Firibo 2:2 - Deoso-ka Yama Hani

² Owa dai ya‑yainihi. Dai one atibodi‑nima dai atibodi niya, dai ibi nofiya, yama‑ya mai ati nofa dai nofaharihi. Haa‑nima dai niya, owa ya‑yaini fawaraboneni.

Firibo 2:2 ပူးပေါင်းရင်းမြစ်များ

Yowaho 3:29

Ai‑ka no‑nofa fanebona, ya‑yaine, fadi‑bone‑ya famebonaha. Fane‑bona kobone ene ai ya‑yainahariteni. Yeso‑ka no‑nofa ama·oni. Yeso‑ya mai toka, oyawara, ya‑yai·oneni.

Yeso‑ka yo‑yose mai tamine 1:14

Yeso‑ka yo‑yose mai toha, Yeso madi i‑di Mariya toha, Yeso sori mai toha, mai fanawi one toha na, mai yorotokana, Deoso‑ya mai hiyaranademoneni.

Yeso‑ka yo‑yose mai tamine 2:1

Yeso abe nowati‑ya mai amoni 50 kanamaki‑ya mai marina, mai marini‑ke mahi oni Benekosi tohe‑ya, Yeso‑ka mai nafi yorotokawamamoneni.

Yeso‑ka yo‑yose mai tamine 2:46

Mahi‑nima Deoso‑ka yobe‑ya mai yorotokana, Deoso‑ya mai hiyara, tabora‑ya mai tokoma, mai tafe‑ya mai ebena, mai nafi ya‑yainawahani. Yama‑ya mai da‑daa mai ya‑yai, yama‑ya mai kayafa, mai ya‑yai namoneni.

Yeso‑ka yo‑yose mai tamine 5:12

Mai kiyana, mai dami‑ya Yeso‑ka yo‑yose mai nakitama, mai ihi‑ya mai one awa, mai habi siitona, “Haa‑nima ai ene na, ai awaterani.” Mai ati namoneni. Deoso‑ka yobe kote oni Saromaho tohe‑ya Yeso ati‑ya mai no‑nofa mai yorotokateni.

Homa 12:16

Hini dai‑ka yama‑bone‑ya dai nokotini ohaririyahi. Dai atibodi fara hinama tohahi. Dai one‑ka yama‑bone dai nokotoniharihi. Yama‑ya mai kihara mai‑ya tisawiyahi. Tiwa‑ta tinofabisa tiriyahi.

Korito daidi 1:10

Oka soho dai amani. Owati dai mitahi. Ai‑ka Ayo i‑di Yeso Kirisito ati ene dai ibi weerihi, dai yorotokana dai ibi eberihi, dai ibi nofabisa, Yeso atibodi ati‑nima dai nafi atibodi ati nahi.

Korito yoto‑ke 13:11

Feye amani. Deoso ati‑ya dai tokadabi ohare, oka yama hani dai kadika, ati‑nima dai nahi. Dai one ati dai mita, fara dai atibodi ati kafamiya, dai ibi weeraboneni. I‑di Deoso dai‑ya sawi, dai‑ya nofe, dai atibodi ati‑ya nasomebonane.

Korito yoto‑ke 2:3

Dai‑ka yama hani‑bone okanahanamaroni, dai ene amosawamabonehe. Dai tabaro‑ya kobo·oniya, dai ene owatibodi komarabone, dai ene ya‑yai·obisabone owatibodi ati namaroni. Ya‑yai·oniya, dai ya‑yainaharebone owatibodi ati nani.

Korito yoto‑ke 7:7

I‑di Tito koboname, oda ya‑yai, fare i‑di Tito‑ya dai kasomamone dai tamine oda mita, oda ya‑yai, oda‑ya dai ati foyamone, oda kobonabone oda‑ya dai nimanamone, dai owa ene amosare ene dai ohinamone, dai tamine omita, owa ya‑yaini ba‑basi nineni.

Firibo 1:4

Deoso‑ya dai tamine ohiyari dama, Deoso dai‑ya kasomebona ona, ya‑yai·oneni.

Firibo 2:16

Deoso ati dai nofa, mai ihi amosara mai dai hiyarahi. “Yeso dai‑ya nofe, dai manakone‑ya nanahabemata, ati dai nofeya, dai abaraboneni.” Dai ati nahi. Haa‑nima dai ene niya, Kirisito kamataseya, dai ene ya‑yai·ona, oka yama anini honita tohara owatowahaboneni.

Firibo 2:20

Owa‑nima Timoti ne, dai‑ya nofi nafine. Mai one dai‑ya nofi bi‑bidi na, i‑di Timoti‑ta dai‑ya nofi nafine.

Firibo 4:2

Efodiya, i‑di Sitiki, dai fama owati dai mitahi. Yeso ati dai nofa, dai ibi nofa, dai ibi weeriyahi.

Koroso 2:5

Dai‑ya osawira, dai‑ya owati foyani. Dai ibi kasomahi, Satanasi‑ka keyehe‑ya dai one nofarabonehe. Yeso ati‑ya dai nofi nafi, dai ene ya‑yai·oneni.

Tesaronika yoto‑ke 2:13

Dai tamine oda hiyarateni, Deoso‑ya. Dai ene oda ya‑yaineni. Deoso dai‑ya nofe, dai‑ya kadike, yama‑ya wamani awisareya, dai‑ya kadikematane. Deoso tabaro‑ya dai winawahaboneni. Yeso ati dai no‑nofa, Deoso‑ka Doni dai‑ya sawi, dai ene namosebonaha.

Timoti yoto‑ke 1:4

Hibati‑ya yana·oniya, ohitinamaro, tiwa ene owatibodi yama‑ya dikineni. Owatibodi tiwa‑ya foyani. Tiwa oawiya, ya‑yai·onaboneni.

Firimo 1:20

I‑di Onesimo tiwa tabaro‑ya koboneya, haa‑nima tiwa ene nabone owatibodi ati nofani. Deoso tiwa‑ya kasome‑nima i‑di Onesimo tikasoma, ya‑yai·onaboneni.

Yowaho yoto‑ke 1:4

Ai‑ka Abi i‑di Deoso ati‑ya mai kaminamaro, mai ati‑ya tika madehe tokadaba mai ihi ya‑yai·oneni.

Yowaho faina 1:4

Deoso ati‑ya oka dao tokadabe tamine omita, owa ya‑yaini nafi, yama one tamine omita, owa ya‑yaini bi‑bidi teni.