Firibo 1:20 - Deoso-ka Yama Hani

²⁰ Owa‑ya mai nanahabiya, sibarihi, owa‑ya mai nanahabi awiriya, sibarihi naboneni. Owati ihi Yeso ati‑ya mai nofawahaba awineni. Mai ihi owa habo siitoraboneni. Owa ene‑ya mai awiya, Kirisito ati‑ya mai nofabone owatibodi ati nofateni.

Firibo 1:20 ပူးပေါင်းရင်းမြစ်များ

Bedoro daidi 4:16

Deoso ati dai tokadaba, dai‑ya mai bisina, dai yawariya, dai ya‑yainahi, Deoso‑ka dai toha, Deoso dai kahiyarahi.

Korito daidi 6:20

Ai manakone‑ya Kirisito nanahabe, Deoso‑ka ai tohawaha, ai‑ka ai tohamara, dai atibodi‑ya Deoso‑ya dai kahiyara, dai ene‑ya mai one awiya, Deoso‑ya mai kahiyaramakiyahi.

Tesaronika daidi 5:23

Deoso ati ene ai ati somateni. I‑di Deoso‑ya dai tamine ohiyarateni. “Abi Deoso, mai atibodi, mai aboni, mai korimari na tinamosahi.” Oteni. Yeso kameya, dai‑ya weeni awirebonane. Dai ene amosabisaboneni.

Yowaho daidi 2:28

Oka madehe‑nima dai na, owati dai mitahi. Kirisito ati‑nima dai ene na, makobote kamataseya, dai ya‑yainaboneni. Yeso ati‑nima mai ihi ra, Kirisito kamataseya, mai kananaboneni, mai habi siitonaro.

Firibo 2:17

Hibayata o·aba yama sibaraboneni. Owa emene‑ya Deoso aweya, Deoso ati dai no‑nofa dai ene amosa na‑ya Deoso kayafe, ai ya‑yainamatahi.

Homa 8:19

Yama nafi Deoso wamahinamete Deoso bidi mai one tohabone mai‑ya nimakaneni. Deoso bidi ai nafi tohiya, yama wamani nafi ya‑yainaboneni.

Korito yoto‑ke 10:8

Ai‑ka Hidi i‑di Kirisito owa‑ya kadikemari, ati ene owa kiti toha, owa kiti dai‑ya kasomabone, dai nakomi‑ya onofara, owa kiti tamine ohiyariya, owa habo siitorani.

Korito yoto‑ke 4:10

Hibati‑ya Yeso‑ya mai nanahababone, Yeso‑ya mai bisinameteni. Oda abano‑ya mai awiya, Yeso‑ya mai bisina‑nima oda‑ya mai bisina mai awaboneni. Oda abano‑ya mai awiya, Yeso kitame oda‑ya kasome‑ya mai watowahaboneni.

Korito daidi 7:34

Mai fanawi honita naha, mai‑ka Hidi i‑di Yeso Kirisito‑ya mai nokotoni ohare, mai aboni, mai atibodi na amosabone, Yeso ya‑yainebonane. Mai fanawi fana, yama fama‑ya mai nokotoniwaha, Yeso‑ya mai nokotonihi, mai‑ka yibote mai‑ya mai nokotonihi teni, mai‑ka yibote mai ya‑yainabonehe.

Homa 5:5

Deoso tabaro‑ya ai winabone yama ai nimana, Deoso‑ka Doni ai atibodi‑ya wine ene Deoso ai‑ya nofi nafi ai wato, ai‑ya nofi fawaterebonane.

Koroso 1:24

Deoso Ati Amosabote okamina, owa‑ya mai bisina, owa abano komamaroni. Owa‑ya mai bisina, oyawara, ya‑yai·obisamaroni. Kirisito‑ya mai bisinamaro‑nima ai‑ya mai bisinawaha, Kirisito‑ka ai amani. Kirisito abano‑nima ai nawahaboneni. Kirisito‑ka mai okasoma, Kirisito ati‑ya mai nofara owa‑ya mai bisinamaroni.

Homa 12:1

Yodeo dai toha, Bara dai toha, dai na, oka soho dai amani. Owati dai mitahi. Deoso dai‑ya kasomi nafi ene Deoso‑ya dai‑ya dai daanahi. Hibati‑ya Deoso‑ya mai kahiyarabone, Deoso mai‑ya kayafebona, bani‑ya mai nanahaba, Deoso‑ya bani‑ya mai daanameteni. Deoso dai‑ya kayafemari, fara dai‑ta dai abara, dai hasina, Deoso‑ya dai‑ya dai daanahi, Deoso ati‑ya dai tokadababonehe. Haa‑nima dai ene niya, Deoso ya‑yainebonane.

Firibo 1:14

Kadeya‑ya owaanasa oriya, ai‑ka soho mai habi kitaramaro, kadeya‑ya owaawahiya, mai habi kitawaha, Deoso ati‑ya mai kamina, mai habi siitorani.

Korito yoto‑ke 7:14

Dai tabaro‑ya i‑di Tito tokebona dai tamine okaminamaroni. “Korito‑ya mai wi‑wina mai ihi amosa, tiwa‑ya mai kasomaboneni.” Onamaroni. Dai tamine ohiyara, owati‑nima yama nihi, Deoso ati dai‑ya oda kaminemari, ati‑nima yama nihi teboneni.

Korito yoto‑ke 5:15

Ai nafi manakone‑ya nanahabe, ai hasina, ai‑ya ai nokotoniriyahi. Ai manakone‑ya nanahabe, kitamemata ai nokotonibisahi.

Korito daidi 15:31

Oka soho dai toha, ai‑ka ayo Yeso Kirisito ene dai onofi nafe, yama‑ya dai wato awisa ra awineni. Ai kitamaboneni. Mahi‑nima owa‑ya mai ati nanahabateni.

Homa 9:33

Ai manakone‑ya Yeso nanahabe Deoso‑ka yati‑nima amane, fare tamine‑ya mai kanahanameteni. “Siyaho‑ya oka yati onawaana, oka yati‑ya mai taratokaniya, owa tabaro‑ya mai koboraboneni. Oka yati ati‑ya mai one nofiya, mai habi siitorabone, owa tabaro‑ya mai kobonibisaboneni.” Deoso ati nematane, yama hani‑ya.

Homa 6:19

Yama‑ya dai watabone dai‑ya ohiyaraboneni. Hibati‑ya dai atibodi bote dai‑ka hidi toha, dai abano kobobona ene amosara tonafemaroni. Hibayata dai abano kobobona Deoso ati‑ya tokadabahi, dai ene amosi ba‑basi nabonehe.

Homa 6:13

Hibati‑ka dai aba, dai yati tohawaha, dai abano kobobona dai daanahi, Deoso‑ya. Dai abano kobobona ene amosaramaro‑nima dai riyahi. Deoso ati kobohina‑nima dai abano kobobona nawahabisahi.

Yeso‑ka yo‑yose mai tamine 21:13

“Hini yamata ihi dai ohina? Dai ati ene owatibodi koma, Yerosare‑ya owa‑ya mai sokiniya, sibaraboneni. Yeso tamine ene owa‑ya mai nanahabiya, o·abiya, sibaraboneni.” Baoro ati nemarine.

Yeso‑ka yo‑yose mai tamine 20:24

O·abiya, sibaraboneni. Ai‑ka Ayo Yeso owa‑ya yose‑mari ati‑nima owa ene na ya‑yai·onaboneni. Deoso ene ai manakone aba tamine okaminabone ati nemarine.

Yowaho 21:19

Bedoro‑ya mai nanahababone mai tamine‑ya Yeso kaminemarine. Bedoro abe ene Deoso‑ya mai kahiyarabone ati ne, ati amane. “Bedoro owa‑ya tisawihi.” Yeso ati nemarine.

Yeso‑ka yo‑yose mai tamine 4:31

Deoso‑ya mai hiyari hawa toha, mai yorotokani‑ke yobe henene, Deoso‑ka Doni mai nafi‑ya sawi ene Deoso ati‑ya mai kamina, mai habi siitonami awiramoneni.

Korito yoto‑ke 3:12

Deoso ati amosi fawaterebona, fare ati ai kamine, ai habo siitoterani.

Korito yoto‑ke 7:4

Dai ene amosabone owatibodi ati na, dai ene owatibodi ya‑yaiteni. Dai ene amosa tamine oda kaminateni. Oda‑ya mai wee, oda‑ya mai bisina, oda korikasara, dai ene oda ya‑yainibisateni.