Firibo 3:14 - Deoso-ka Yama Hani

¹⁴ Owa koboni amosabone, oka hawi bono tati‑ya owakatomateni. Oka hawi bono tati‑ya kobo·oniya, Yeso Kirisito ene owa manakone‑ba Deoso daanebona, neme‑ya owa‑ya towakamebonane.

Firibo 3:14 ပူးပေါင်းရင်းမြစ်များ

Korito daidi 9:24

Mai ibi kanakanabone mai nafi kanani toka, ohari koboni dai tohe, mai ati‑nima ne kanane, hini kanani manakone‑ya kayafebonane. Dai‑ta Deoso tabaro‑ya dai tokabone, Deoso ati dai tokadabiya, dai manakone amosa‑ya dai kayafaboneni.

Bedoro daidi 5:10

Deoso yama nafi‑ya da‑daa dai‑ya kadikemarine, hini tabaro‑ya dai winawahabonehe. Bofe‑ya dai winasa niya, dai‑ya mai bisina, makobote Yeso Kirisito amosabote‑nima dai nawahaboneni. Deoso ene dai kitawaha dai korikasara, Yeso ati‑ya dai nofi nafiwahaboneni.

Yeso Kirisito ene‑bona 3:21

Bofe‑ya osawemaro, hawi bai‑ya maa·okani awiramaroni. Makobote Okobi owa‑ya yose, yama nafi‑ka hidi ohawahineni. Hawi bai‑ya dai maakani awiriya, dai‑ya oyosemakebone, mai‑ka hidi bidi dai tohawahaboneni.

Tesaronika daidi 2:12

“Yama Deoso hinofa‑nima dai ene nahi.” Oda ati nademaro, Deoso dai‑ya haane, hini tabaro‑ya dai winabone, Deoso amose dai awe, wehene dai awa nebonane.

Bedoro yoto‑ke 1:3

Deoso ai‑ya haanematane. Deoso‑ya ai kahiyarabone ene amosabote ai kaminebonane. Yeso Kirisito ati ai wato, Deoso kite ene yama ai kayafateni, bofe‑ya ai wi‑wina ai ene amosabonehe.

Ebereo 3:1

Soho, owati dai mitahi. Hibati‑ya Deoso ai‑ya kadike, Yeso‑ya Deoso yosemari, Deoso‑ka yama‑bone‑ya mai da‑daa mai‑ka hidi webote tohe, tamine dai kadikahi.

Bedoro daidi 1:13

Yeso Kirisito kamatasebona dai atibodi dai hawa tonihi. Yama amosa‑ya dai kadikabisahi. Dai atibodi noko wadahi. Dai‑ka yama amosabote‑bone‑ya Deoso daanebona dai nimanahi.

Ebereo 6:1

Yeso ai manakone‑ya nanahabematane, ai abarabonehe. Tamine dai wato, ai ene amosaramaro, ai ene‑maro‑nima ai ene namarabone tamine dai wato neni. Hibayata ai webote‑nima dai na, Deoso ati nafi dai kadikeya, ati dai tokadabaho.

Korito yoto‑ke 4:17

Hibayata oda‑ya mai bisi, oda‑ya mai kako na, oda amoni damariya, oda‑ya mai bisinamarihi, oda‑ya mai kakomarihi naboneni. Yeso kamataseya, oda amosawaha, oda noko wehene wadawaha, oda noko wehene fawateraboneni. Oda bisini oda kadikamaraboneni. Hibayata oda komene bi‑bidi na toha, yama Deoso daahinabone amosi ba‑basi nabone, oda komene‑ya fiyakani nafeboneni.

Roka 16:16

Yowaho Batita koboni awisareya, i‑di Mose‑ka yama hani ati toha, Deoso ati‑ya mai mi‑mita‑mete mai‑ka yama hani ati toha na, yama hani ati‑ya mai mitameteni. Yowaho koboneya, Deoso ai nafi‑ka hidi kitabote tohawahebona kobone tamine‑ya mai mitawahani. ‘Oda kita, hini oda ene Deoso ai nafi‑ka hidi kitabote tohawahebona‑ya oda saweboneni.’ Mai ati nani.

Homa 11:29

Deoso ati abaterene, ati‑nima yama naboneni. Deoso yama‑ya ati daane, yama‑ya daanebonane. Mai‑ya kasomebona ati ne mai‑ya kasomebonane.

Firibo 3:3

Deoso ai atibodi‑ya namose ene Deoso‑ka ai tohateni. Ai abano wisina ene tohaterani. Deoso‑ka Doni ai‑ya sawi, Deoso‑ya ai kahiyara, Yeso Kirisito ene ai ene amosawamateni. Mai sowiri tati ataro wisina ihi mai‑ya mai kahiyara, ai ataro ene ai‑ya ai kahiyaraterani.

Koroso 2:18

Dai‑ya mai keyeheriyahi. “Wada owa ihi yama owatowahani.” Mai ati na, mai ati dai nofariyahi. “Deoso‑ka yo‑yose mai dai kahiyara, dai abano dai nofara, dai abano dai nakomahi, Deoso dai‑ya nofi ba‑basi nebonane. Owa abano onofara‑nima dai abano dai nofara, hini owa ene Deoso wadarine oawateni.” Mai ati na, mai ati dai nofariyahi.

Timoti yoto‑ke 1:9

Hibati‑ya ai awisari‑ya Deoso ai‑ya kadike, ai ene tohara, Deoso ai‑ya nofe, Yeso Kirisito ati ai nofabone ai‑ya wato, ai‑ya kasomematane.