Firibo 2:8 - Deoso-ka Yama Hani

⁸ Ai noko‑nima Kirisito nokone. Deoso ati‑ya Kirisito tokadabe, Deoso ati ene abane, awa‑ya waaneri.

Firibo 2:8 ပူးပေါင်းရင်းမြစ်များ

Mateo 17:2

Adami tati‑ya mai kobona, mai noki‑ya Yeso hini wehene‑ya yananihi, mahi wehene‑nima Yeso noko wehene nawahe, hika bora sa‑sawani kita, wahi wadameteni.

Mateo 26:39

Ahiyata‑ya Yeso toke, hini home‑ya hini tamine‑ya Deoso‑ya hiyare, “Abi, yama towe yananabone, yama kobonabone onofarini. Owati‑nima yama riyahi. Hini tiwati‑nima yama nibisiyahi.” Yeso ati nemarine.

Mateo 26:42

Ahiyata‑ya Yeso tokomatase, Deoso‑ya hiyare, “Abi, mai ihi manakone owa nanahabi awiriya, mai ihi manakone fawaterabone tiniya, Tiwati‑nima onaboneni.” Yeso ati nemarine.

Roka 9:29

Deoso‑ya Yeso hiyareya, noko bare tohawahe, borone sawa yokana tohawahe, wehene wadawahematane.

Yowaho 10:18

Owa‑ya mai ati nanahaba, mai‑ya owati bariraboneni. Mai‑ya owati bariniya, owa‑ya mai nanahabi awiraboneni. Owati aba, o·aba, owati kitama, okitama onaboneni. Okobi ati‑nima owa ene naboneni.” Yeso ati nemarine.

Yowaho 14:31

Okobi onofa, Okobi ati‑nima oteni. Bofe‑ka owa ene‑ya mai awiya, owa‑ya mai watowahaboneni. Hima ai tokomahi.” Yeso ati nemarine.

Yowaho 15:10

Okobi ati okadaba, Okobi owa‑ya nofi fawarebonane. Owati dai tokadabiya, Okobi owa‑ya nofi faware‑nima dai‑ya onofi fawa·oraboneni.

Yowaho 4:34

“Yama kaba tamine ohiyari awirani. Dai tafa dai ya‑yaiteni. Owa‑ya yose‑mari ati‑nima owa ene niya, ati‑nima yama hawa·oniya, ya‑yai·oteni.” Yeso ati nemarine.

Yeso‑ka yo‑yose mai tamine 8:33

Ene amose, noko mai firohine, hidi hikasomare, bidi wadare tamine ai hiyarariyahi. Mai hinahabane.’ Deoso‑ka yama hani ati nineni.

Homa 5:19

Adaho i‑di Deoso ati‑ya tokadabare ene ai nafi ene towe toha, Yeso Kirisito Deoso ati‑ya tokadabe ene Deoso ai nafi‑ya ati somawame, ai‑ya awe, Yeso ene amose‑nima ai ene na ai‑ya awabisane.

Korito yoto‑ke 8:9

Ai‑ka Hidi i‑di Yeso Kirisito ene dai watoneni. Hibati‑ya neme‑ya wine, yama nafi‑ya kihe, makobote bofe‑ya kaki, bofe‑ya hika yama wadara, abe, ai manakone‑ya nanahabe, hibayata yama nafi‑ya mai kiha, mai‑nima ai nawaha, Deoso‑ka yama ai kayafawahabone, tosiyoteraboneni.

Karatiya 3:13

Mai ihi amosara nafe, awa‑ya mai mai nawaanateni, mai ababonehe. “Awa‑ya mai waana, mai aba, mai‑ya Deoso yawatene.” Deoso‑ka yama hani ati neni. Yeso Kirisito ai ene towe‑ya kayafawahe, awa‑ya waane, abemarine. Ai manakone‑ya nanahababisemarine. Yeso Kirisito‑ya Deoso yawemari, ai‑ya yawarebonaha.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Ebereo 12:2

Yeso‑ta ai nokotoni oharibisahi. Yeso ene Deoso ati ai nofa, Deoso tabaro‑ya ai winamakeboneni. Yeso Deoso ati‑ya tokadabe, fare‑nima ai nahi. “Deoso owa‑ya kasomebona, ene ya‑yai·onaboneni.” Yeso ati ne. Yeso mai baahikane, awa‑ya waane, abe, mai hahahikane, mai‑ya yawaremata, hibayata Deoso itari‑ka kanika‑ya itariwahane.

Ebereo 12:4

Dai ene amosabone, dai ene dai‑ya mai nanahabi awisarani.

Bedoro daidi 2:24

Ai ene amosara, ai ene Yeso Kirisito awa‑ya abemarine, ai manakone‑ya nanahabebonaha. Yeso abe ene ai atibodi bote ati ai tokadabamaraboneni, ai ene amosabisabonehe. Yeso abe ene ai kitamawahani.

Bedoro daidi 3:18

I‑di Yeso Kirisito ene amose hinama tohe, abe, dai manakone‑ya nanahabe, dai‑ya Deoso ati somawamebonaha. Hibati‑ya ai ene amosara, Kirisito amosabote abe, ai abarabonehe. Deoso‑ka Doni ene Yeso kitamemarine.