Firibo 2:17 - Deoso-ka Yama Hani

¹⁷ Hibayata o·aba yama sibaraboneni. Owa emene‑ya Deoso aweya, Deoso ati dai no‑nofa dai ene amosa na‑ya Deoso kayafe, ai ya‑yainamatahi.

Firibo 2:17 ပူးပေါင်းရင်းမြစ်များ

Timoti yoto‑ke 4:6

Ai amoni fa‑famaraba niya, owa‑ya mai nanahababoneni. Deoso owatibodi‑ya kayafawahebonane.

Homa 15:16

Owa‑ya Deoso yosemarine, Bara dai‑ya Yeso Ati Amosabote okaminabonehe. Yeso ati dai nofiya, Deoso‑ka Doni dai‑ya hawa toniya, Deoso‑ya dai‑ya daa·oniya, dai‑ya kayafawahebonane.

Korito yoto‑ke 12:15

Dai‑ya okasomabone, dai ene oka yinero tosiyoya, dai ene o·abiya, sibaraboneni. Dai‑ya onofi ba‑basi oniya, owa‑ya dai nofi bi‑bidi bana?

Koroso 1:24

Deoso Ati Amosabote okamina, owa‑ya mai bisina, owa abano komamaroni. Owa‑ya mai bisina, oyawara, ya‑yai·obisamaroni. Kirisito‑ya mai bisinamaro‑nima ai‑ya mai bisinawaha, Kirisito‑ka ai amani. Kirisito abano‑nima ai nawahaboneni. Kirisito‑ka mai okasoma, Kirisito ati‑ya mai nofara owa‑ya mai bisinamaroni.

Firibo 1:20

Owa‑ya mai nanahabiya, sibarihi, owa‑ya mai nanahabi awiriya, sibarihi naboneni. Owati ihi Yeso ati‑ya mai nofawahaba awineni. Mai ihi owa habo siitoraboneni. Owa ene‑ya mai awiya, Kirisito ati‑ya mai nofabone owatibodi ati nofateni.

Korito yoto‑ke 7:4

Dai ene amosabone owatibodi ati na, dai ene owatibodi ya‑yaiteni. Dai ene amosa tamine oda kaminateni. Oda‑ya mai wee, oda‑ya mai bisina, oda korikasara, dai ene oda ya‑yainibisateni.

Yowaho daidi 3:16

Deoso ai‑ya nofa, Yeso ai‑ya nofa ne, ai manakone‑ya nanahabemarine. Yeso ene ai awa, ai‑ya nofe‑ya ai watowahineni. Yeso ene‑nima ai ene na, ai‑ka mai ihi ai aba, ai sibaraboneni.

Homa 12:1

Yodeo dai toha, Bara dai toha, dai na, oka soho dai amani. Owati dai mitahi. Deoso dai‑ya kasomi nafi ene Deoso‑ya dai‑ya dai daanahi. Hibati‑ya Deoso‑ya mai kahiyarabone, Deoso mai‑ya kayafebona, bani‑ya mai nanahaba, Deoso‑ya bani‑ya mai daanameteni. Deoso dai‑ya kayafemari, fara dai‑ta dai abara, dai hasina, Deoso‑ya dai‑ya dai daanahi, Deoso ati‑ya dai tokadababonehe. Haa‑nima dai ene niya, Deoso ya‑yainebonane.

Bedoro daidi 2:5

Deoso‑ka yobe kote Yeso Kirisito tohane. Yati hasikana‑nima Yeso tohe, dai tohaharineni. Yeso ene yama amosa‑ya dai daanaboneni, Deoso‑ya.

Tesaronika daidi 2:8

Dai oda nofi nafe, dai‑ya Deoso Ati Amosabote oda kamina, dai ene yama oda anini kita, dai oda kasoma, mai‑ka yama wadara mai oda kasoma, oda namaroni.

Firibo 4:18

Oka yinero‑bona dai daaneya, i‑di Bafodito kakame ene oka yama damawahineni. Deoso‑ka yama‑bone‑ya ai daana, Deoso ya‑yaitene. Deoso‑ka yinero‑bona‑ya owa‑ya dai daana, dai ene Deoso ya‑yainebonane.

Firibo 2:30

Kirisito‑ka yama anini‑ya kite, abi yanatone, yama yaki‑ya dai wina owa dai kasomara, Bafodito‑ta owa‑ya kasomane.

Yeso‑ka yo‑yose mai tamine 21:13

“Hini yamata ihi dai ohina? Dai ati ene owatibodi koma, Yerosare‑ya owa‑ya mai sokiniya, sibaraboneni. Yeso tamine ene owa‑ya mai nanahabiya, o·abiya, sibaraboneni.” Baoro ati nemarine.

Yeso‑ka yo‑yose mai tamine 20:24

O·abiya, sibaraboneni. Ai‑ka Ayo Yeso owa‑ya yose‑mari ati‑nima owa ene na ya‑yai·onaboneni. Deoso ene ai manakone aba tamine okaminabone ati nemarine.

Korito yoto‑ke 6:10

Mai ihi oda atibodi koma, oda ya‑yainasa na, yama oda kiharamone mai ati na, oda ati‑ya mai nofa, Deoso tabaro‑ya mai‑ka yama dama toha, tosiyoteraboneni. Yinero oda kihara, Deoso‑ka yama nafi oda kayafabisaboneni.

Firibo 2:18

O·abiya, ya‑yai·onabone, owa eyehe dai ya‑yainahi.

Korito yoto‑ke 4:12

Yeso ati oda kamine ene oda‑ya mai ati nanahaba, dai‑ya Yeso ati oda kaminemari, ati dai nofe, dai abamaraboneni.