Firibo 1:22 - Deoso-ka Yama Hani

²² Hasi·oniya, mai dama mai‑ya ohiyaramakeni. Owatibodi yama kobohina owato awirani.

Firibo 1:22 ပူးပေါင်းရင်းမြစ်များ

Bedoro daidi 4:2

Ai‑ya mai bisina, ai ene amosaramaro ai nofamarabone, Deoso yama‑ya nofe‑nima ai nofabisaboneni.

Karatiya 2:20

Yeso abe, owa manakone‑ya nanahabemarine. Yeso abeya, Yeso eyehe o·aba‑nima onamaroni. Owa abano abara, hini owatibodi bote‑ta aba‑nima nineni. Yeso kitame, owatibodi yati‑ya winane. Owatibodi‑ya wine, Yeso ene‑nima owa ene nawahani. Deoso Bidi owa‑ya nofe, owa manakone‑ya nanahabe, ati onofe, ati‑nima owahani.

Firibo 1:24

O·abara owatibodi nofaharine, Kirisito ati okaminamakebonehe. Dai ene o·abarabone, Kirisito tamine‑ya dai okanawatabone owatibodi ati nineni.

Yeso‑ka yo‑yose mai tamine 3:17

Soho, yama dai watorihi, dai‑ka hidi mai hiwatorihi hina. Yeso Deoso Bidi toharemona dai atibodi ati na, dai nanahabemarine.

Korito yoto‑ke 10:3

Bofe‑ya ai nafi wina, ai ibi weena, ai ati kiti awirini. Deoso ai‑ya weene, ati kitatene. Deoso ati‑nima owati na, dai‑ya wee·oniya, owati kitaboneni.

Koroso 2:1

Owati dai mitahi. Koroso‑ya dai wi‑wina, Raodiseya‑ya dai wi‑wina, owa noko dai awatera, dai tamine omita, dai tamine ohiyariteni, Deoso dai‑ya kasomebonaha.

Homa 11:2

Hibati‑ya Isara·eo‑ka mai‑ya Deoso kadikemata, mai‑ya kakanaterene. Deoso ati‑ya mi‑mita‑mata i‑di Eriya Isara·eo‑ka nodi mai tamine‑ya hiyarane.

Homa 1:13

Dai tabaro‑ya okabone onamaro, mai tabori‑ya yama aninasa ona, dai tabaro‑ya okara. Bara mai dama mai‑ya ohiyarineni, Yeso ati‑ya mai nofabonehe. Makobote dai‑ya ohiyaramakebone onani, Yeso ati‑ya dai one nofamakebonehe.

Firibo 1:23

Yama fama‑ya owatibodi kobonineni. Kirisito tabaro‑ya owatibodi wina, Kirisito tabaro wini amosi ba‑basi nibisane.