Firibo 1:6 - Deoso-ka Yama Hani

⁶ Deoso ene Yeso ati dai nofawahamaro, Deoso ene dai ene amosateboneni. Yeso Kirisito kameya, Deoso ene neme‑ya dai sawiwahabone, dai‑ya owatibodi watoneni.

Firibo 1:6 ပူးပေါင်းရင်းမြစ်များ

Yowaho 6:29

“Deoso ati‑nima dai nabone, Deoso hiyosemari ati dai nofahi.” Yeso ati nemarine.

Yeso‑ka yo‑yose mai tamine 11:18

Bedoro ati‑ya mai mita, fai‑ya mai weenami awirani. “Deoso amosabote amane, ai‑nima mai nawaha, Deoso‑ya mai tamine‑ya Bara mai kamina, mai‑ya Deoso ati somawamebonane. Mai abateraboneni.” Mai ati namoneni.

Yeso‑ka yo‑yose mai tamine 16:14

Fana ohare oni Ridiya toha, tabori bote oni Tiyatira tohateni. I‑di Ridiya bora amosa‑ya da‑daa, yinero‑ya kanikateni. Deoso‑ya nofa, Yeso tamine‑ta wato awisara. Baoro Yeso tamine‑ya kamine, ati‑ya Ridiya mita, Yeso ati‑ya nofawaha,

Korito daidi 1:8

Deoso dai eme‑ya nakitebonane, dai ene amosa fawarabonehe. Yeso Kirisito koboneya, dai ene ya‑yainebonane.

Korito yoto‑ke 1:15

Hibati‑ya dai tabaro‑ya owa toki oharemaro, owa dai wato ba‑basi nabone, dai tabaro‑ya owa toki famamakebone onamaroni.

Korito yoto‑ke 2:3

Dai‑ka yama hani‑bone okanahanamaroni, dai ene amosawamabonehe. Dai tabaro‑ya kobo·oniya, dai ene owatibodi komarabone, dai ene ya‑yai·obisabone owatibodi ati namaroni. Ya‑yai·oniya, dai ya‑yainaharebone owatibodi ati nani.

Korito yoto‑ke 7:16

Hini dai ati‑nima dai ene na, dai ene ya‑yai·oneni.

Korito yoto‑ke 9:4

Masedoni‑ya mai wi‑wina owa‑ya mai saweba awineni. Owa‑ya mai sawiya, yinero dai hawa toniriya, oda‑ya mai hahakana, dai‑ya mai hahakana niya, dai habo siitonaba awineni.

Karatiya 5:10

Deoso ene owati dai nofabone owatibodi ati neni. Dai‑ya mai kanawato a‑arira, mai oni owatora, mai manakone Deoso daahina, amosaraboneni.

Efesiyo 4:12

Ai‑ya mai kasoma, ai ibi kasomamakeboneni. Yeso‑ka ai toha, ai ibi kasomiya, Yeso ati‑nima ai naboneni.

Firibo 1:10

Yama Deoso atibodi kobohina‑nima dai atibodi koboniya, dai ene amosaboneni. Yeso Kirisito kameya, dai‑ya weeterebonane. “Dai ene amosini.” Ati neya, dai ya‑yainaboneni.

Firibo 1:29

Kirisito‑ka dai amani, Yeso ati dai nofaro. Deoso dai‑ya nofe, Kirisito ati dai tokadabiya, dai‑ya mai nakomaboneni. Dai‑ya mai bisina, dai ya‑yainahi.

Firibo 2:12

Hibati‑ya dai‑ya osawe, owati‑ya dai nofamaroni. Hibayata dai‑ya osawira, owati‑ya dai nofasa nahi. Owati abariyahi. Yama‑ya Deoso nofare‑ya yama dai nofahaririyahi. Dai habo siitoniya, ai‑ka Abi i‑di Deoso ati dai tokadabahi, yawarebonaha.

Firibo 2:13

Deoso dai‑ya sawi ene yama hinofa dai nofawaha, ati dai tokadabe, ya‑yainebonane.

Firibo 2:16

Deoso ati dai nofa, mai ihi amosara mai dai hiyarahi. “Yeso dai‑ya nofe, dai manakone‑ya nanahabemata, ati dai nofeya, dai abaraboneni.” Dai ati nahi. Haa‑nima dai ene niya, Kirisito kamataseya, dai ene ya‑yai·ona, oka yama anini honita tohara owatowahaboneni.

Koroso 2:12

Dai‑ya mai habanirisa, dai atibodi amosaramaro, dai atibodi bote aba, dai aba‑nima dai namaroni. Deoso ati ene Kirisito ati dai no‑nofa dai atibodi yati tohawaha, dai kitama‑nima dai nawahani. Yeso Kirisito abemari, Deoso hinakitamemarine. Ai atibodi bote amosara, Deoso ene ai atibodi yati tohawahineni.

Tesaronika daidi 1:3

Oda atibodi yama‑ya kadikineni. Deoso ati dai nofa, Deoso‑ka mai‑ya dai kasomineni. Ai‑ka Ayo Yeso Kirisito kamebona, dai nimateni.

Tesaronika yoto‑ke 1:11

Dai tamine Deoso‑ya oda hiyara, “Tesaronika‑ya mai wi‑wina, mai ihi amosiyahi. Mai tikadikamaro, tiwa ene‑nima mai ihi nahi. Tiwati‑ya mai nofi nafiya, mai ihi amosi nafiwahaboneni.” Oda ati teni Deoso‑ya.

Tesaronika yoto‑ke 3:4

Tesaronika‑ya dai wi‑wina, Yeso ati‑ya dai nofa, dai sibaraboneni. Oda ati dai tokadabamaro, oda‑ka yama hani ati dai tokadabaharebone oda atibodi ati nineni.

Firimo 1:21

Onesimo‑ya tikasomabone owatibodi ati na, tika yama hani‑bone okanahanowahani. Owati‑ya fiyatikanabone owatibodi ati nineni.

Ebereo 10:35

Dai habo siitoriyahi. Deoso dai manakone amosabote‑ya daanebonane.

Ebereo 12:2

Yeso‑ta ai nokotoni oharibisahi. Yeso ene Deoso ati ai nofa, Deoso tabaro‑ya ai winamakeboneni. Yeso Deoso ati‑ya tokadabe, fare‑nima ai nahi. “Deoso owa‑ya kasomebona, ene ya‑yai·onaboneni.” Yeso ati ne. Yeso mai baahikane, awa‑ya waane, abe, mai hahahikane, mai‑ya yawaremata, hibayata Deoso itari‑ka kanika‑ya itariwahane.

Bedoro daidi 5:10

Deoso yama nafi‑ya da‑daa dai‑ya kadikemarine, hini tabaro‑ya dai winawahabonehe. Bofe‑ya dai winasa niya, dai‑ya mai bisina, makobote Yeso Kirisito amosabote‑nima dai nawahaboneni. Deoso ene dai kitawaha dai korikasara, Yeso ati‑ya dai nofi nafiwahaboneni.

Bedoro yoto‑ke 3:10

Ai‑ka Hidi i‑di Yeso kamebonane. Yama‑ya mai botebone mai kaki, ai watoterani. Fara mai kaki‑nima Yeso kami nebonane. Koboneya, neme hirina, hirini moni nafeboneni. Bofe‑ya mai wi‑wina mai abamete mai na mai ihi‑ya Deoso kadikebonane.