Firibo 2:11 - Deoso-ka Yama Hani

¹¹ “Yeso Kirisito ai‑ka Hidi amatini.” Mai dami ati naboneni. Ai‑ka Abi i‑di Deoso‑ya mai kahiyaraboneni.

Firibo 2:11 ပူးပေါင်းရင်းမြစ်များ

Mateo 10:32

Mai‑ya dai hiyariya, ‘Yeso‑ka ama·oni.’ Dai ati niya, Okobi ohiyariya, ‘Oka mai amani.’ Onaboneni.

Roka 2:11

Hibayata Dafi tabaro‑mata‑ya ewe wade, dai‑ya Ka‑kasoma‑tebona amane. Deoso‑ka Ka‑kadika amane. Ai‑ka Hidi Webote amane.

Yowaho 12:42

Yeso ati‑ya mai dami nofa, Yeso ati‑ya oda‑ka hidi mai dama mai nofahare, hini mai tamine‑ya mai kamini awirani. “Oda tamine‑ya oda kaminiya, fariseo oda‑ya mai kakoya, Deoso‑ya mai hi‑hiyara‑ke yobe‑ya oda sawimaraboneni.” Mai atibodi ati namaroni.

Yowaho 13:13

Owa‑ya dai ayo nineni. Dai‑ya ka‑kanawato owa‑mone dai ati na, dai ati‑nima oneni.

Yowaho 13:14

Dai‑ya okanawata, dai‑ka Ayo ama·oni. Dai teme soko·oni‑nima dai ibi teme sokoniyahi.

Yowaho 14:13

Yama onofa‑nima yama na dai nofa, owa‑ya dai haaniya, dai ati‑nima onaboneni. Owa ene‑ya mai awa, Deoso‑ya mai kahiyaraboneni.

Yowaho 14:23

“Owa‑ya mai no‑nofa, owati‑ya mai tokadababoneni. Owati‑ya mai tokadaba mai‑ya Okobi nofebonane. Okobi oda fama mai wini‑kaya oda winaboneni.

Yowaho 17:1

Oda‑ya hiyari hawa tohe, neme‑ya tonokomise, Deoso‑ya hiyare, “Abi, tiwati‑maro‑nima yama yananaboneni. Tiwati ihi owa ene amosabote‑ya mai awahi. Owa ene‑ya mai awiya, tiwa ene‑ya mai watowahaboneni.

Yowaho 20:28

“Oka Ayo amatini. Oka Deoso amatini.” I‑di Tome ati nemarine.

Yowaho 5:23

Owa‑ya yosemari ene Okobi‑ya mai kahiyari‑nima owa‑ya mai kahiyarahareboneni. Owa‑ya mai kahiyari awira, Okobi owa‑ya yose‑mari‑ya mai kahiyaraharirani.

Yowaho 9:22

Oda‑ka hidi mai‑ya mai nayofinameteni. Hibati‑ya oda‑ka hidi mai ati yanana, “Yeso i‑di Deoso‑ka Ka‑kadika‑mona mai one ati na, Deoso‑ya mai hi‑hiyara‑ke yobe‑ya mai tokiyomamaraboneni.” Oda‑ka hidi mai ati nameteni.

Yeso‑ka yo‑yose mai tamine 10:36

Hibati‑ya Deoso Bidi‑ya yosene, Isara·eo‑ka nodi mai‑ya Ati Amosabote hikaminebonaha. Yeso Kirisito ati‑ya mai nofa, Deoso mai‑ya ati somawamebonane. Fare‑nima Yeso Kirisito ati dai nofa, Deoso dai‑ya ati somawamaharibonane.

Yeso‑ka yo‑yose mai tamine 2:36

Isara·eo‑ka nodi dai toha, yama dai watohi! Yeso dai baakanemari, Deoso ene ai nafi‑ka Hidi tohe, Kirisito amane. Dai ati kadamowamariyahi.” Bedoro ati nane.

Homa 14:11

Hibati‑ya Yeso ati‑ya i‑di Isa·iya kanahano, “Okitamiya, neme‑ya owinamatasiya, owa noko‑ya mai yobati‑kaya mai nafi nahabone, mai moikanisa, ‘Deoso amatini.’ Mai nafi ati naboneni.” Ati ne. Ati‑ya i‑di Isa·iya kanahanomatane, Deoso‑ka yama hani‑ya.

Homa 14:9

Hibati‑ya Yeso Kirisito abe, kitamematane, ai hasi, ai aba na, ai nafi‑ka hidi tohebonaha.

Homa 15:9

Bara mai‑ya Yeso kasomahari, Deoso‑ya mai kahiyarabone tamine‑ya Dafi hibati‑ya kanahano, “Bara mai‑ya Deoso tamine okaminiya, mai eyehe Deoso okahiyara, hika wayoma oda hirinaboneni.” Deoso‑ka yama hani‑ya Yeso tamine‑ya Dafi kanahanomatane.

Korito daidi 12:3

Deoso ati‑mona mai ati na, mai ati dai nofa kanibote riyahi. Mai ati dai mita, mai ati‑ya dai atibodi kadikiya, mai ati dai watowahaboneni. Yeso ati kasiro‑mona mai ati na, Deoso‑ka Doni ati tohi awire, madi mai ati tohabisineni. “Yeso ati amose, ai‑ka Hidi amane.” Mai ati na, Deoso‑ka Doni ati‑ya mai ati tohateni.

Korito daidi 15:47

I‑di Adaho bofe‑ke atabo‑ya Deoso wamahine, Adaho owa i‑di Yeso Kirisito neme‑ke amane.

Korito daidi 8:6

Bofe‑ka mai‑ka deoso mai dama, Deoso yokana ohari, ai‑ka Abi amane. Yama nafi‑ya Deoso wamanemata, fare ai kahiyarahi. Deoso Bidi yokana i‑di Yeso Kirisito ai‑ka Hidi yokana oharine. Yama nafi‑ya wamanemata ene ai hasinineni.

Bedoro daidi 1:21

Hini Bidi‑ya Deoso nakitame, neme‑ya towakame, wehene nafi‑ya daanematane. Bidi ati‑ya dai nofa ene badi‑ya dai watowaha, ati‑ya dai nofa, tabaro‑ya dai tokabone dai nimaneni.

Yowaho daidi 4:15

Deoso ati‑ya mai no‑nofa, “Yeso, Deoso Bidi amane.” Mai atibodi ati na, mai atibodi‑ya Deoso wine, Deoso‑ka mai tohateni.

Yowaho daidi 4:2

“Deoso Bidi i‑di Yeso bofe‑ya kame, ai‑nima tohemarine.” Mai ati na, Deoso‑ka mai toha, Deoso‑ka Doni ati mai ka‑kamina ai watoteni.

Yowaho yoto‑ke 1:7

Ai tabaro dami‑nima keyehe‑ya mai hi‑hiri mai tokateni. “Deoso Bidi, i‑di Yeso Kirisito bofe‑ya kakiterene.” Mai ati na. Haa‑nima mai ati na, Satanasi‑ka mai toha, Kirisito‑ya mai ka‑kako mai amane.

Yeso Kirisito ene‑bona 3:5

Hawi bai‑ya dai maanamara, dai amosineni. Bora sawa‑ya dai sakonabone, Deoso tabaro‑ya dai sawebone, dai abarabone‑ka yama hani‑ya dai oni kawaneni. Dai oni abaraboneni. ‘Oka mai amani.’ Onaboneni. Okobi, Okobi‑ka yo‑yose mai toha, mai na, mai‑ya okaminaboneni.