11 Hibayata Yeso dai‑ya sawi, mahi‑nima dai ene amosi ba‑basi, mahi‑nima dai ene amosi ba‑basi niya, dai ene‑ya mai awiya, Deoso‑ya mai kahiyara, “Deoso amosabote amane.” Mai ati nawahaboneni.
Owa‑ya dai kadikara, dai‑ya okadikabisa, dai‑ya oyosemaroni, dai bonabonehe, dai ene amosa fawarabonehe. Yama onofa‑nima yama na dai nofa, yama dai haana‑ya Okobi daanebonane.
Dai ene amosa, dai bona‑nima dai nineni. Dai bono nafiya, dai ene‑ya mai awiya, oka dai toha dai‑ya mai watowahabone, Deoso ene amose‑ya mai awaboneni.
Yerosare‑ya mai wi‑wina mai‑ka yinero‑bona owakami hawa ohiya, Esibaniya‑ya okomakiya, dai tabaro‑ya owa amoni fa‑famaraba nabone owatibodi ati nineni.
Dai ene‑maro dai‑ya yaditonamara, dai manakone abawaha, hibayata Deoso‑ka dai toha, dai ene amosawama, dai manakone amosawamahari na, makobote Deoso tabaro‑ya dai winaboneni.
Ai‑ka yamata ai kamabone‑ya Deoso ai‑ya daane, ai kamaya, Deoso nayanatene, ai kababonehe. Dai ene amosa‑ya Deoso kasomebonane, dai ene amosa dodamabonehe.
Yeso Kirisito‑ka ai toha, ai atibodi yati‑bone‑ya Deoso wamane, ai‑ya daahina, ai ene amosawamabonehe. Ai ene amosa‑ya Deoso ati kobonemata, fara ai ene amosahi.
Yeso‑ya dai ya‑yainihebone, dai ene amosiyahi. Awa bono ade amosa, bona ihi ai ya‑yaiteni. Fara‑nima dai ene amosa, ai‑ka Ayo i‑di Yeso ya‑yainebonane. Deoso‑ya dai wato ba‑basi naboneni.
Deoso Ati Amosabote ati dai mite, ati dai nofe, mai one‑ya ati dai kaminamaki, dai ene Deoso Ati Amosabote mai one nofamoneni. Awa yana, tonafe, bonowahateni. Fara‑nima Deoso Ati Amosabote toheya mai dami mita, ati mai hinofe Deoso‑ka mai dodamateni.
Dai ene‑ya mai awiya, Yeso‑ya mai kahiyarawahaboneni. Dai ene Yeso‑ya mai kahiyara, dai ene i‑di Deoso ya‑yainebonane. Ai‑ka Ayo i‑di Yeso Kirisito ene Deoso ai‑ya kasomebonane.
Bara mai‑ya dai sawiya, dai ene amosahi. Dai ene towe‑mone mai ati na, dai ene‑ya mai awiya, dai ene amosa‑ya mai atibodi watowaha, Yeso kamataseya, dai ene Deoso‑ya mai kahiyaraboneni.
Dai‑ya Deoso kadikemari, hika yama‑bone‑ya da‑daa dai tohaboneni. Dai ene amosa hinama tohebona ati ne, Deoso‑ka dai toha, Deoso ene amosabote tamine dai kaminahi. Hibati‑ya yama soki‑nima dai ene namaro, Deoso ene yama tehe‑nima dai ene nawaha, Deoso wehene amosabote tohatene.
Kirisito‑ka dai toha, dai‑ya mai taina, dai yawara, dai ya‑yaina, Deoso dai‑ya kasome, Deoso‑ka Doni amosabote dai‑ya sawi, tamine‑ya dai kadikabisahi.