Firibo 1:7 - Deoso-ka Yama Hani

⁷ “Dai onofa, sibarineni.” Owatibodi ati na, owatibodi dai‑ya foyateni. Deoso Ati Amosabote okamina, owa dai kasoma, kadeya‑ya ofoya, owa‑ya dai kasoma, fara owa manakone kote dai kayafahareboneni.

Firibo 1:7 ပူးပေါင်းရင်းမြစ်များ

Yeso‑ka yo‑yose mai tamine 20:23

Ai tabaro dami‑ya Deoso‑ka Doni ati ene‑mona owa‑ya mai hiyarateni. ‘Yerosare‑ya tikiya, kadeya‑ya tiwa‑ya mai nafoyiya, tiwa‑ya mai bisinaboneni.’ Mai ati teni.

Yeso‑ka yo‑yose mai tamine 21:33

Sodado mai‑ka hidi Baoro‑ya damane, sodado mai‑ya haane, “Koheti fame‑ya dai sokinaho.” Ati nane. Mai yorotokana mai‑ya haane, “Oni emenati? Hini yamata ihi dai waratonati?” Ati nemarine.

Korito daidi 13:7

Mai ai nofa mai ihi amosara, Deoso ene mai ihi amosawamabone ai atibodi ati teni. “Owa ene amosawami nofani.” Mai ati na, Mai ati ihi ai ya‑yaina, mai ihi amosawami awisara, mai ihi‑ta ai nofara, mai aboni‑ta ai nofabisateni.

Korito daidi 9:23

Kirisito Ati Amosabote‑ya mai mitiya, ati mai hinofebona ona, owati ihi Kirisito ati‑ya mai nofa, Kirisito owa‑ya kasomaharibonane.

Korito yoto‑ke 3:2

Oda‑ka yama hani dai amani, oda atibodi‑ya Deoso dai‑ya kanahano, dai oda nofa, dai ene‑ya mai one awiya, oda tamine‑ya mai watowahaboneni.

Korito yoto‑ke 7:3

Dai‑ya wee·ora, dai‑ya oda nofi nafe, oda hasi, oda aba niya, dai nofi‑ya oda fawaraboneni.

Karatiya 5:6

Yeso Kirisito‑ka ai toha ai sowiri tati ataro‑ya mai wisinakosa, ai‑ya kasomarihi, mai wisinakosara, ai‑ya kasomarihi, Yeso ati ai nofa, mai one ai kasoma na ai‑ya kasomabisateni.

Efesiyo 3:1

Bara dai tamine‑ya owatibodi kadika, dai tamine‑ya Deoso‑ya ohiyarateni. Yeso Kirisito tamine‑ya dai‑ya okaminamaro, kadeya‑ya owa‑ya mai nawaamaroni.

Efesiyo 4:1

Ai‑ka Ayo i‑di Yeso Kirisito ati okamine, kadeya‑ya owa‑ya mai nawaa, owati dai mitahi. Deoso dai‑ya haanemata, Yeso‑ka dai toha, ati dai tokadabaho.

Efesiyo 6:20

Kirisito tamine ohiyare, kadeya‑ya owa‑ya mai nawaamaro, waasa ona, Deoso dai hiyarahi, owa habo siitorabonehe. Owa habo kitiya, Yeso ati okaminamakitasaboneni.

Firibo 1:12

Oka soho dai toha, yama‑ya dai watowahabone, dai‑ka yama hani‑bone okanahanaboneni. Kadeya‑ya owa‑ya mai nawaa, mai ihi Kirisito tamine‑ya mai one mitawahineni. Owa‑ya mai nawaara‑mani, Yeso tamine‑ya sodado mai mitara neni. Owa‑ya mai nawaa, Yeso Ati Amosabote‑ya mai‑ya okaminineni.

Firibo 1:13

Yeso ati okadabe ene kadeya‑ya owa‑ya mai nawaani. Fara Yeso‑ka oha, owa‑ya Sodado mai wato, ahiyata‑ka owa‑ya mai wato nineni, mai nafi.

Firibo 1:14

Kadeya‑ya owaanasa oriya, ai‑ka soho mai habi kitaramaro, kadeya‑ya owaawahiya, mai habi kitawaha, Deoso ati‑ya mai kamina, mai habi siitorani.

Firibo 1:5

Deoso ati ohiyara, owa‑ya dai kasomateni. Hibati‑ya Deoso Ati Amosabote dai miti baha, owa‑ya dai kasomamaro, owa‑ya dai kasomanasa teni. Dai ene ya‑yai·oneni.

Firibo 2:22

I‑di Timoti ene dai awemari, ene sibaremarine. Oka dao‑nima i‑di Timoti ne, oda fama, Deoso‑ka yama oda aninineni, Deoso Ati Amosabote mai watowahabonehe.

Firibo 4:14

Owa‑ya dai kasoma, yinero‑ya dai daana, dai ene amosini.

Firibo 4:15

Hibati‑ya dai‑ya Deoso tamine ohiyari baha, owa dai kasoma, mai one owa‑ya kasomi awirani. Dai‑ta owa‑ya dai kasomabisa, Masedoni‑kaya yana·ona, oka yinero‑bona‑ya dai daanamaroni. Mai one yinero‑ya daaterani. Dai‑ta yinero‑ya dai daanibisineni.

Firibo 4:3

Oka owa amatini. Mai fanawi tikasomahi, mai ibi nofabonehe. Yeso ati okamina, owa‑ya mai daba, yama‑ya mai anini kitamaroni. I‑di Keremete mai nafi owa‑ya mai daba, neme‑ka yama hani‑ya mai oni‑ya Deoso kanahanomatane. Mai abaterabone, Deoso tabaro‑ya mai winabisaboneni.

Koroso 4:18

Owa‑ya kadeya‑ya mai nawaa, owa yehe‑ya yama hani okanahanowahani. Baoro ama·oni, owa dai watoyahi. Owa tamine dai hiyarahi Deoso‑ya. Deoso dai‑ya sawibonane. “Deoso, Koroso‑ya mai wi‑wina mai tikasomahi.” Oteni. Feye amani.

Koroso 4:3

Deoso‑ya dai hiyariya, oda tamine dai hiyara, “Abi Deoso, Baoro mai tikasomahi, tiwati‑ya mai kaminabonehe, mai dami‑ya. Yeso Kirisito tamine‑ya mai kaminabone, mai tikasomahi.” Dai ati nahi. Yeso Kirisito tamine ohiyaranadi ene kadeya‑ya owa‑ya mai nawaani.

Tesaronika daidi 5:5

Yama tehe‑ka dai toha, yama tehe‑ya mai ihi amosa, mai ihi‑nima dai ene teni. Yama soki‑ya mai ihi amosara, mai ihi‑nima dai ene terani.

Timoti yoto‑ke 1:8

Ai‑ka Ayo i‑di Yeso ati tihiyara, mai noki ihi tiwa habo siitoriyahi. Kadeya‑ya owaa, owa ene tiwa habo siitorihi na, Deoso Ati Amosabote tikaminiya, kadeya‑ya tiwa‑ya mai nawaaba awineni. Tiwa‑ya mai nawaa, sibaraboneni. Deoso tiwa‑ya kasomebonane.

Timoti yoto‑ke 2:9

Deoso Ati Amosabote ohiyare, owa‑ya mai bisina, kadeya‑ya owa‑ya mai nafoyawahani. Koheti‑ya owa‑ya mai yaditona, Deoso ati‑ya mai yaditoterani.

Firimo 1:13

Yeso ati okamine ene owa‑ya mai yaditona, owa‑ya i‑di Onesimo kasomane. Owa‑ya i‑di Onesimo ite‑mana, owa‑ya kasomatase nane. “Firimo, ahiyata‑ya tiwina‑mani, owa‑ya tikasoma neni.” Owatibodi ati nineni. Yama yaki‑ya tiwina ihi, owa‑ya tikasomarani. Tiwati omita‑mani, tiwati amosiya, i‑di Onesimo owa‑ya kasomamataseya, sibare nane.

Ebereo 3:1

Soho, owati dai mitahi. Hibati‑ya Deoso ai‑ya kadike, Yeso‑ya Deoso yosemari, Deoso‑ka yama‑bone‑ya mai da‑daa mai‑ka hidi webote tohe, tamine dai kadikahi.

Bedoro daidi 4:13

Dai ya‑yaina, Kirisito‑nima dai nawaha, makobote Yeso Kirisito amosabote kamatase‑ya dai awiya, dai ya‑yaini nafeboneni.

Bedoro daidi 5:1

Deoso‑ka mai‑ka webote dai toha, owati dai mitahi. Deoso‑ka mai‑ka webote ohaharineni. Hibati‑ya Kirisito‑ya mai bisina, mai hinahabe, neme‑ya tokome, oawamaroni. Makobote Kirisito amosabote kamataseya, Yeso‑nima ohawahaboneni.

Bedoro yoto‑ke 1:13

O·abi awisa oriya, dai‑ya Deoso ati okaminabone onani.

Yowaho daidi 3:14

Ai ibi nofa, ai abarabone ai wato, mai one‑ya mai nofara, mai ababoneni.