Firibo 2:1 - Deoso-ka Yama Hani

¹ Kirisito‑ka dai toha, Kirisito dai‑ya kasome, dai ya‑yainabone, Yeso dai‑ya nofe, dai atibodi koma‑ya nasomawama tene. Deoso‑ka Doni dai‑ya sawi, dai ibi nofiya, dai owa atibodi kome, dai atibodi komahari nani.

Firibo 2:1 ပူးပေါင်းရင်းမြစ်များ

Roka 2:25

Simiyaho tamine timitahi. Yerosare‑ya i‑di Simiyaho sawi, ene amose, Deoso ati‑ya nofematane. Deoso‑ka Ka‑kadika Isara·eo‑ka nodi mai‑ya kasomatebona yama hani ati na, fara‑ya Simiyaho nimanematane. Deoso‑ka Doni Simiyaho‑ya sawimatane.

Yowaho 14:18

Dai‑ka abi wadamare‑nima dai ni awirabone, dai‑ya okomatasaboneni.

Yowaho 14:27

Dai habo siitoni awiraboneni. Bofe‑ka dai‑ya mai ati kasomabone mai kitara, mai ati‑nima owati ni awirini, owati ihi dai habo siitoraboneni. Dai atibodi yama‑ya dikariyahi. Dai habo siitoriyahi.

Yowaho 17:13

Tiwa‑ya okomabone, bofe‑ya winasa ona tiwa ohiyara, owati mai mitiya, mai ya‑yaini nafiwahaboneni. Ya‑yai·ona‑nima mai ya‑yainaboneni.

Yeso‑ka yo‑yose mai tamine 2:46

Mahi‑nima Deoso‑ka yobe‑ya mai yorotokana, Deoso‑ya mai hiyara, tabora‑ya mai tokoma, mai tafe‑ya mai ebena, mai nafi ya‑yainawahani. Yama‑ya mai da‑daa mai ya‑yai, yama‑ya mai kayafa, mai ya‑yai namoneni.

Yeso‑ka yo‑yose mai tamine 4:32

Yeso ati‑ya mai no‑nofa mai atibodi fara hinama toha, “Owa hare oka yama tohi awirini. Ai nafi‑ka yama amani.” Mai nafi ati teni.

Homa 5:5

Deoso tabaro‑ya ai winabone yama ai nimana, Deoso‑ka Doni ai atibodi‑ya wine ene Deoso ai‑ya nofi nafi ai wato, ai‑ya nofi fawaterebonane.

Homa 8:26

Ai atibodi yama nafi‑ya watora, Deoso‑ka Doni ai‑ya kanawatotene. Deoso‑ya yama‑ya ai atibodi haanabone, yama ai watora‑ya Deoso‑ka Doni Deoso‑ya basane, ati ai mitare, Deoso‑ta ati himitatene.

Korito daidi 12:13

Hibati‑ya Yodeo ai one toha, Kereko ai one toha, ai‑ya mai ka‑kanika ai one toha, ai‑ya mai kanikara ai one toha namaroni. Makobote Deoso‑ka Doni ene Yeso kobobone ai tohawaha, fara hinama ai‑ya Deoso‑ka Doni sawiwahane.

Korito daidi 15:31

Oka soho dai toha, ai‑ka ayo Yeso Kirisito ene dai onofi nafe, yama‑ya dai wato awisa ra awineni. Ai kitamaboneni. Mahi‑nima owa‑ya mai ati nanahabateni.

Korito daidi 3:16

Deoso‑ka yobe dai toha, Deoso‑ka Doni dai‑ya sawi dai watokarini?

Korito yoto‑ke 13:14

Deoso‑ya dai tamine ohiyara, ai‑ka Hidi Yeso Kirisito dai‑ya kasome, Deoso dai‑ya nofe, Deoso‑ka Doni dai‑ya sawinebona oteni. Feye amani.

Korito yoto‑ke 2:14

Deoso kitabote tohe, ai kahiyarahi. Mai tabori dami‑ya oda toka, Satanasi mai yadihinamaro, Deoso ene mai oda seekana, yama mahi amosa ai hisina, ai ya‑yaina, fara‑nima Kirisito ati oda kamine, ati‑ya mai mita, mai ya‑yaiteni.

Karatiya 4:6

Deoso bidi ai tohawaha, Deoso‑ka Doni ai atibodi‑ya sawi ene Deoso ai Abi nineni. Deoso ai‑ya ewe tene. “Abi Deoso” ai ati teni.

Karatiya 5:22

Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.

Efesiyo 4:4

Yeso‑ka ai hinama toha, Deoso‑ka Doni ohari ai‑ya sawitene, Deoso ai‑ya haanemari, Deoso ati‑nima yama nabone‑ya ai nafi nimanineni.

Firibo 1:8

Deoso owatibodi ati‑ya wato, Yeso Kirisito dai‑ya nofi nafi‑nima dai onofi nafini. Dai‑ya owatibodi foyani.

Firibo 3:3

Deoso ai atibodi‑ya namose ene Deoso‑ka ai tohateni. Ai abano wisina ene tohaterani. Deoso‑ka Doni ai‑ya sawi, Deoso‑ya ai kahiyara, Yeso Kirisito ene ai ene amosawamateni. Mai sowiri tati ataro wisina ihi mai‑ya mai kahiyara, ai ataro ene ai‑ya ai kahiyaraterani.

Koroso 2:2

Dai atibodi ya‑yainabone, dai ibi nofi nafi nabone, Deoso‑ka yama nafi dai watabone, Kirisito tamine mai hiwatoremari dai watowahebonane.

Koroso 3:12

Deoso‑ka dai toha, dai‑ya nofe, dai‑ya kadikemata, hika dai tohawahaboneni. Mai atibodi koma mai‑ya kasoma, dai ene amosa, dai‑ya dai kahiyarariyahi. Yama‑ya dai nimana, dai yawariyahi.

Ebereo 6:18

Deoso ati‑mata ai kadika, ene‑mata ai kadikamaki, Deoso ati‑nima ene ne ai wato, fare ati‑nima nebona ai wato, ai nimane, ai habo siitoraboneni.

Bedoro daidi 1:2

Hibati‑ya yama nafi‑ya ai‑ka Abi i‑di Deoso wato, dai‑ya kadikemata, Hika Doni dai‑ya sawiwahebonane. Yeso Kirisito emene‑ya dai atibodi‑ya wisane, dai atibodi besene fawanani, Yeso Kirisito ati dai tokadababonehe. Deoso‑ya dai tamine‑ya ohiyara, “Abi Deoso, mai‑ya tikasoma, mai atibodi mai‑ya ati soma ba‑basi naboneni.” Oteni.

Yowaho daidi 3:24

Deoso ati ai nofa, ati ai tokadaba, Deoso‑ka Doni ai‑ya sawitene. Deoso‑ka ai toha, ai‑ya sawi ai watotene.

Yowaho daidi 4:12

Deoso ai awaterani. Ai ibi nofa, Deoso ai atibodi‑ya winatene. Deoso ai atibodi‑ya wine, ai ibi nofi nafeboneni.

Yowaho daidi 4:16

Deoso ene oda awemari, oda nafi‑ya nofe oda watowahane. Ai nafi‑ya Deoso nofe, fare‑nima mai ai nofa, Deoso‑ka ai toha, ai atibodi‑ya sawitene.