Firibo 2:16 - Deoso-ka Yama Hani

¹⁶ Deoso ati dai nofa, mai ihi amosara mai dai hiyarahi. “Yeso dai‑ya nofe, dai manakone‑ya nanahabemata, ati dai nofeya, dai abaraboneni.” Dai ati nahi. Haa‑nima dai ene niya, Kirisito kamataseya, dai ene ya‑yai·ona, oka yama anini honita tohara owatowahaboneni.

Firibo 2:16 ပူးပေါင်းရင်းမြစ်များ

Mateo 10:27

Hibayata dai ohiyara, dai damara, makobote mai nafi‑ya dai hiyarawahaboneni. Owati dai mita, owati dai kaminaboneni, mai nafi‑ya.

Roka 12:8

Mai‑ya dai hiyariya, ‘Yeso‑ka ama·oni.’ Dai ati niya, ‘Oka mai amani.’ Onahareboneni, Deoso‑ka yo‑yose mai‑ya.

Yowaho 6:63

Ai atibodi ene ai abarani. Ai abano ababisateni. Dai atibodi tamine‑ya ohiyara, owati dai nofiya, dai abaraboneni.

Yowaho 6:68

“Ayo, oda toki awirini. Ai abaterabone‑ka hawi yofitikana, ai‑ya yo‑yofikana‑ba ai owa wadarane.

Yeso‑ka yo‑yose mai tamine 13:26

Soho, Abaraho‑ka nodi dai toha, Deoso ati dai no‑nofa, dai na, ai manakone‑ya Deoso‑ka Ka‑kadika nanahabebona tamine‑ya Deoso ati‑ya mai mi‑mita‑mete mai kanahanameteni.

Korito daidi 1:8

Deoso dai eme‑ya nakitebonane, dai ene amosa fawarabonehe. Yeso Kirisito koboneya, dai ene ya‑yainebonane.

Korito daidi 9:26

Mai ibi kanakanabone mai kanana, mai koboni‑bone‑ka hawi boni tati‑ya mai kakatoma, mai‑nima Deoso tabaro‑ya okabone ona, Deoso tabaro koboni‑ya noko·oni ohariteni. Mai ibi koona yama honita‑ya mai koonisarabone mai ati teni. Mai‑nima owati yananiya, owati honita toharabone owatibodi ati teni.

Korito yoto‑ke 1:14

Hibayata oda‑ya dai wato bide toha, oda‑ya dai nofa, oda ene dai ya‑yaina, fara‑nima dai oda nofa, dai ene oda ya‑yainahare, ai‑ka ayo i‑di Yeso kamataseya, ai ibi tamine kaminaboneni.

Karatiya 2:2

Yerosare‑ya kobo·ona, Yeso ati‑ya mai no‑nofa mai webote‑ta mai‑ya ohiyarineni. Bara mai‑ya Deoso Ati Amosabote okamina, tamine mai‑ya ohiyarineni. Owatibodi yama‑ya dika, “Owati‑ya mai mitiya, owati‑ya mai nofaba awineni. Owa‑ya mai weenaba awineni. Owa‑ya mai one ati barinaba awineni.” Owatibodi ati namaroni. Webote mai‑ya ohiyara, “Bara mai‑ya Deoso Ati Amosabote okaminateni.” Onamaroni. “Sibarini, tiwa ene amosini. Bara mai‑ya Yeso tamine tikaminiyahi.” Mai ati namaroni.

Karatiya 4:11

Dai tamine omita, owa habo siitonineni. Dai‑ya ohiyaramaro, owati honita toha awineni.

Firibo 1:10

Yama Deoso atibodi kobohina‑nima dai atibodi koboniya, dai ene amosaboneni. Yeso Kirisito kameya, dai‑ya weeterebonane. “Dai ene amosini.” Ati neya, dai ya‑yainaboneni.

Firibo 1:6

Deoso ene Yeso ati dai nofawahamaro, Deoso ene dai ene amosateboneni. Yeso Kirisito kameya, Deoso ene neme‑ya dai sawiwahabone, dai‑ya owatibodi watoneni.

Tesaronika daidi 2:19

Ai‑ka Ayo Yeso kameya, dai tamine‑ya oda hiyaraboneni. Hibati‑ya Deoso Ati Amosabote dai‑ya oda kamina, oda ati‑ya dai nofamaro, dai ene Yeso ya‑yainebonane. Dai tamine‑ya Yeso hiyareya, oda ya‑yainahareboneni.

Tesaronika daidi 3:5

Tesaronika‑ya dai wi‑wina Yeso ati‑ya dai nofamaro, Yeso ati‑ya dai nofasa na awineni, oda ati na, i‑di Timoti oda yosemaroni, dai tamine‑ya mitebonaha. Satanasi dai‑ya keyeheya, Satanasi ati dai nofarabone oda atibodi ati nofani. Satanasi ati dai nofa‑mani, oda ati aba neni.

Ebereo 4:12

Deoso ati kitabote tohe, yima ini fama, ini inokima‑nima ne. Ai atibodi ai korimari na‑ya kebitene. Ai atibodi ati, ai atibodi yama hinofa hina‑ya kadikatene.

Bedoro daidi 1:23

Deoso ati abatere, ati dai nofa, dai‑ka Abi i‑di Deoso tohe ene dai atibodi yati toha, ai wada yati‑nima dai nawaha, Deoso ene dai atibodi abaterabone, neme‑ya dai winamakeboneni.

Yowaho daidi 1:1

Hibati‑ya yama nafi Deoso wamahinamete awisari‑ya Yeso winemata kaki, ati oda mita, abano oda awa, oda boyonemarine. Yeso ai‑bone‑ya wamanemata tamine okanahanaboneni. Yeso awire‑mana, ai awira neni.

Yeso Kirisito ene‑bona 22:17

Deoso‑ka Doni ati toha, Kaneiro Bidi fadi‑bone ati toha na, mai ati, “Yeso, kobotinahi.” Yama hani ati dai mitiya, dai ati yananamatasahi. “Yeso, kobotinahi.” Dai ati nahi. Dai bako hoko‑ya dai kamahi. Ai abarabone‑ka faha dai fawiya, manakone wadaraboneni.