Firibo 2:9 - Deoso-ka Yama Hani

⁹ Deoso ati nafi‑ya Kirisito tokadabe, Deoso hiwakamane neme‑ya. “Mai one amosarani. Yeso‑ta amosabotebisa amane.” Deoso ati nematane.

Firibo 2:9 ပူးပေါင်းရင်းမြစ်များ

Mateo 11:27

Oda‑ya hiyaramatase, “Okobi ene yama nafi okayafawahineni. Owa‑ya dai wato nafira, owa‑ya Okobi watobisane. Okobi owato oteni. Owati ihi Okobi‑ya dai one watomakineni. Dai‑ya okasomara‑mani, Okobi‑ya dai watora neni.

Mateo 28:18

Makobote Yeso oda‑ya kobone, oda‑ya hiyare, “Neme, Bofe na‑ka hidi ohawahineni.

Roka 10:22

Yeso ati yananamatase, “Okobi ene yama nafi okayafawahineni. Owa‑ya dai wato nafira, owa‑ya Okobi watobisane. Okobi owato oteni. Owati ihi Okobi‑ya dai one watomake, dai‑ya okasomara‑mani, Okobi dai watora neni.” Yeso ati nematane.

Yowaho 13:3

“Okobi ati ene yama nafi‑ka hidi ama·oni. Deoso‑ya yana·onamaro, okoma kanibote onaboneni.” Yeso atibodi ati nemarine.

Yowaho 17:11

Tiwa‑ya okomabone, bofe‑ya owinami awiraboneni. Bofe‑ya mai winabisaboneni. Abi Deoso, oka mai daatinamaro mai tinawadahi, ai ohare‑nima mai ohariwamabonehe, mai nafi.

Yowaho 17:12

Owa‑ya mai daatinamaro mai‑ya osawe, mai onawada, tika hawi‑ya mai yakana mai maakara, mai abarani. Mai‑ka owa ohari ababisane. Fara, tiwati‑ya mai kanahanamaro mai ati‑maro‑nima yama nawahaboneni.

Yowaho 17:5

Bofe‑ba awisari‑ya ai fama ai amosabote ai wehene wadamaroni. Tiwa‑ya osawimatasiya, hini owa wehene wadamaro, owa wehene wadamatasahi.

Yeso‑ka yo‑yose mai tamine 5:31

Deoso ene Deoso‑ka kanika‑ya hina·itari, itarine, ai nafi‑ka hidi toha, ai manakone‑ya nanahaba toha nane. Isara·eo‑ka hini mai tamine‑ya mai kamina, mai‑ya Deoso ati somawamebonane.

Efesiyo 1:10

Yama nafi hawa tohiya, Deoso atibodi ati kobona‑mata‑ka‑nima yama nawahaboneni. Yeso Kirisito mai nafi‑ka Hidi tohawahebona, neme‑ya mai wi‑wina, bofe‑ya mai wi‑wina, mai na, Yeso Kirisito mai‑ka Hidi tohawahebonane.

Koroso 1:18

Yeso ati‑ya mai no‑nofa mai‑ka Hidi i‑di Yeso tohe, hini mai atibodi mai‑ya yose‑nima Kirisito mai‑ya yose, mai teni. Hibati‑ya yama nafi‑ya wamemata, makobote ahi‑ya kobone, mai hinahabe, Deoso hinakitamemari, yama nafi‑ka hidi tohe, Yeso ati‑ya mai no‑nofa mai aba, mai kitamahareboneni.

Tesaronika yoto‑ke 1:12

Dai ene‑ya mai awiya, Yeso‑ya mai kahiyarawahaboneni. Dai ene Yeso‑ya mai kahiyara, dai ene i‑di Deoso ya‑yainebonane. Ai‑ka Ayo i‑di Yeso Kirisito ene Deoso ai‑ya kasomebonane.

Ebereo 1:4

Deoso‑ka yo‑yose mai amosi bi‑bidi nineni. Bidi‑ta amosabote amane. Deoso Bidi‑ya nofi nafi, hika yo‑yose mai‑ya nofi bi‑bidi nane.

Ebereo 1:9

Mai ihi amosa, mai ihi ya‑yaitina, mai ihi amosara, mai ihi tiyawa titeni. Tiwa ene Deoso tiwa‑ya kadike, tika mai one‑ka hidi tihawahani, tiwa ya‑yaini ba‑basi naboneni.

Ebereo 12:2

Yeso‑ta ai nokotoni oharibisahi. Yeso ene Deoso ati ai nofa, Deoso tabaro‑ya ai winamakeboneni. Yeso Deoso ati‑ya tokadabe, fare‑nima ai nahi. “Deoso owa‑ya kasomebona, ene ya‑yai·onaboneni.” Yeso ati ne. Yeso mai baahikane, awa‑ya waane, abe, mai hahahikane, mai‑ya yawaremata, hibayata Deoso itari‑ka kanika‑ya itariwahane.

Ebereo 2:9

Hibayata yama ai watoneni. Yeso bofe‑ya wine, ai‑nima ne kiti bi‑bidi, bofe‑ya wineya, Deoso‑ka yo‑yose mai kiti ba‑basi, Yeso abe, ai nafi manakone‑ya nanahabe, Deoso hinakitame, hini kiti tohamatase, abamaterebona, amosabote tohawahene.

Bedoro daidi 3:22

Yeso kitame, neme‑ya toke, Badi i‑di Deoso‑ka kanika‑ya itariwahe, Yeso kitabote tohe, neme‑ya mai wi‑wina, Deoso‑ka yo‑yose, mai na, mai‑ka hidi tohanane.

Bedoro yoto‑ke 1:17

Badi i‑di Deoso amosabote neme‑ya ati kaki, ati oda mitemari, ati oda kaminineni. “Oka dao amane. Oka dao onofi nafi. Oka dao ene ya‑yai·oneni.” Neme‑ya Deoso ati nemarine. Deoso amosabote‑nima Bidi amosabote tohane.

Yowaho faina 1:7

Yeso Kirisito ati ene mai tokineni, Deoso tamine‑ya mai hiyarabonehe. Deoso ati‑ya mai nofara mai‑ka yinero‑ya mai kayafaterani.

Yeso Kirisito ene‑bona 1:5

Yeso Kirisito yama‑ya watone, yama hiwata tamine‑ya kaminawahane. Yeso kitame, abamaterebona, kitami daidi amane. Bofe‑ka hidi mai‑ka hidi webote amane. Fare okahiyarineni. Ai‑ya nofi nafibisane. Hibati‑ya ai ene amosara, ai barikana‑nima ai namaroni. Makobote Yeso abe, ai‑ya seekawahemarine.

Yeso Kirisito ene‑bona 11:15

Deoso‑ka yo‑yose owa 7‑ke torobeta‑ya afonamakitase, neme‑ya mai dama mai ati yanana, mai ati kita, “Ai‑ka Hidi kitabote Hika Ka‑kadika eyehe bofe‑ka yama nafi‑ka hidi tohawahe, hidi oharitebonane.” Mai ati neni.

Yeso Kirisito ene‑bona 19:16

Hika bora fanaki‑ya oni kawane, “Hidi webote mai‑ka hidi ama·oni. Hidi mai nafi mai‑ka hidi ama·oni.” Hika bora fanaki‑ka yama hani kawana ati nani.

Yeso Kirisito ene‑bona 3:21

Bofe‑ya osawemaro, hawi bai‑ya maa·okani awiramaroni. Makobote Okobi owa‑ya yose, yama nafi‑ka hidi ohawahineni. Hawi bai‑ya dai maakani awiriya, dai‑ya oyosemakebone, mai‑ka hidi bidi dai tohawahaboneni.

Yeso Kirisito ene‑bona 5:12

Mai dami ati kita, “Kaneiro Bidi amosabote yokana amane. Kaneiro Bidi mai hinahabemari, kitawahebona, hika yama dama tohawahabone, hika yama wato nafiwahabone, mai dami hinofawahebona, mai dami hikahiyarawahebonane. Fara yama koboniya, yama amosaboneni.” Mai ati nani.