Firibo 1:13 - Deoso-ka Yama Hani

¹³ Yeso ati okadabe ene kadeya‑ya owa‑ya mai nawaani. Fara Yeso‑ka oha, owa‑ya Sodado mai wato, ahiyata‑ka owa‑ya mai wato nineni, mai nafi.

Firibo 1:13 ပူးပေါင်းရင်းမြစ်များ

Timoti yoto‑ke 2:9

Deoso Ati Amosabote ohiyare, owa‑ya mai bisina, kadeya‑ya owa‑ya mai nafoyawahani. Koheti‑ya owa‑ya mai yaditona, Deoso ati‑ya mai yaditoterani.

Efesiyo 3:1

Bara dai tamine‑ya owatibodi kadika, dai tamine‑ya Deoso‑ya ohiyarateni. Yeso Kirisito tamine‑ya dai‑ya okaminamaro, kadeya‑ya owa‑ya mai nawaamaroni.

Firibo 1:7

“Dai onofa, sibarineni.” Owatibodi ati na, owatibodi dai‑ya foyateni. Deoso Ati Amosabote okamina, owa dai kasoma, kadeya‑ya ofoya, owa‑ya dai kasoma, fara owa manakone kote dai kayafahareboneni.

Efesiyo 6:20

Kirisito tamine ohiyare, kadeya‑ya owa‑ya mai nawaamaro, waasa ona, Deoso dai hiyarahi, owa habo siitorabonehe. Owa habo kitiya, Yeso ati okaminamakitasaboneni.

Yeso‑ka yo‑yose mai tamine 26:29

Ati‑ya Baoro mite, ati yanane, “Owati fa‑famaraba na toha, owati dama toha na, Deoso ati tinofabone owati nofani. Owati dai nafi mita, owa‑nima dai na‑mani, yama amosa neni. Koheti‑ya soki·okana‑nima dai‑ya owati sokini nofarani.” Ati nemonane.

Firibo 4:22

Yeso ati‑ya mai no‑nofa Sesa‑ka yobe‑ya mai wi‑wina, dai‑ya mai nofa, dai tamine‑ya mai hiyarani.

Yeso‑ka yo‑yose mai tamine 28:30

Faha fowe fami‑ya Homa mai‑ka yobe‑ya Baoro wine, yobe hidi‑ya manakone‑ya daanemarine. Mai kamake, mai‑ya hiyare,

Yeso‑ka yo‑yose mai tamine 28:20

Fara dai haa·ona, dai oawaboneni, owati dai mitabonehe. Isara·eo‑ka nodi ai nimane, tamine ohiyare ene koheti‑ya owa‑ya mai yaditoneni.” Baoro ati ne.

Yeso‑ka yo‑yose mai tamine 28:17

Homa‑ya amoni fama, amoni oharimaki ne‑ya Yodeo mai‑ka hidi‑ya Baoro haane, mai kamake, mai‑ya hiyare, “Owati dai mitahi. Dai owa ama·oni. Ai‑ka idi mai ati‑ya onofa, ai‑ka mai one okakoterani, mai‑ya wee·orihi oteni. Hiniya owa‑ya mai kako kofina, Yerosare‑ya owa‑ya mai daanineni, homano mai‑ya.

Yeso‑ka yo‑yose mai tamine 26:31

Yobe kote‑kaya mai toka, mai ibi hiyara, “Ati sibarane. Haa‑nima ai ati na, ai nanahabarihi, ai sokikarihi ai teni.” Mai ati na.

Efesiyo 4:1

Ai‑ka Ayo i‑di Yeso Kirisito ati okamine, kadeya‑ya owa‑ya mai nawaa, owati dai mitahi. Deoso dai‑ya haanemata, Yeso‑ka dai toha, ati dai tokadabaho.

Firibo 1:30

Owa‑nima dai nawahani. Kirisito ati ai hiyara, ai‑ya mai kakoteni. Owa‑ya mai kakomaro, owa‑ya mai kakonasa nineni. Owa‑ya mai kaka, mai dai awamaro, owa‑ya mai kakonasa na, mai tamine dai mitineni.