Korito yoto‑ke 2:4

Dai ene amosaramone, dai ene owatibodi komene kita, dai ene ohi·ona, owa ohini fawara, dai atibodi nakomi onofara, dai‑ya onofi nafe dai watabone, dai‑ka yama hani‑bone okanahanamaroni.

Karatiya 1:7

Yeso Ati Amosabote ohari‑ta tohe, ati bare‑ya mai kamina, Kirisito Ati Amosabote tohi awirene. Keyehe‑ya dai‑ya mai hirikanineni, mai ati dai nofabonehe.

Karatiya 2:14

I‑di Bedoro, Banabe mai fama mai ihi amosara, Deoso Ati Amosabote ati‑nima mai namara, i‑di Bedoro wee·owahani, mai dama owati‑ya mai mita, “Bedoro, Yodeo amatini. Yeso tinofawahamaro, Yodeo mai‑nima tini awira. Bara Yeso ati‑ya mai nofawaha, hini yama‑bone Yodeo mai‑nima mai nabone mai mai hina? Yodeo mai‑nima mai ni awiraboneni.

Karatiya 2:21

I‑di Mose ati nafi ai tokadabara, ai manakone tohani. Hini ai ene ai manakone ai nanahaba‑mani, Yeso abare nane. Ai manakone ai nanahabaterani. Yeso Kirisito abare‑mana, Deoso ai‑ya ati somawamare nane. Deoso tabaro‑ya ai winara neni.

Karatiya 5:21

Mai one‑ka yama‑ya mai ati kobo, kawi ihi mai towe toha, mai dami ibi aha na, mai tamine owati dai mitahi. Hibati‑ya dai‑ya okaminamaro, okaminamatasaboneni. Haa‑nima mai ihi na, Deoso tabaro‑ya mai winateraboneni.

Karatiya 6:12

“Dai sowiri tati ataro abahi.” Mai ati na, “Yeso tamine ai kaminiya, ai‑ya mai weenaboneni.” Mai atibodi ati neni.

Karatiya 6:14

Owa okahiyari awiraboneni. Ai‑ka Ayo, Yeso, awa‑ya waane, ai manakone‑ya nanahabemari, Yeso‑ta okahiyarabisaboneni. Yeso ati‑ya mai nofara, owa‑ya mai nofaharira, mai ihi‑nima owa ene teraboneni.

Efesiyo 4:17

Ai‑ka Hidi, i‑di Kirisito ati dai mitahi. Hibati‑ya Bara mai one ihi‑nima dai ene namaro, haa‑nima dai ene namariyahi.

Firibo 1:4

Deoso‑ya dai tamine ohiyari dama, Deoso dai‑ya kasomebona ona, ya‑yai·oneni.

Tesaronika daidi 4:6

Ai owa‑ka yibote dai idiriyahi. Ai owa‑ka yibote dai ahaniya, haa‑nima dai ene niya, Deoso yaweya, dai manakone amosara‑ya daanebonane. Dai manakone dai nofaraboneni. Hibati‑ya oda ati dai mitamaroni, dai oda hiyararo.

Tesaronika yoto‑ke 3:11

Dai tamine oda mita, dai one refo toha, yama‑ya mai anini awira, hiniya mai one tabori‑ya mai toka, mai one tamine‑mone‑ya mai hiyaramoneni.

Bedoro yoto‑ke 2:10

Ai one Satanasi ati‑ya mai tokadaba, mai one‑ya mai nokotoniteni, mai‑ya mai ahabonehe. Mai‑ka hidi ati‑ya mai kaka, Satanasi‑ka madi mai kiti ba‑basi na mai toha, mai tamine‑ya mai weeni kofina, mai habi siitora, mai ihi‑ya Deoso kadikebonane.

Yoda‑ka yama hani 1:13

Faha webote rike‑nima mai na, yama amosara‑ya mai kakama mai ihi towe tamine kaminiya, mai dama teni. Amowa sone‑nima mai na, yama soki nafe‑ya mai tabori tohawahaboneni.