Firibo 1:14 - Deoso-ka Yama Hani

¹⁴ Kadeya‑ya owaanasa oriya, ai‑ka soho mai habi kitaramaro, kadeya‑ya owaawahiya, mai habi kitawaha, Deoso ati‑ya mai kamina, mai habi siitorani.

Firibo 1:14 ပူးပေါင်းရင်းမြစ်များ

Maroko 3:3

Maki‑ya Yeso hiyare, “Tiwaamisiya, oda teberi‑ya tiwaahi.” Yeso ati ne, maki kamemarine.

Roka 1:74

Tika nodi mai‑ya okasomabone, mai‑ya mai one bisinamarabone, tika nodi owa‑ya mai narifabone, mai habi siitonamaraboneni.

Korito yoto‑ke 3:12

Deoso ati amosi fawaterebona, fare ati ai kamine, ai habo siitoterani.

Korito yoto‑ke 7:4

Dai ene amosabone owatibodi ati na, dai ene owatibodi ya‑yaiteni. Dai ene amosa tamine oda kaminateni. Oda‑ya mai wee, oda‑ya mai bisina, oda korikasara, dai ene oda ya‑yainibisateni.

Efesiyo 3:13

Yeso tamine‑ya dai‑ya ohiyara, kadeya‑ya owa‑ya mai nawaa, dai habo kita, dai yawariyahi. Dai‑ya Deoso kasomebonane.

Firibo 1:20

Owa‑ya mai nanahabiya, sibarihi, owa‑ya mai nanahabi awiriya, sibarihi naboneni. Owati ihi Yeso ati‑ya mai nofawahaba awineni. Mai ihi owa habo siitoraboneni. Owa ene‑ya mai awiya, Kirisito ati‑ya mai nofabone owatibodi ati nofateni.

Firibo 1:7

“Dai onofa, sibarineni.” Owatibodi ati na, owatibodi dai‑ya foyateni. Deoso Ati Amosabote okamina, owa dai kasoma, kadeya‑ya ofoya, owa‑ya dai kasoma, fara owa manakone kote dai kayafahareboneni.

Firibo 4:1

Oka soho dai toha dai onofa, dai‑ya owati foya, dai ene ya‑yai·oneni. Dai tamine ohiyarateni. Owati dai kadika, Yeso dai‑ya sawi, Deoso ati dai tokadabiyahi.

Koroso 4:4

Owa tamine Deoso‑ya dai hiyara, “Abi Deoso, Kirisito tamine‑ya i‑di Baoro kamine, ati amosayaho, tiwati‑ya mai watowahabonehe.” Dai ati nahi.

Koroso 4:7

Dai tabaro‑ya i‑di Tikiko tokebona, owa tamine‑ya dai‑ya hiyarebonane. Deoso ati‑ya nofe, Deoso ati‑ya kaminatene. Deoso haahinemarine, ai‑ka ayo i‑di Kirisito ati‑ya kaminebonaha.

Tesaronika daidi 2:2

Firibo‑ya oda winiya, Deoso Ati Amosabote oda kamina, oda‑ya mai bisina, makobote dai tabaro‑ya oda kobona, Deoso Ati Amosabote oda kamina, oda‑ya mai ati bisi, oda‑ya mai wee, mai na, Deoso ene oda habo siitoni awiramaroni.

Timoti yoto‑ke 2:9

Deoso Ati Amosabote ohiyare, owa‑ya mai bisina, kadeya‑ya owa‑ya mai nafoyawahani. Koheti‑ya owa‑ya mai yaditona, Deoso ati‑ya mai yaditoterani.