Firibo 3:1 - Deoso-ka Yama Hani

¹ Oka yama hani hawa tohi yananineni. Ai‑ka Ayo Yeso ati dai no‑nofa dai ya‑yainaboneni. Hibati‑ya mai tamine okanahanamaro, mai tamine okanahanomatasabone, yama dai watowahaboneni.

Firibo 3:1 ပူးပေါင်းရင်းမြစ်များ

Mateo 5:12

Deoso ati‑ya mai mi‑mita‑mete mai‑nima dai na, fara hibati‑ya mai‑ya mai bisinaharemeteni. Dai ya‑yainahi. Deoso dai‑ya kasomebona, neme‑ya dai ene manakone nafe dai kayafaboneni.” Yeso ati nemarine.

Roka 1:47

Deoso owa‑ya kasome ene ya‑yai·oneni.

Homa 5:11

Makobote Deoso tabaro‑ya ai winabone, hibayata ai‑ka Ayo i‑di Yeso Kirisito ene Deoso ai‑ya ati somawame, ai ya‑yainawahani.

Korito yoto‑ke 13:11

Feye amani. Deoso ati‑ya dai tokadabi ohare, oka yama hani dai kadika, ati‑nima dai nahi. Dai one ati dai mita, fara dai atibodi ati kafamiya, dai ibi weeraboneni. I‑di Deoso dai‑ya sawi, dai‑ya nofe, dai atibodi ati‑ya nasomebonane.

Efesiyo 6:10

Yeso Kirisito kitabote tohe, Yeso‑ka dai toha, dai eme kita, dai habo siitoriyahi.

Firibo 3:3

Deoso ai atibodi‑ya namose ene Deoso‑ka ai tohateni. Ai abano wisina ene tohaterani. Deoso‑ka Doni ai‑ya sawi, Deoso‑ya ai kahiyara, Yeso Kirisito ene ai ene amosawamateni. Mai sowiri tati ataro wisina ihi mai‑ya mai kahiyara, ai ataro ene ai‑ya ai kahiyaraterani.

Firibo 4:4

Ai‑ka Ayo i‑di Yeso dai‑ya sawi, dai ya‑yainahi. Owati dai mitamake, dai ya‑yaini fawariyahi.

Firibo 4:8

Oka soho dai toha, owati dai mitahi. Owati fawani yanatoni. Yama amosa toha, mai ati amosa, mai ihi amosa toha na, mai tamine‑ya dai atibodi kadikabisahi. Dai‑ya mai kasoma, mai one‑ya mai kasoma na, mai ihi amosa, mai‑ya mai atibodi kahiyara, mai ihi amosi ba‑basi na, mai tamine dai kadika nahi.

Tesaronika daidi 4:1

Yeso‑ka dai toha oda ati dai mitamatasahi. Yeso ati oda hiyare, ati dai mitiyahi. Oda ati‑nima dai niya, Deoso ya‑yainebonane. Hibati‑ya oda ati‑nima dai namaroni. Hibati‑ya dai ene amosamaro, dai ene amosi ba‑basi nahi, yama sibaraboneni.

Tesaronika daidi 5:16

Dai ya‑yaina, dai ya‑yaini fawariyahi.

Tiyako 1:2

Oka dai toha, yama amosara dai‑ya kobona, dai yawara, dai ya‑yainibisahi.

Bedoro daidi 3:8

Owati hawa tohi yanatoneni. Owati dai nafi mitahi. Dai nafi atibodi ati fara hinama tohahi. Ai‑ka ayo ai nofi‑nima dai ibi nofiyahi. Mai atibodi koma mai dai kasomahi. “Yama dai watora, owa‑ta yama owatobisineni.” Dai ati riyahi.

Bedoro daidi 4:13

Dai ya‑yaina, Kirisito‑nima dai nawaha, makobote Yeso Kirisito amosabote kamatase‑ya dai awiya, dai ya‑yaini nafeboneni.

Bedoro yoto‑ke 3:1

Oka dai toha, hibati‑ya dai‑ka yama hani‑bone okanahanamaro, dai‑ka yama hani‑bone okanahanomatasineni. Oka yama hani kafama dai kadikahi, yama amosa‑ya dai atibodi kadikabonehe.